ساعدونى يا هونداويه فى علبه الدركسيون

[abo_yossef]

عربيتى هوندا سيفيك93 العربيه عندى بتشرب زيت الباور يعنى في الأسبوع بتاخد علبه
فكنت عايز اعرف هل هى هتحتاج طقم اصلاح ولا تغيير علبه الدركسيون والأسعار ايه وتتعمل
عند مين مع العلم ان العربيه عندى مفيش اى بوش في الدركسيون
ولكم منى جزيل الشكر

[AHMED_HAMDY]

جديده الي موجود تايواني والسعر تقريبا من 1500 ل 2000 والله اعلم

استيراد بتعمل من 700 ل 1000

والي سمعته من الناس طقم الاصلاح مش عملي وبترجع تبوظ ثاني

[SAMEH_FOUAD]

معلش ياباشا تسريب زيت الباور ممكن مايكونش اصلا من علبة الدركسيون , وغالبا مش منها

فلازم الاول تكشف على

1- خرطوم الباور

2- خزنة الباور

3- طلمبة الباور نفسها

لو لقيت كل دول تمام يبقى تكشف على العلبة وتشوف التسريب منين

لكن تحدد ان العيب من علبة الدركسيون كدة بدون كشف , ماينفعش

وان شاء الله هتتطلع حاجة بسيطة

[abo_yossef]

انا كنت اكتشفت ان الزيت بينقص لما بلف الدركسيون جامد
وممكن تقولى اروح اكشف عند مين وانا متشكر لأهتمامكم

[SAMEH_FOUAD]

لو تقدر تنزل الحرفيين هيكون افضل

( جاسم - عصام )

[samirmohmedbmw]

للافاده

بعد اذن سامح باشا طبعا انا كان عندى مشكله زيها ممكن تكون السبب برده فى خرطوم تحت عند العلبه موازى للعلبه بالعرض رفيع زى خرطوم المساحات راكب من عند كاوتشه التراب البارات الداخليه (كاوتشه المازيكا) اليمن للشمال ممكن يكون مقطوع كان بيخلص علبه الزيت عندى ممكن تشوفه كده

[abo_yossef]

انا متشكر جدا لأهتمامكم
ان شاء الله هاروح لجاسم انا اعرفوا بس افتكرت انوا شغل ميكانيكا بس
وهاقولكم على اللى تم ان شاء الله

[MultiThreading]

بعد اذنك يا باشا عشان أنا عندي نفس مشكلتك بالضبط وهي ان علبة الدركسيون بتجيب زيت جامد ولما بلف التارة بسمع صوت تزييق وأنا كشفت وعرفت انها من علبة الدركسيون ... كنت عايز أعرف جاسم خد منك كام مصنعية في فك العلبة وتركب ليها طقم اصلاح وأيل سيل ليها وهل المشكلة هتتحل ولا شوية وهتبوظ تاني... أشتري واحدة جديدة وخلاص.
وكمان يا سامح باشا كان عندي الفتيس بيجيب زيت ولما كشفت عصام قال لي لازم نحل الفتيس وجاسم قال لي ده أيل سيل عايز يتغير

فـكنت عايز أعرف هاتكلفني اد إيه الموضوعين دول من قطع غيار ومصنعية.

[ahmadalsabban]

اتاكد الاول ان العيب مش من الخراطيم ال الطلمبة، لو علبه الدركسيون مافيهاش بوش يبقى خساره تغيرها في طقم اصلاح ليها بيتباع ممكن تشتري ويركب عند العفشجي بتاعك اودامك، انا كنت عملت كده في عربيتي ومحصلتش المشكله ده تاني

[MultiThreading]

ألف شكر يا باشا على ردك.. أنا متأكد ان مشكلة تسريب الزيت من أيل سيل علبة الدركسيون بس هي مابتخبطش ولا فيها بوش فـلو ركبت طقم اصلاح هيظبط الدنيا ولا اغيرها كلها أحسن وتكلف مصنعية اد إيه هي و تغير أيل سيل الفتيس

[ahmadalsabban]

طقم الصلاح بيجي فيه كل oil seal and and oil rings في كيس وده الصلي انا مش فاكر والله كنت شاريه منين بس اسال عليه في التوفيقيه، وعلى كل حال في واحد في التوفيقيه بيشتغل في تصليح علب الدريكسون وبيديك ضمان بس ان حابيت اني اشتري الطقم الاصلي وشوفو بيركب ادامي.
لو قصدك على oil seal اللي بين الموتور والفيتيس فهو مش غالي عمومان اسعار oil seals مش غاليه ، المصنعيه هي المشكله علشان الشغل كتير، انا حصل معايا قبل كده ان كان فيه تسريب زيت بين الموتور والفيتيس وكان لازم يفك الفيتيس من الموتور ولسوء حظي روحت عند مكانيكي اي كلام وسبت ومشيت طبعا كنت غلطان بعد ما مشيت بالعربيه نص ساعه الفيتيس اتحرء البيه ركب torque converter غلط.
حاول تعرف التسريب منين بالضبض ونوع الزيت اللي بينزل ايه بالضبط وانشاء الله نقدر نساعدك.
مش فاكر اي اسعار والله لان العربيه ده كانت عندي من فتره واكيد الاسعار اتغيرت

[carrier]

ما دام علبة دركسيون باور

مفيش غير محل ملك الباور الاسطى عبودة الحى السابع اللى تثق فيه

وده بجوار عبقرينو بتاع تكييف العربيات