كماليات جديدة في التوكيل لأي هوندا وممكن أي عربية مش هوندا

[FrozenFire]

إزيكم يا عصابة عاملين إيه؟ يارب دايما بخير وأحسن حال

من كام يوم كنت بعمل صيانة السيتي في توكيل هوندا اللي في التجمع الخامس ولقيت هناك شوية إكسسوارات جديدة أول مرة تنزل التوكيل

فقلت لازم أبلغكم بيها لأنها ممكن تنفع لأي هوندا وممكن كمان غير الهوندا

أولا

طقم قياس ضغط الكاوتش ممكن لأي عربية وده في منه نوعين:

نوع بيلت إن يتحط جوا الإطار نفسه



ونوع خارجي بيتحط على البلف من برة


في النوعين في شاشة على شكل ولاعة العربية وبتتحط في مكان ولاعة العربية بتبين ضغط كل إطار وبتديك إنذار لو أي إطار منهم إتغير الضغط بتاعه وبتحدد لك أي واحد بالظبط.


ثانيا

طقم زينون لأي سيفيك أو سيتي



ثالثا
طقم باركينج سينسورز لأي عربية


رابعا
طقم دلايات للسيتي الشكل الأخير


خامسا
طقم باكيتات لأبواب السيفيك


يارب أكون أفدتكم

والسلام ختام

[J A G U A R]

والله حاجات كويسه جدا
ومبروك رفع الصور ...

[SAMEH_FOUAD]

تسلم ياباشا على التقرير الجميل , والاسعار تقريبا افضل من الخارج , وكفاية انها اصلية

[FrozenFire]

والله حاجات كويسه جدا
ومبروك رفع الصور ...

يا باشا متشكرين على المساعدة

[FrozenFire]

تسلم ياباشا على التقرير الجميل , والاسعار تقريبا افضل من الخارج , وكفاية انها اصلية

شوفت

على رأي نو كومنت
أغيب أغيب وأرجع بموضوع قنبلة

هاهاهاهاهاهاعاها
بس هو الموضوع المرة دي بمب مش قنبلة

[saddam]

صديقي المواطن
شكرا لنقلك لنا آخر اﻷخبار من التوكيلات وآخر تطورات الموقف لنفع زملائك أعضاء المنتدى الكرام وتحديث معلوماتهم ولا تحرمهم من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[FrozenFire]

صديقي المواطن
شكرا لنقلك لنا آخر اﻷخبار من التوكيلات وآخر تطورات الموقف لنفع زملائك أعضاء المنتدى الكرام وتحديث معلوماتهم ولا تحرمهم من كل جديد لك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا صديقي العزيز

إحنا هنا كلنا في المنتدى أصدقاء مخلصين لبعض وبنحاول نفيد وبعد وننفع بعض ونشيل الأذى عن بعض
وزي ما أفدت زملائي ياما أفادني ناس كتير جدا هنا

وسيادتك من أهم الناس اللي ليهم بصمة هنا في المنتدى وبتعلم منك برضه كتير

والسلام ختام

[samakaerror]

موضوع جميل و مجهود مشكور. و دمتم

[islam elnaggar]

شكرن على مجهودك في التقرير ده بس انا بستءزنك ان تكتب لنا بعض اسعار قتع الغيار لل سيتي في التوكيل مثال فلتر هوائ بنزين وزيت وكمان تيل فرامل

[eng-ahmed]

شكرا يا باشا على المشاركة الفعالة و منتظرين المزيد ان شاء الله

[sonybony]

جميل الموضوع ده تقبل تحياتي

[densfog]

جزاك الله خيرا على الموضوع الجميل .... ليا سؤال بعد أذنك زززهو رقم الزينون ده كام ... الأن على حسب علمى الرقم ده اللى بيتحدد على اساسه لون الزينون ... وانا بدور على الزينون الابيض زى اللى بيكون اصلى فى العربيات