بخصوص حادث عربيتي ايه اللي ممكن اعمله فيها والتكلفة

[mohandelboshy]

ايه اللي ممكن يترد في العربية وايه اللي مينفعش ولازم اشتريه
عشان احاول الم العربية

هل الكبوت والرفرف ممكن يتردوا
وهل الشنطة تترد ولا لازم اشتري كبوت وشنطة ورفرف

[J A G U A R]

هاتعوز كبوت وشنطه وفانوس امامى واكصدام خلفى ... وربنا يعينك

[saddam]

صديقي المواطن
قولا واحدا من خبراتي اليومية في الشد واﻹصلاح والتعديل داخل وخارج مصر فخدها مني أنا عن نفسي لو عربيتي حتى الفوانيس المكسرة حصلحها ومش حغير غير مسامير وصواميل لكن إنت ممكن توديها لكذا سمكري ويقوللك عايزة رفرف وكبوت وشنطة وهاتلي فوانيس جديدة اﻷول عشان أظبط عليها عشان محدش بقه بيتعب نفسه وكله عايز يقلب وكل أسطة عايز يروح لبيته ب ألف جنيه بأي شكل ومل من الشغلانة وكله شغال عالسمعة ومفيش شغل نظيف وأنا بسبب المشاكل دي بقيت أشد في أقاليم معينة وربنا يعينك كده إحنه جاوبناك صنايعي شاطر وخبير تعديل مش حتغير ولا حاجة صنايعي شاطر بس ملوش في التعديلات واﻹفتكاسات حتجيبله فوانيس جديدة يس لكن صنايعي أي كلام حيخليك تجيبله كل حاجة جديدة وبرضو حتطلع العربية وحشة وبكره أفكرك وربنا يدلك لما فيه الخير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[behman]

كبوت و شنطه و رفرف قدام يا باشا ... ربنا يعوض عليك

[shekoX]

الحمد لله انك بخير يا باشا و الف سلامة قدر لطيف

بص يا استاذ مهند

اولا معلومة لحضرتك اى شى فى الصاج يستعدل الا اذا انت هتشيل و تركب و كل صنايعنى و شطارتة و نظافتة فى شغلة

ثانيا الكبوت يستعدل هوا و الرفرف على السخن و الشنطة هتترد على السخن و هتغير فانوسين خلفى و امامى شوف فوانيس هتكلف كام و عموما الرفرف و الشنطة و و الكبوت سمكرة مش عارف سعرها هيدخل فى كام بس الاول تعرف تكلفتهم جديد قد اى لو فى مقدرتك تجبهم تمام هتجبهم جداد وتركبهم مش فى مقدرتك تشوف السمكرى هياخد فى الشغل دا قد اى فلوس و اتفق معاة و لازم تكون عارف سعر الحجات دى جديدة علشان ميبقاش اقل من سعر الجديد بى حجات بسيطة و تدبس مع السمكرى اتفقتو على السعر امين يشتغل لو فى حاجة مش عجباك قولة عليها هم عاوزين كدا

ثالثا هتروح لبتاع الفيبر هيفك الاكصدام الامامى و الخلفى و هيبتدى يستعدلهملك و متدفعش اكتر من 100 جنية لانهم مفهمش حاجة دا لو قالك ازيد من كدا متدلهوش و شوفة فى الاول هيطلب كام

رابع خطوة هتويدها لحد بتاع رش و غالبا هيكون جمب السمكرى

هتفك غطا التنك بتاع العربية و هتروح عند بتاع البويات و هيجبلك نفس درجة لون العربية الحنكة فى هنا بقى :)
و هتتفق مع بتاع الدوكو هيمعجن العربية و تسبها فى المعجون 3 ايام علشان يعضم معاك و لم يترش ميتطلعش من الصاج
و عموما العربية بتدخل فرن كاملة بى 200 300 جنية مش فاكر بظبت يعنى حضرتك ممكن تعمل حسابك فى 2500 جنية حلو اوى و ربنا يعينك و يا رب اكون قدرت اساعدك

[SAMEH_FOUAD]

حمد لله على سلامتك يأستاذ مهند, وقدر الله وماشاء فعل

عموما ياباشا تلفياتك كالاتى :

الجهة الامامية :

1 - كبوت استيراد : سعرة 400 جنية , او تايوانى سعرة 300 جنية

2- اكصدام امامى استيراد ب450 جنية وتايوانى جديد ب 180 جنية

3- فانوس امامى استيراد بالاشارة ب200 جنية وجديد بالاشارة تايوانى ب240 جنية

4- كارتيرة امامية استيراد ب80 جنية وتايوانى الاتنين ب 150 جنية

5- استعدال الشنب بس يفضل استعدالة على البارد هو والكارتيرة اللى خلف الرفرف لانها غالبا اتأثرت

6- الرفرف الامامى يستعدل بسهولة جداا

* الجهة الخلفية :

1- باب شنطة استيراد ب 350 جنية ونصحية منى ماتستعدلهاش لانها كدة العظم بتاعها باظ وتكلفة استعدالها بتمن باب شنطة استيراد

2- فانوس خلفى استيراد ب 150 جنية قطعتين

3- اكصدام خلفى استيراد ب 400 جنية وتايوانى ب 180 جنية

4- هيتم استعدال الرفرف الخلفى

ونصيحة منى العربية دية لازم تنزل كلها على الصاج لانها شايلة معجون كتير جدااااااااااا

والحمد لله الشغل بسيط ان شاء الله غير ماانت شرحتلى فى التليفون خالص , والحمد لله مافيش تأثير على شاسية او اى حاجة

وشوف ياباشا لو احتاجت اى حاجة انا فى الخدمة

[AHMED_HAMDY]

سامح الفوانيس دي الليدات مش الاوريجينال

وسعرها غالي جدا يعني القطم جديد اخر مره جايبينه كامل ب 950 ال 4 قطع الليدات

ممكن تصبلهم وشوش الوش ب 50 جنيه -100 جنيه لو عايز ولو القواعد متكسره عند اي بتاع فيبر يلحمهملك ولو انت قريب من الزقازيق فيه واحد بتاع فبر معرفه بعملي شعل رخيص جدا جدا جدا

العربيه انا شوفتها قبل متترش والعربيه دي مرشوشه في شهر 6 -7 الي فاتا وشايله معجون بكثير دي الحاجه الوحيده الي فيه لو تقدر تجيبها على الصاج وترش من الاول خير وبركه مش تقدر كمل رش باقي الاجزاء

[SAMEH_FOUAD]

انا بكلمة على العادى

وفعلا كلامك صح يابو حميد انة لو عايز يجيب نفس الفوانيس دية بس صعب جدا يلاقيهم استيراد لازم جديد

الاربع فوانيس لوحدهم هيعملوا 2000 جنية

[AHMED_HAMDY]

انا اخر مره جايبينه من الريس الي عند مجدي الدسوقي ب 1050 من كام شهر مش اتوقع انهم وصلوا 2000 خالص والله اعلم

[SAMEH_FOUAD]

لأ انا بتكلم على مجموع الاتنين ( امامى + خلفى )

[AHMED_HAMDY]

تمام بس القدام عنده الاوريجينال الطقم بالاشارات مش هيزيد عن 500 جنيه