تقرير عن أسعار قطع غيار هوندا الأصلية بعد عمل سيرفس لسيارتى هوندا 2009 vti

[mhoreya]

الحمد لله عملت صيانة كاملة لعربيتى هوندا سيفيك 2009 VTI
وباسم الله ما شاء الله عليها بعد الصيانة بقت حاجة تانية خالص
و طبعا كل قطع الغيار اللى جبتها أصلية لانى مش بعرف احط فيها حاجة تقليد أو مضروبة
و دى كانت نصيحة الأستاذ سامح و كلامو بصراحة كلام ناس فاهمة ما شاء الله عليه ..
المهم اسعار الحاجات اللى جبتها علشان لو حد عاوز يعرف الاسعار ..
بس طبعا الحاجات دى كلها أصلية فا ممكن تكون غالية شوية بس بتفرق جامد فى أداء العربية ..

1- زيت موتور هوندا أصلى .. 300 جنيه
2- فلتر زيت هوندا أصلى ... 50 جنيه
3- زيت فتيس هوندا أصلى 3 كيلو ... 300 جنيه
4- فلتر هواء أصلى .. 190 جنيه
5- فلتر بنزين أصلى ... 600 جنيه
6- بوجيهات هوندا أصلى ... 570 جنيه
7- سير مجموعة هوندا أصلى ... 600 جنيه
8- مياه خضراء تبريد هوندا أصلى ... 140 جنيه


طبعا بعض الحاجات دى كانت كويسة عندى بس انا غيرتها برضو بالمرة علشان يبقا سيرفس كامل ..

كنت أشتريت من فترة مساعد هوندا اصلى امامى يمين .. 1000 جنيه
و سألت على الطنابير الأصلية .. 1000 جنيه برضو الواحده
و تيل الفرامل الأصلى .. 780 جنيه و اليابانى اللى الناس بتشكر فيه عامل 400 جنيه وزى الفل..
كاوتش كوبلن أصلى .. 70 جنيه

لو فيه أى اسعار جديدة عرفتها هبقا أكتبها هنا باذن الله علشان الناس تستفيد ..
تحياتى يا رجالة

HONDA .. THE POWER OF DREAMS

[hossamalsadik]

الف مبروك الصيانه وربنا يبركلك فى عربيتك ويحفظهالك
وشكرا على تقرير الاسعار

[محمد بدر]

اولا مبروك الصيانه
ثانيا شاكرين فضلك علي التقريرالممتاز
ثالثا حضرتك عملت صيانة كام كم علشان انا عارف ان البوجيهات بتتغير علي 100 ألف كم
رابعا واخيرا اخبار علبة الدركسيون وقواعد الموتور إيه
وبارك الله فيك وجزاك كل خير

[mhoreya]

اولا مبروك الصيانه
ثانيا شاكرين فضلك علي التقريرالممتاز
ثالثا حضرتك عملت صيانة كام كم علشان انا عارف ان البوجيهات بتتغير علي 100 ألف كم
رابعا واخيرا اخبار علبة الدركسيون وقواعد الموتور إيه
وبارك الله فيك وجزاك كل خير

العربية عاملة معايا فى العداد 55 الف كيلو ..
وعملت صيانة علشان كنت شاريها مستعملة و انا بحب اغير كل حاجة فيها و أبدأ احسبلها من ساعت منا حطيت رجلى فيها ..
و علبة الدركسيون و قواعد الموتور زى الفل الحمد لله مش محتاجين حاجة ..
لانى الحمد لله واخدها من واحد كان بيحافظ اوى عليها و الحمد لله انا بحافظ عليها اكتر منو كمان ..
و شكرا على اهتمامك يا باشا و تحت أمرك ..

[Eslam.Elrefaey]

ألف مبروك عليك العربية و ربنا يبارك فيها بس مش كده سعر المساعد غالى !

[Thebutcherr]

هى سعؤها حوالي كام حضرتك

[mhoreya]

ألف مبروك عليك العربية و ربنا يبارك فيها بس مش كده سعر المساعد غالى !

والله انا سألت فى كذا مكان على المساعد الأصلى الهوندا بتاعها لقيتو جديد ب 1200 كمان بس انا وقعت واحد ب 1000 .. وهوه غالى طبعا بس علشان اصلى اصلى ..

هى سعؤها حوالي كام حضرتك

سامحنى مش هقدر اقول انا اشتريتها بكام .. بس اللى اقدر اقولو انى لو هبيع ممكن اسيبها ب 157 الف جنيه لانها حالة و فيها كماليات ممتازة جدا بفلوس .. ربنا يحميهالى يارب

[Hussein_Ramdan]

157 ماشاء الله ربنا يبارك ليك فيها
لا احسن متبعهاش عشان السنة الى جاية هتتباع 175
والسنة الى ورها 205

[mhoreya]

157 ماشاء الله ربنا يبارك ليك فيها
لا احسن متبعهاش عشان السنة الى جاية هتتباع 175
والسنة الى ورها 205

شكرا للتريقة :)

[Hussein_Ramdan]

والله مفيش تريقة انا اسف لو ديقتك
انا بس اعصابى تعبانة شوية من اسعار المستعمل اليومين دول
انا اسف تانى

[S O P H O S]

الف مبروك
تقرير رائع

[Eslam.Elrefaey]

ماهو اصل معلش لما المساعد الواحد ب1200 ومن غير سوست كمان ده انا اجيب كويل اوفر ماركة نظيفة بالرقم ده !

[THETOP]

الحمد لله عملت صيانة كاملة لعربيتى هوندا سيفيك 2009 vti
وباسم الله ما شاء الله عليها بعد الصيانة بقت حاجة تانية خالص
و طبعا كل قطع الغيار اللى جبتها أصلية لانى مش بعرف احط فيها حاجة تقليد أو مضروبة
و دى كانت نصيحة الأستاذ سامح و كلامو بصراحة كلام ناس فاهمة ما شاء الله عليه ..
المهم اسعار الحاجات اللى جبتها علشان لو حد عاوز يعرف الاسعار ..
بس طبعا الحاجات دى كلها أصلية فا ممكن تكون غالية شوية بس بتفرق جامد فى أداء العربية ..

1- زيت موتور هوندا أصلى .. 300 جنيه
2- فلتر زيت هوندا أصلى ... 50 جنيه
3- زيت فتيس هوندا أصلى 3 كيلو ... 300 جنيه
4- فلتر هواء أصلى .. 190 جنيه
5- فلتر بنزين أصلى ... 600 جنيه
6- بوجيهات هوندا أصلى ... 570 جنيه
7- سير مجموعة هوندا أصلى ... 600 جنيه
8- مياه خضراء تبريد هوندا أصلى ... 140 جنيه


طبعا بعض الحاجات دى كانت كويسة عندى بس انا غيرتها برضو بالمرة علشان يبقا سيرفس كامل ..

كنت أشتريت من فترة مساعد هوندا اصلى امامى يمين .. 1000 جنيه
و سألت على الطنابير الأصلية .. 1000 جنيه برضو الواحده
و تيل الفرامل الأصلى .. 780 جنيه و اليابانى اللى الناس بتشكر فيه عامل 400 جنيه وزى الفل..
كاوتش كوبلن أصلى .. 70 جنيه

لو فيه أى اسعار جديدة عرفتها هبقا أكتبها هنا باذن الله علشان الناس تستفيد ..
تحياتى يا رجالة

honda .. The power of dreams

دى اسعار التوكيل ؟!

[mhoreya]

ماهو اصل معلش لما المساعد الواحد ب1200 ومن غير سوست كمان ده انا اجيب كويل اوفر ماركة نظيفة بالرقم ده !

كويل أوفر هينشف العفشة و هيوطي العربية و شغل تعديل وانا مش بحب العب فى اساس العربية .
انا بكلمك بأسعار قطع غيار هوندا الأصلية بتاعت الخواجة اللى صنعها ..
وكل واحد و مزاجو بقا

دى اسعار التوكيل ؟!

لا دى اسعار محل بيبيع حاجات الهوندا بتاعت التوكيل الاصلية ..
اما التوكيل أكيد هيبقا اغلى حاجة بسيطة

[mhoreya]

والله مفيش تريقة انا اسف لو ديقتك
انا بس اعصابى تعبانة شوية من اسعار المستعمل اليومين دول
انا اسف تانى

ميهمكش يا باشا و فعلا المستعمل الأيام دى اسعاره فوق ..
وشرفت الموضوع يا بوب ..