Tweet
السلام عليكم يا عصابة وعاملين إيه وأخباركم إيه؟
حصل موقف كده قلت لازم أدخل أكتب الموضوع ده
من ساعة ما جبت السيتي وأنا منعزل تماما عن عالم العربيات ولا بتابع إيه الجديد ولا إيه الدنيا فيها إيه عشان خلاص مافيش داعي إني أدور وأسأل.
لكن اليوم بدور على عربية صغيرة نشتريها لأختي اللي لسه متخرجة عشان تروح بيها المستشفى وتنفعها فأول حياتها.
المهم الأهل طبعا سلمولي الموضوع ده وقالوا لي خلصه بأقصى سرعة. دخلت طبعا وأنا معتقد إني حخلصه في خمس دقايق بحكم إني كنت عارف كل فتفوتة في سوق العربيات قبل ما أشتري عربيتي وقلت أكيد في ال3 سنين اللي فاتوا دول ما حصلشي فرق كبير ولا حاجة.
لكن اللي حصل إني أخدت صدمة فعلا.
كل ما أدور على عربية ألاقي صدمة تمنعني فعلا من التفكير فيها.
عربيات تمنها فوق ال100 ألف ولا فيها إيه بي إس ولا إير باج.
واللي فيها تلاقي فيها عيوب تقفيل تضحك لدرجة إن التوكيل بيصلحها بيشيكارتون أو بكرتونة.
واللي تلاقي العربية فيها مشاكل خطيرة في الفرامل وهي لسه زيرو وتقعد تغيرها وتروح وترجع من التوكيل كذا مرة عشان يعالجوها.
وتوكيل بيعمل صيانة في 6 ساعات وفي ناس سجلت رقم قياسي في توكيلات ب 9 ساعات لصيانة ال 1000. وكمان ماعندوش قطع غيار ويقولك بعد شهر ونص حتيجي قطع الغيار.
واللي مستغربه أكتر عربيات لسه زييييييييرو وتلاقي مواضيع عن كيفية معالجة عيب معين أو تصليح مشكلة ما.
وعربيات صاحبها يروح في صيانة الألف وهو ماسك لستة طويلة عريضة عن مشاكل عايزة تتظبط في العربية وتلاقي أصلا نص المشاكل دي التوكيل عارفها ومتوقعها.
واللي تلاقيها جميلة ومناسبة تلاقي طابور حجز يمتد ل 5 شهور.
وعربيات كنت متأكد إن فيها إير باج وإيه بي إس وخلاص تستقر عليها تفاجئ إن التوكيل لغى الفئة اللي فيها الإير باج. لا ومش كده وبس. دا بيبيعهالك بنفس سعر الفئة اللي فيها الإير باج...
والعربية اللي تلاقيها مافيهاش حاجة تلاقي سعرها معدي الربع مليون.
وحاجات كتيييييييرة قوي خلتني بصراحة أحمد ربنا وأشكر فضله إنه رزقني بالهوندا.
عربية إعتمادية والحمد لله من غير مشاكل. بروح بس التوكيل كل 5 آلاف كيلوا وممكن كمان كل 10 بس أنا اللي بحب أحافظ على عربيتي.
تقفيل جميل وخامات جميلة وأداء تحترمه من العربية. توفير في البنزين وقلة الأعطال (تقريبا مافيش أعطال).
يوم ما جيت أشتريها لقيت تسليم فوري في التوكيل.
توكيل محترررررررررررررررررررررررررررم وبيقدروا وقت العميل بتاعهم ويهمهم رضاه. هوندا دبي كلمتني مرتين بتتطمن على مستوى أداء الوكيل بتاعها في مصر.......
وبعد ده كله تأكدت إن سبب عدم إنتشار الهوندا لا يعود لمشكلة في الهوندا. ده لمشكلة سوق دماغه غريبه وشعب عجيب يتميز بتفكير محتاج إعادة تأهيل أو فورمات ونسخة ويندوز جديدة.
كنت بفكر إني أغير العربية عشان أجدد. لكن بعد اللي شوفته شيلت الموضوع من دماغي تماما.
مافيش تغير إن شاء الله إلا لما ربنا يكرم والواحد يقدر يجيب حاجة ألماني.
الحمد لله الذي رزقني الهوندا من غير حول مني ولا قوة. لأني لما كنت بشتري كانت الهوندا خارج الحسابات تماما وكنت محتار جدا وبالصدفة بتكلم مع عيان عندي في العيادة قالي : طب ما تشوف الهوندا كده يا دكتور. والحمد لله كانت رزق من ربنا.
برضه كان في أخ معانا هنا معاه سيفيك وبيسأل إنه عايز يغير وكل ما يشوف عربية يلاقي فيها مشكلة لا يمكن التغاضي عنها ومش عارف يغير يجيب إيه بعد الهوندا.
كل اللي معاه هوندا يحمد ربنا.
والسلام ختام
حصل موقف كده قلت لازم أدخل أكتب الموضوع ده
من ساعة ما جبت السيتي وأنا منعزل تماما عن عالم العربيات ولا بتابع إيه الجديد ولا إيه الدنيا فيها إيه عشان خلاص مافيش داعي إني أدور وأسأل.
لكن اليوم بدور على عربية صغيرة نشتريها لأختي اللي لسه متخرجة عشان تروح بيها المستشفى وتنفعها فأول حياتها.
المهم الأهل طبعا سلمولي الموضوع ده وقالوا لي خلصه بأقصى سرعة. دخلت طبعا وأنا معتقد إني حخلصه في خمس دقايق بحكم إني كنت عارف كل فتفوتة في سوق العربيات قبل ما أشتري عربيتي وقلت أكيد في ال3 سنين اللي فاتوا دول ما حصلشي فرق كبير ولا حاجة.
لكن اللي حصل إني أخدت صدمة فعلا.
كل ما أدور على عربية ألاقي صدمة تمنعني فعلا من التفكير فيها.
عربيات تمنها فوق ال100 ألف ولا فيها إيه بي إس ولا إير باج.
واللي فيها تلاقي فيها عيوب تقفيل تضحك لدرجة إن التوكيل بيصلحها بيشيكارتون أو بكرتونة.
واللي تلاقي العربية فيها مشاكل خطيرة في الفرامل وهي لسه زيرو وتقعد تغيرها وتروح وترجع من التوكيل كذا مرة عشان يعالجوها.
وتوكيل بيعمل صيانة في 6 ساعات وفي ناس سجلت رقم قياسي في توكيلات ب 9 ساعات لصيانة ال 1000. وكمان ماعندوش قطع غيار ويقولك بعد شهر ونص حتيجي قطع الغيار.
واللي مستغربه أكتر عربيات لسه زييييييييرو وتلاقي مواضيع عن كيفية معالجة عيب معين أو تصليح مشكلة ما.
وعربيات صاحبها يروح في صيانة الألف وهو ماسك لستة طويلة عريضة عن مشاكل عايزة تتظبط في العربية وتلاقي أصلا نص المشاكل دي التوكيل عارفها ومتوقعها.
واللي تلاقيها جميلة ومناسبة تلاقي طابور حجز يمتد ل 5 شهور.
وعربيات كنت متأكد إن فيها إير باج وإيه بي إس وخلاص تستقر عليها تفاجئ إن التوكيل لغى الفئة اللي فيها الإير باج. لا ومش كده وبس. دا بيبيعهالك بنفس سعر الفئة اللي فيها الإير باج...
والعربية اللي تلاقيها مافيهاش حاجة تلاقي سعرها معدي الربع مليون.
وحاجات كتيييييييرة قوي خلتني بصراحة أحمد ربنا وأشكر فضله إنه رزقني بالهوندا.
عربية إعتمادية والحمد لله من غير مشاكل. بروح بس التوكيل كل 5 آلاف كيلوا وممكن كمان كل 10 بس أنا اللي بحب أحافظ على عربيتي.
تقفيل جميل وخامات جميلة وأداء تحترمه من العربية. توفير في البنزين وقلة الأعطال (تقريبا مافيش أعطال).
يوم ما جيت أشتريها لقيت تسليم فوري في التوكيل.
توكيل محترررررررررررررررررررررررررررم وبيقدروا وقت العميل بتاعهم ويهمهم رضاه. هوندا دبي كلمتني مرتين بتتطمن على مستوى أداء الوكيل بتاعها في مصر.......
وبعد ده كله تأكدت إن سبب عدم إنتشار الهوندا لا يعود لمشكلة في الهوندا. ده لمشكلة سوق دماغه غريبه وشعب عجيب يتميز بتفكير محتاج إعادة تأهيل أو فورمات ونسخة ويندوز جديدة.
كنت بفكر إني أغير العربية عشان أجدد. لكن بعد اللي شوفته شيلت الموضوع من دماغي تماما.
مافيش تغير إن شاء الله إلا لما ربنا يكرم والواحد يقدر يجيب حاجة ألماني.
الحمد لله الذي رزقني الهوندا من غير حول مني ولا قوة. لأني لما كنت بشتري كانت الهوندا خارج الحسابات تماما وكنت محتار جدا وبالصدفة بتكلم مع عيان عندي في العيادة قالي : طب ما تشوف الهوندا كده يا دكتور. والحمد لله كانت رزق من ربنا.
برضه كان في أخ معانا هنا معاه سيفيك وبيسأل إنه عايز يغير وكل ما يشوف عربية يلاقي فيها مشكلة لا يمكن التغاضي عنها ومش عارف يغير يجيب إيه بعد الهوندا.
كل اللي معاه هوندا يحمد ربنا.
والسلام ختام
Comment