اسعار حاجات للجيل الثامن

[youssamr adel]

السلام عليكم
انا سالت قبل كدة هنا عن اني بسمع خبط في العربية وانا ماشي ورجة في الدريكسيون
نزلت الحرفيين عند عدلي العربية طلع فيها الاتي
حقولكم الحاجات اللي اتغيرت باسعارها كمان
كوبلن داخلي شمال 900 جنية
اصلاح علبة الدركسيون 500 جنية
بلية خلفي شمال 750 جنية
تيل فرامل تركي 240 جنية جديد
كارتيرة امامي جديد 160 جنية
حساس فرامل شمال امامي 350 جنية
سلك تانك بنزين 185 جنية
طبعا الاسعار غالية شوية مش عارف بقي اضحك علي ولا اية
بس اخيرا حسيت معني الهوندا فارق كبير بعد ما عملت الكلام دة
حبيت بس اقولكم شوية اسعار وحاجات بس الفرق كبير في التسارع والرجة راحت اللي كانت في العربية

[haissam24h]

اصلاح علبة الدركسيون 500 جنية مبالع فيها قوى ديه فى شامبليون الحراميه بكبيرهم 400
بلية خلفي شمال 750 جنية مش عارف السعر ده منين الصراحه ديه اسعار توكيل ولا محل عادى
كوبلن داخلي شمال 900 جنية

الاهم ان العربيه بقت تمام

[SAMEH_FOUAD]

مبروك ياباشا

بس انت ماقولتش الكوبلن صناعة اية

وبالنسبة لعلبة الدركسيون سعر تصليحها كويس جداا

بلية خلفى تمنها غالى جداااااا , الا بقى اذا كان جابها بالسرة

تيل فرامل التركى ب 185 جنية

الكارتيرة سعرها كويس

الحساس سرعة زيادة من 50-100 جنية

سلك تانك البنزين سعرة كويس

[hany63]

المهم ايه احساسك بعد اصلاح العلبه ؟
ياترى الخبط راح تماما ولا موجود بنسبه اقل ؟

[محمد بدر]

علبة الدركسيون اخبارها إيه بعد الإصلاح

[ahmedabeed]

الراجل اتصدم ومش عاوز يرد - على فكرة هو عدلى كده لازم تجيب الحاجة من بره قبل ما تروحله مع ان الشيخ محمد مشهور قدامه على طول واسعاره كويسه

[foxhonda2008]

الراجل صاحب الموضوع شكله رجع لعدلي تاني

[youssamr adel]

اسف يومين ما فيش نت
الفرق طبعا شاسع بين الاول وبعد نا صلحتها العربية ناعمة جدا ومافيش الرجة اللي كانت موجودة
وبالزات لما بعمل كيك دون
وبالنسبة للبلي الخلفي انا فعلا جبت السرة كلها وهي استيراد هي والكوبلن اما باقي الحاجات كلها جديدة