مشكله ف الهوندا اكورد اوتوماتك 82 ... اجاركم الله

[spider_aswan]

بعد التحيه
شكرا للدخول
معايا العربيه غيرتلها بلي العجل امامي وحصلي حاجه غريبه
العربيه علي غيار النجمه بيفصل بزود بنزين ومفيش سحب ف العربيه
لازم ابطل العربيه واشغلها تاني تسحب ضعيييف امشي شويه ويفصل تاني
الميكيانيكي قاللي ده الفتيس بيودع مع العلم انه كان كويس جدا قبل ماغير البلي
ممكن يبقي الفتيس فعلا وللا البلي راكب غلط
ولو الفتيس اجيبله طقم اصلاح وللا اغيره
مع العلم انا من اسوان ومفيش حد هنا بيبيع اي حاجه لهوندا
ارجوكم افيدوني
شكرا

[SAMEH_FOUAD]

هية مشكلتك دية طالما متأكد ان الفتيس كويس جدا قبل التغيير يبقى هتتأكد الاول من الاتنين دول وان شاء الله مش هيخرجوا منهم

1- تتأكد ان الكبالن راكبة كويس وصخ

2- لو هو فك الكبالن , يبقى المفروض يعوض مكان الزيت اللى نزل

فانت دلوقتى هتكشف الاول على مقاس الزيت بتاع الفتيس ولازم يكون على ال max

[spider_aswan]

شكرا لسرعه الرد
انا غيرت زيت الفتيس بالكامل
والمقاس مظبوط
بالنسبه للكبالن قولت للميكانيكي لاني بسمع خبط ف المطبات
قاللي لو الكبالن راكبه غلط العربيه ماتتحركش اصلا
حضرتك رايك ايه؟
وشكرا لاهتمامك وسرعه الرد

[SAMEH_FOUAD]

لازم تبص على الاتى :

1- كبالن ( ويتأكد ان البلى بتاع الكبالن راكب صح ومظبوط )

2- واتأكد من wire الفتيس راكب هو كمان صح ولا لأ

وخلية يفك الجنب اللى فكة تانى ويركبة من اول وجديد بس صح

ولما تركب تظبط مقاس زيت الفتيس تانى

[spider_aswan]

السلام عليكم
انا فكيت الكوبلن وركبته تاني
الخبطه اللي كنت بسمعها راحت
بس برضه العربيه بتشتغل علي ال 0d بس
ولما ادوس فرامل والعربيه تقف خالص مش بتقبل مني اي غيار
غير لما ابطل العربيه واشغلها تاني
نسيت اقولك لما العربيه مابتقبلش غيار بحاول اغير ف الغيارات لعل يلقط اي غيار
ساعتها بسمع صوت عالي من الفتيس زي الشخير كده(معلش مالقتش حاجه اقرب للصوت ده زيه) غالبا صوت الواير مش بيروح غير لما بغير علي n & p
انا عارف اني دوشتك بس غصب عني ياريت توسع صدرك معايا شويه
وشكرا لسرعه ردكم الكريم

[SAMEH_FOUAD]

لأ ياباشا اسأل براحتك واستفسر براحتك , احنا اخوات , ومش بنسيب اى شخص الحمد لله الا لما بنحل لية مشكلتة

, طيب ماتشوف ال wire ممكن يكون مرخى , لازم الwire يكون مشدود بنسبة 95% عشان العربية تنقل معاك

وكمان ياريت تراجع wire عصاية النقلات

[spider_aswan]

شكرا يابرنس
هاشوف وارد عليك

[AHMED_HAMDY]

اسف للتدخل من صاحب الموضوع

بس يا سامح الواير لو مشدود زياده عن اللزوم والعربيه مانول ممكن يخلي اول مشيل بنزين وقبل مدوس ديبرياج العربيه زي متكون بتكش جامد كدا !!!!!!!! ولا ده عيب حاجه ثانيه


يعني ابقى هلمس فرام واكمل بنزين مش غير مسند ديبرياج بلاكي العربيه نتشت وكشت كدا ده عيب ايه

[SAMEH_FOUAD]

لأ يااحمد العربية اتوماتيك مش مانيوال

[AHMED_HAMDY]

لاء يا سامح انت مفهمتش سؤالي بقولك انا عندي مشكله وانا مانوال اني اول مبشيل رجلي من البنزين بلاقي العربيه عندي بتكش جامد قوي

ده كدا بسبب ان الواير مش مضبوط عندي ومشدود جامد ولا حاجه ثانيه الي بتعمل كدا

يعني ابقى ماشي 60 مثلا واشيل رجلي من البنزين ههدي حاجه بسيطه وارجع اكمل الاقي العربيه نتشت لوراء شويه !!

ده بسبب ايه

[SAMEH_FOUAD]

معلش اصلى افتكرتك بتتكلم عن مشكلة صاحب الموضوع

عموما مشكلتك دية , عايزة تنظيف بوابة وحساسات , وظبط كهرباء واظبط حساس ال tps

[AHMED_HAMDY]

تمام قوي ششكرررررا

[spider_aswan]

انا اتصلت بالراجل بتاع القاهره اللي بيبعتلي قطع غيار الهوندا مش عنده الواير
ياريت لو تعرف حد بيبيعه تديني رقم تليفونه
بالمناسبه هو واير واحد وللا اتنين واحد للفتيس وواحد لعصايه الغيار
علشان الميكانيكي بيقوللي هو واير واحد
وشكرا للاهتمام

[awamry]

هو واير واحد بيركب بين العصاية و الفتيس و مش لازم يكون بتاع الاكورد .. اعتقد ان بتاع اى هوندا اتوماتيك كاربتير (قبل 95) ممكن يمشى بس لازم ميكانيكى كويس يظبط الرجلاش بتاعه ..

[pop_king3]

موجود استيراد عندى لو محتاجه 01008090209