تابلوه civic 2014

[HaNo_ELBeh]

هيا فعلا ازواق بس من وجهة نظرى الشكل فى الجيل الثامن احلى شوية على العموم
اما الجيل التاسع فعو احلى من الامام والخلفى مش قد كده بس طبعا من جوه مفيش ولا كلمة ولا مقارنة حتى بس ممكن تكون محتاجة توطى شوية متهيألى الشكل هيتحسن
بس ممكن عشان التعود بس لأنى كنت حاسس برضه فى كل فئة من فئاتها بس ما عدا الجيل الخامس بصراحة من اول مانزلت وهيا عجبانى جدا شكلا وموضوعا
وتقريبا اول ما نزلت كان سعرها 145 الف والبى ام سعتها كانت فى حدود 142 الف
مش متأكد طبعا من المعلومة لأنى كنت صغير وقتها بس انا فاكر الفليم الجراج لنجلاء فتحى وفاروق الفيشاوى اللى لونها كحلى كنت بشوف الفيلم عشان اشوف العربية
اياميها طبعا مكنش فيه عربيات كتير فى الشوارع زى اليومين دول

ياباشا ننزلك الفيلم كله على المنتدى علشان خطرك
فعلا السيفيك من العربيات اللى تشد انتباهك فى اى مكان وده عن تجربه
سواء فى الشارع او فى اى مكان
تحياتى

[NaderNabil]

عندنا السيفيك الهايلاين ال ٢٠١٤ في الشركة

بصراحة التابلوه التابلوه معجبنيش خالص.. كله بلاستيك hard feel... و الالوان بتاعته مش متناسقة مع بعض.... ده غير ان منظر الكاسيت شكله صعب جدا على عربية بالسعر ده

كمان حسيت ان عفشتها ناشفة و بترزع جامد.. بس ثابته جدا على الطريق

[svneleven]

فعلا السيفيك اللي فاتت أحسن من الجديدة بكتير كشكل من جوا و برا. الأداء الصراحة ما أعرفش مين أحسن لكن أظن الهوندا مش بترجع ل ورا. موضوع ال تابلوه بلاستيك الصراحة حرام أدفع 200 ألف و أخد تابلوه بلاستيك ده أنا ركبت جين 2 مع جاري و كان التابلوه جلد.

[sayed20501]

مع إحترامي الشديد لكل الأعضاء ولأرائهم
الهوندا أفضل بكثير
إن لم تكون الاولى في فئتها
تحياتي للجميع

[nyzo]

مش عارف ازاى ده تابلوه ميكروباص
التويوتا




و السيفيك

الهوندا سيفيك من جوه ملهاش حال, تحس إنك راكب طيارة أو سفينة فداء!
بتدي إحساس رهيب بالقوة والشياكة, وخصوصا أنور التابلوه بليل, حكاية!!!

تحياتي.