هغير الانسر لهوندا سيفك ومحتاج مساعدة ضرووورى

[sherif309]

اولا السلام عليكم
انا سعيد انى هحط اول موضوع فى قسم الهوندا ودة عشان انا من عشاق الهوندا.

المهم معروض عليا هوندا سيفك 2007 عامله 112 الف كيلو معمولها صيانه ال100 فى التوكيل بالفواتير وراشه جمبين نضافه بردو فى التوكيل وفيها رخصه سنتين باسم صاحبها من الزيرو وبيتكلم معايا فى 100 اولا هل السعر مناسب ولا ايه؟ ثانيا انا عايز اكشف على العربيه فى مكان يكون كويس ومش غالى ويفضل لو قريب من المهندسين.
ثالتا لو اى حد عندة تجربه سابقه او معلومه للافادة يا ريت يقولهالى عشان انا بخاف من التغيير جدا لانى لبست فى ماذدا 3 قبل كدة وخسرت 10000 فى يومين. فمن ساعتها وانا حلفت على التغيير

ارجو الرد سريعا عشان انا نازل اتفرج الساعه 5

وشكرا لجروب هوندا

[sherif309]

يعنى 12 مشاهدة ومحدش رد لحد دلوئتى.... شكرا رجاله هونداااا

[ahmedabeed]

بص يا مان فى اختلاف ما بين الانسر والهوندا بالذات فى مصر عشان ان الانسر منتشر وقطع الغيار كتيرة جدا والصنايعية اللى فاهمين فيها على عكس الهوندا - السعر المفروض ينزل شوية عشان رشه جنبين بس انا عارف انا الاسعار فى السوق كلها نار بالنسبة لمكان الكشف مقدرشى افيدك لازم حد ساكن فى المهندسين او الدقى

[gosefshafik]

ربنا يوفق حضرتك من قبل و من بعد ارجو ان حضرتك تتعب و تروح تكشف فى التوكيل هوندا اللى فى القاهرة الجديدة الفطيم معلش انا عارف انه بعيد عن حضرتك بس انا انصح حضرتك بضرورة الكشف هنا و هيدو لحضرتك تقرير مكتوب بالحالة العامة للعربية خلى بالك انا سمعت على المويدل دة انة فى مشكلة فى قاعدة الموتور و الله اعلم و مشكلة ان العربيه واتية على الارض و بتحك فى المطبات و دى بصراحة مش مشكلة العربية اد ما هى مشكلة شوارعنا المليانة مطبات عالية وواتية و على كل شكل ولكن العربية ممتازة وياريت تسال و تسمع من بقية اعضاء المنتدى الكرام و سوف تستفيد من خبراتهم جدا وربنا يوفق حضرتك

[sherif309]

شكرا للاهتمام. هوا الراجل بيقولى انها مغيرة قاعدة الموتور فى التوكيل وكل الصيانه بتاعت ال100 عملها فى التوكيل بالفواتير وقالى كمان اسال فى التوكيل برقم العربيه هيدولك تقرير كامل عن حاله العربيه وكل الصيانات التى اتعملت فيها وكمان هوا المالك الاول وكمان عندة قابليه للتفاوض والتوكيل ب500 جنيه الكشف فكنت عايز اعرف لو فى مكان تانى ارخص شويه وعلى العموم هوا الراجل معندهوش مشاكل يكشف فى التوكيل.

[hosammoner]

بص يا سيدى على كلامك كدا العربية دى حلوة سعرا ومضمونا عايز تكشف صح روح لمحمد سعيد فالحرفيين او محمد على بيكشف حلو اوى لانه بيفصص العربية اهم حاجة فالعربية دى انها متكونش فاتحة ايرباج غير كده توكل على الله ولا اى حاجة تعيبها تانى مشكلة قاعدة الموتور بتتغير بالاصلية والعربية مش واطية العربية قاعدة عجلاتها كبيرة وبعدين اسمع كلام واحد بقاله 5 سنين راكب العربية دى حك فى مطبات واعمل اللى انت عايزه ولما تيجى تبيع انزل بص تحت العربية وحاول تطلع حاجة من اللى حكيت او خبط فيه العربية دى رائعة وممتعة واعتمادية جدا جدا جدا عيبها الوحيد فى رائى انا الاكصدامات ضعيفة جدا جدا اقل خبطة الكلبسات بتخرج من مكانها ربنا يوفقك ولو احتجت اى حاجة انا فالخدمة

[sherif309]

رينا يخليك يا hosammoner هوا صاحبها فعلا قالى انها عايزة شغل اكصدامات وعتب عشان دة عيب الهوندا اما باقى العربيه الحمد لله على كلامه جامدة جدا يعنى
يا ريت تبعتلى ارقام الناس بتاعت الحرفيين لو معاك عشان التوكيل المعاد الى عندة بعيد جدا

والله المستعان

[hosammoner]

بعتلك رسالة

[sherif309]

وصلتنى يا باشا وشكرا على ذوئك واهتمامك

[hany63]

انا رائيي لو انطباعك الاول عن العربيه كويس اكشف في التوكيل بالمره و ضحي بال ٥٠٠ جنيه و اعتبرهم من تمن العربيه

[S O P H O S]

انا برضوا شايف ان التوكيل هيفصص العربية
وهيطمنك اكتر

[sherif309]

شكرا لكل الى حط تعليق

كنت عايز اقول ان العربيه فيها شويه حجات زى التكييف مش شغال بس هوا قالى انى هستلمها بالتكييف شغال وانه هيصلحه وقالى كمان انه فيه خرم يعنى مقليش دة عايز شحن بس زى ما اغلبيه الناس بتقول.
زرار تعليه الفوانيس مش شغال لانه مغير الفانوس الشمال لما اتكس والاصلى بتاعها المكسور فى شنطه العربيه بس انا مش عارف هوا الفانوس الى جايبه الثابت ولا امتحرك .. هوا بصراحه قالى ان الفيشه عايزة تركب وانه هيركبها بردو قبل ما استلم العربيه ووصلت معاة فى الفلوس لحد 95 وهيعملى عقد مسجل على حسابه عشان هيا باسم امه وفيها رخصه سنتين.
وهيا كمان راشه رفرف وبابين الجمب الشمال عشان كان فيهم خبطات و هوا مانكرش وقال نضافه بس للامانه الى راششهم واد يستاهل . ومغير الاكصدام الى ادام وجايب فردتين كاوتش بيريلى جداد لسه مركبهمش حاططتهم فى الشنطه.

يا ريت تقولولى الكلام كدة ايه اخبارة

ودى صور للعربيه ارجو التقييم

دى صورة الجمب المرشوش



ودى صورة الجمب السليم



ودى صورة ليها من جوة




ودى صورة من ادام

[hany63]

موضوع التكييف لو على خرم السربنتينه كلام فاضي و ده حصل معايا اول ما اشتريت العربيه و لقيت السربنتينه في التوكيل ب ٤ الاف طبعا نفضت و عملتها بره كلفتني ١٥٠ جنيه لحام و شحن و التكييف شغال زي الفل المهم تكشف برضه في التوكيل زيادة اطمئنان على الموتور و الفتيس و الشاسيه و العفشه خصوصا علبة الدركسيون

[sherif309]

hany63 شكرا لاهتمامك
هوا الراجل قالى انه كشف على السربنتينه لاقاها سليمه بس العيب فى خرم فى المواسير على حسب كلامه. بس انا خايف يكون كويل او اكسبنشن لان انت عارف الحوار دة مكلف ومقرف لانى عيشته فى النيسان وفكيت التابلوة عشان اصلح التكييف.

طي تنصحنى بالتوكيل ولا فى واحد اسمه محمد على فى الحرفيين بشتغل فى التوكيل بعد السعه 5 عندة ورشه فى الحرفيين وقال هديك نفس كشف التوكيل بالظبط ب 250 جنيه.

بالنسبه لعلبه الدركسيون هيا تقريبا الحمد لله سليمه من تجربتى للعربيه وهبدها كام مطب ومشيت فى الخشن ولفيت الدركسيون على العاصى لانى معايا لانسر وعارف العلبه عيوبها بتظهر فى ايه وبتتجرب ازاى فها تقريبا على نظرتى الحمد لله سليمه

يا ريت اى نصايح تانيه لانى مرعوب من الهوندا وبعشقها ونفسى اركبها ومش حمل خسارة 95 الف جنيه

[hany63]

hany63 شكرا لاهتمامك
هوا الراجل قالى انه كشف على السربنتينه لاقاها سليمه بس العيب فى خرم فى المواسير على حسب كلامه. بس انا خايف يكون كويل او اكسبنشن لان انت عارف الحوار دة مكلف ومقرف لانى عيشته فى النيسان وفكيت التابلوة عشان اصلح التكييف.

طي تنصحنى بالتوكيل ولا فى واحد اسمه محمد على فى الحرفيين بشتغل فى التوكيل بعد السعه 5 عندة ورشه فى الحرفيين وقال هديك نفس كشف التوكيل بالظبط ب 250 جنيه.

بالنسبه لعلبه الدركسيون هيا تقريبا الحمد لله سليمه من تجربتى للعربيه وهبدها كام مطب ومشيت فى الخشن ولفيت الدركسيون على العاصى لانى معايا لانسر وعارف العلبه عيوبها بتظهر فى ايه وبتتجرب ازاى فها تقريبا على نظرتى الحمد لله سليمه

يا ريت اى نصايح تانيه لانى مرعوب من الهوندا وبعشقها ونفسى اركبها ومش حمل خسارة 95 الف جنيه

يبقى تخليه يصلح التكييف و تجربه كويس و هوا بالمناسبه ساعات بيعمل رعشه خفيفه لما الكومبيرسور يقوم بس بسيطه و غير مؤثره و اطلع بيها على محمد علي و لو قال لك اوكى يبقى على خيرة الله و انشاءالله هتستمتع بيها