قررت العودة ان شاء الله - شراء سيفيك 2007

[Ghost2]

السلام عليكم
طبعا عصابة هوندا هي اسرة جميلة جدا .. غير ان العربية تحفة .. بقالي فترة بعيد عن القسم بعد هوندا الجيل الخامس .. و قررت العودة للقسم بموديل حديث
انا بفكر اجيب هوندا الجيل التامن
و بصراحة حدود اللي معايا من 90 ل 100 مش هزود عنهم و بفكر في عربية 2007 مثلا تكون بيزك يعني اير باجات و اي بي اس و اوتوماتيك .. لاني هركبها شوية و بعدين ادلعها بقى على مزاجي انا فا مش مستاهلة اني اجيب عربية كاملة و ارجع اشيل حاجاتها الاصلي
ايه رأيكم هل العربية ممكن تيجي بالفلوس دي ولا لا .. و بعدين رأي الناس في العربية بقى من راكبيها و انا عارف ان رجالة هوندا عمرهم ما بيبخلو بمعلومة
و تقبلوا فائق تحياتي

[محمد بدر]

يا سيدى الفاضل زود شوية علشان تلاقى حاجة على مزاجك

[kirolous123752]

ربنا يوفقك يارب في عربية نظيفة بس الفلوس دية ممكن تجيبلك عربية تعبانة شوية عايزة مصاريف بس ممكن تكون مناسبة لو هتعدل فيها و هتسقط موتور و هتشيل حاجتها الاستوك اما لو عايز عربية نظيفة ماتصرفش عليها و مش هتعدل فيها زود شوية يعني ممكن 110 maximum لسيفيك 2007

[Ghost2]

طب بأمانة كده هي وﻻ اوكتافيا 2006 برده بيزك ؟؟

[mhoreya]

اوكتافيا مين ياعم الحج سيفيك طبعااااااااا

[kirolous123752]

يا جدعان السيفيك ممكن نقارنها بالبي ام او ممكن المرسيديس لاكن الاوكتافيا دي تقارنها بالالنترا او الانسر دة كبيرها

[hany63]

ربنا يوفقك و تلقى حاجه كويسه
العربيه دي من احلى العربيات اللي ركبتها في حياتي

[Ghost2]

المشكلة ان دائرة المقارنة واسعة شوية يعني في سيفيك 2007 و اوبل فيكترا 2008 و اوكتافيا و جيتا 2007 .. و بصراحة هما فيهم مميزات كلهم .. اخوكو محتار .. و سامح انا بثق في رأيه جدا و اتكلمنا كتير انا وهو لاننه بصراحة صديق اتشرف بمعرفته لامانته و احترامه و درايته الواسعة بعالم السيارات .. شورو عليا اعمل ايه

[monamize4]

يا جدعان السيفيك ممكن نقارنها بالبي ام او ممكن المرسيديس لاكن الاوكتافيا دي تقارنها بالالنترا او الانسر دة كبيرها

[mando_07]

يا جدعان السيفيك ممكن نقارنها بالبي ام او ممكن المرسيديس لاكن الاوكتافيا دي تقارنها بالالنترا او الانسر دة كبيرها

مش اوى كده يعنى و على العموم ثبات الوكتافيا اعلى من السيفيك خصوصا في الملفات بس انا برضه بحب السيفيك اكتر
و بالنسبة لصاحب الموضوع المبلغ (100000) ان شاء الله هيجبلك 2007 بحالة نضيفة

[hany63]

مش اوى كده يعنى و على العموم ثبات الوكتافيا اعلى من السيفيك خصوصا في الملفات بس انا برضه بحب السيفيك اكتر
و بالنسبة لصاحب الموضوع المبلغ (100000) ان شاء الله هيجبلك 2007 بحالة نضيفة

السيفيك فعلا احلى من الاوكتافيا لسبب بسيط ان سواقتها ممتعه اكتر
و حتة الثبات و الفرامل اللي بتتفوق فيهم الاوكتافيا ده لو هتسوق فوق ال ١٦٠ كم

[Waleed maher]

تحياتي لكن يا جماعه ابعدو عن الاوكتافيا نصيحه من القلب جوز أختي معاه وحده ايه ٥ و بيلعن اليوم اللي اشتراها فيه و بيقول عليها عربيه كمين و ده ظابط طيار و ركب عربيات كتير و بحترم رأيه كل شويه أعطال كهربا و حساسات و سخونيه و مشاكل في الفتيس و العربيه مكملتش ٨٠ ألف كيلو . الهوندا برقبتها و مش مشكله قاعده الزيت دي ولا حاجه مقارنه بفشل الاوكتافيا

[mando_07]

السيفيك فعلا احلى من الاوكتافيا لسبب بسيط ان سواقتها ممتعه اكتر
و حتة الثبات و الفرامل اللي بتتفوق فيهم الاوكتافيا ده لو هتسوق فوق ال ١٦٠ كم

كلام حضرتك مظبوط و طبعا ثبات السيفيك كويس بس ال body roll بتاع العربية في الملفات عالى شوية و دة بيخليك انت و اللى معاك تحسوا بالملف برغم انها بتبقى مكلبشة في الارض، و بالنسبة للفرامل الاوكتافيا افضل بفارق ملحوظ و لكن كمجمل السيفيك احسن و تحس اللى انت سايق عربية ليها روح و تبقى مستمتع و انت سايقها

[kirolous123752]

المشكلة ان دائرة المقارنة واسعة شوية يعني في سيفيك 2007 و اوبل فيكترا 2008 و اوكتافيا و جيتا 2007 .. و بصراحة هما فيهم مميزات كلهم .. اخوكو محتار .. و سامح انا بثق في رأيه جدا و اتكلمنا كتير انا وهو لاننه بصراحة صديق اتشرف بمعرفته لامانته و احترامه و درايته الواسعة بعالم السيارات .. شورو عليا اعمل ايه

يا باشا انا عايز اقولك ان دايرة اختيارك مش موفقة خالص لية لان الجيتا و الاوكتافيا عربيات ملهاش لازمة ليةةةةةةةةة علشان هتحتاج تعد بيها عند الميكانيكي علطول و ذللك علشان مشاكل الكهرباء فيها معقدة زي البيجو و الميجان و كمان هتحتاج تغير فتيس كل شوية و دة عيب صناعة و كمان اعادة بيع العربيات دية في الضياع واثبتللك كلامي دة ان العربيات دية شوف سعرها كان زيرو بكام و بقت بتتباع بكام وطلاما انت عتشتري مستعمل فمش هتاثر فيك النقطة دية بس هتتعذب عبال ما تبعهاوذللك لعيوبها و تعقيدها انما لو عايز امكانيات و ثبات و فرامل و كل ما تتخيللة في عربية واحدة و ميهمكش المشاكل دية خسارة تدفع كتير في العربيات دية هات بيجو او ميجان و 50 او 60 الف كبيرها نيجي بقا للسيفيك انا مش هقوللك احسن عربية في الكون و لاب لاب لاااااا انا هيا بالعقل كدة عربية قطع غيارها متوفرة و غالية اة بس معمرة جدا دة انت عندك سير الكاتنة بيقعد 200 الف و البوجيهات 100 و كمان في منها مضروب لو عايز و استيراد كمان و اهم حاجة ان اي حد ممكن يشتغل فيها لانها غير معقدة نهائي من الاخر عربية عملية رياضية (vetc) و عائلية (سيدان) و معمرة و في الاخر انا عمري ما شوفت عربية هوندا كبوتها مفتوح و عطلانة مقارنة بالعربيات دية و بالنسبة للتوكيل فهو محترم للغايةةةةةةةةة بس لا يعيبة سوي غلو الاسعار فقط و علشان نبقي صرحا العربية الهوندا لا يعيبها سوي حاجتين قاعدة الموتور الزيت و دية هتغيرها كل 50 الف - و قطع غيارها غالية بس معمرة

[kirolous123752]

مش اوى كده يعنى و على العموم ثبات الوكتافيا اعلى من السيفيك خصوصا في الملفات بس انا برضه بحب السيفيك اكتر
و بالنسبة لصاحب الموضوع المبلغ (100000) ان شاء الله هيجبلك 2007 بحالة نضيفة

يا باشا انا جربت سو اقة الوكتافيا (وهية علي فكرة معي والدي حاليا) عربية زبالة و كلها اعطال و لا تقارن بالسيفيك في متعة سواقتها و شكلها و قلة مشاكلها او انعدامها اساسا كفاية صوت الvetc اللي بيحسسك انك راكب عربية سباقات و معلش انا مش هشتري عربية علشان الثبات و الفرامل و هنسي مشاكل الفتيش و الكهرباء للي ممكن تو قفني في اي حتة الا لو كانت مانيوال انا قصدي من الكلام اللي كنت كاتبة ان العربية السيفيك ممكن نقارنها بالبي ام في متعة سواقتهم و علي فكرة محدش بيبيع الهوندا الا لما يركب يا اما بي ام او مرسيديس
تحياتي ليك