مشكلة رعشة دريكسيون وطقة عند العجلة الشمال فى سيتى 2009

[Totti999]

احسن رجاله في الدنيا الي انا دايما بستفيد منهم عندي مشاكل بسيطه في عربيه سيتي 2009

انا بسمع صوت طقه لما العجله الشمال بتنزل في حفره وانا ماشي على اي سرعه حتى لو كنت مش عميقه وناحية العجله التانيه مش بسمع اي صوت لما بتنزل في حفره

وبرضه عندي مشكله تانيه اني بحس ان فيه رعشه في الدريكسيون علي اي سرعه بس وهي واقفه مفيش الرعشه دي مع اني مرصص كذه مره واخرهم في بريدج ستون ممكن يكون حلها ايه



تم تعديل العنوان ليتناسب مع المحتوى
م ب 4

[janarad]

بكل ثقة .. جلب مقصات .... كان عندى نفس المشكلة ف النوبيرا لحد اسبوعين فاتوا .

[aw2100]

كده فية عندك كوبلن داخلى بايظ هو اللى بيعمل الرعشة مع المشى وممكن الطقة كمان !!

[kokowasfy]

بخصوص الطقى الى بتسمعها اعرض العربية على عفشجى محترم هيقولك اية فيها ولبنسبة للرعشة دى غالبا قواعد متوور

[tameem2010]

على فكرة الطقة ديه ممكن تكون تيل فرامل او جلب مقصات

[simon659]

وغير ده كلو في بتاعه بلستك كده المساعد بيتفك وبتتركب من جوه الياي بتبقه عمله زي الكوبايه كده حديد علي جلد الي انت بتشوفها في حوض العربيه والموضوع ده اكييييييييييييد

[Totti999]

انا بخمن انها ممكن تكون من ناحية تيل فرامل علشان لما بدوس فرامل بسمع بردو طقه لما برجع لورا مع ان التيل لسه جديد

[janarad]

انا بخمن انها ممكن تكون من ناحية تيل فرامل علشان لما بدوس فرامل بسمع بردو طقه لما برجع لورا مع ان التيل لسه جديد

صدقنى جلب مقصات ... عملت معايا كدة فى النوبيرا ... طقة مع الفرامل و المطبات و غربة بعد ال 120 ... مع انى رصصت مرتين .. الفكرة انك لما بتدوس فرامل العربية بتنزل لقدام فا بتعمل نفس تاثير المطب على الجلب .. شيك على جلب المقاصات الاول قبل ما تعمل اى شغل ..غير كدة تيل الفرامل ما يعملش رعشة فى العربية و انت بتجرى

[janarad]

وغير ده كلو في بتاعه بلستك كده المساعد بيتفك وبتتركب من جوه الياي بتبقه عمله زي الكوبايه كده حديد علي جلد الي انت بتشوفها في حوض العربيه والموضوع ده اكييييييييييييد

انت قصدك البطاحات ... البطاحات تخبط معاك بردو بس ما تعملش رعشة فى الجرى ... تخبط معاك و تمسع طقة بالذات لما تلف الدركيسون

[janarad]

بخصوص الطقى الى بتسمعها اعرض العربية على عفشجى محترم هيقولك اية فيها ولبنسبة للرعشة دى غالبا قواعد متوور

قواعد الموتور بتبان اول ما تدور العربية .. لو العربية رعشت و انت بتدور تبقى قواعد موتور .. و لو بتحس الفتيش بيتحرك تحت ايديك و انت بتزود بنزين اثناء المشى يبقى قواعد موتور بردو .

[Totti999]

بخصوص الطقى الى بتسمعها اعرض العربية على عفشجى محترم هيقولك اية فيها ولبنسبة للرعشة دى غالبا قواعد متوور

محدش يعرف عفشجي محترم يكون حنين وفاهم كويس لاني بصراحه كل واحد اروحله يقعد يفتي ويحسسك انه خبير وهو اصلا بطيخه وياخد فلوس والمشكله متتحلش علشان كده مش عايز اروح لحد معرفوش علشان ميفتحش شغل ويقعد يشتغلني

[Totti999]

قواعد الموتور بتبان اول ما تدور العربية .. لو العربية رعشت و انت بتدور تبقى قواعد موتور .. و لو بتحس الفتيش بيتحرك تحت ايديك و انت بتزود بنزين اثناء المشى يبقى قواعد موتور بردو .

انا معنديش الرعشه ديه وهي واقفه ولا الفتيس بيرعش تحت ايدي وهي واقفه

[Totti999]

انا عندي مشكله في الدريكسيون بتاع السيتي 2009 لما بلف الدريكسيون سنه يمين و سنه شمال كذه مره بسرعه ورا بعض والعربيه واقفه بسمع صوت تخبيط جاي من تحت رجلي ومسمع في الطاره وواضح جدا ولما بصيت عليها من تحت الصوت مسمع في البارات وعلبة الدريكسيون بس الصوت مش واضح زي مابسمعوه من جوه العربيه وده ماثر شويه في مشي العربيه في الشوارع المكسره و للعلم الذوايا مظبوطه بس معرفش ليه بعد مبظبط الذوايا حتى لو كانت في التوكيل بلاقي الطاره مايله شمال مش عدله في الطرق الطوالي .. وربط الرجلاش بس تقل الدريكسيون ومحلش المشكله فرجعته تاني .. ورحت التوكيل كذه مره وقالولي ام ده العادي في كل العربيات الهوندا ... ممكن تكون دي المشكله

[janarad]

محدش يعرف عفشجي محترم يكون حنين وفاهم كويس لاني بصراحه كل واحد اروحله يقعد يفتي ويحسسك انه خبير وهو اصلا بطيخه وياخد فلوس والمشكله متتحلش علشان كده مش عايز اروح لحد معرفوش علشان ميفتحش شغل ويقعد يشتغلني

ما تتعبش نفسك كتير .. ادخل اى بنزينة و قولهم عايز اكشف على العفشة ... ها يقولك العفشة فيها ايه بكل امانة لانه مش بيصلح عفشة فا مش ها يعمل عليك شغل .. ها تدفع 5 او 10 جنيه كشف و تبقى عرفت عيوب عفشتك .

[janarad]

انا معنديش الرعشه ديه وهي واقفه ولا الفتيس بيرعش تحت ايدي وهي واقفه

قواعد موتور سليمة