استفسارات عن استهلاك البنزين وتغيير البطاحات لسيفيك 2008

[atef_5005]

انا يا جماعه لسه جديد في الهوندا ليا بعض الاستفسارات و محتاج مساعده
١- عايز اعرف استهلاك الوقود في السيفيك ٢٠٠٨ اد ايه؟
٢- محتاج اغيار بطاحات مساعديين اروح لمين و في حدود كام؟
٣- لما بدوس فرامل بحس بهزه في الدريكسيون يا تري دي من ايه؟




تم تعديل العنوان
م ب 4

[FAR!D]

الرعشه في التاره مع الفرامل في اي عربيه معناها ان في ريجه في طنابير الفرامل وحلها يتاخد وش على المخرطه او تتغير باستيراد او جديد
و الخراطه تنفع لو في حاله ان الريجه بسيطه و ان الطنابير لسه اول مره تتخرط و فيها سمك كويس

[foxhonda2008]

تحت امرك يا باشا
العربيه بتعمل معايا جوه القاهره 430 كم في التفويله حوالي 37 لتر بنزين
و في السفر 250كم حوالي 13 لتر بنزين لو سرعتك على الطريق 130 كم
بالنسبه للبطاحات الاسعار دي للبطاحه الواحد حوالي 480 بس مش فاكر السعر ده بكوتشه التراب و لا من غيرها
و ممكن تجبها و تركبها عند مصطفي الباشا في شارع البحر الاعظم

[saddam]

صديقي المواطن
قولا واحدا
بعد آخر تجارب وفي أكثر من 7 أو 8 مخارط وصلت قناعتي أن أي خراط مهما كان عظيما ومهما كان بيحبك ولو ساب المخرطة على طنبورتك بس ساعتين في كل وحده برضو حتفضل رجه ﻷن الطنابير دي جزء من حركة الرجة يعني ممكن الطنابير مخروطة صح ولكن بلية أو صرة أو مسمار عجل يلخبط كل الشغل وتعيش لحظة الفشل والندم والصحيح إياك تخرط طنابير على مخرطة عادية ودور على جهاز خرط الطنابير بدون فك وهي راكبة في العربية وحتكون النتيجة بالظبط كإنك شاري طنابير زيرو وليس إستيراد
صرف الوقود في هوندا هذا الموديل معدله كل لتر بنزين بيمشيك 12 كيلو بعد التقادم والتهالك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[atef_5005]

الف شكر يا رجاله

[hany63]

انا كان عندي عيب الفرامل و اتخرطت في التوكيل و الطنابير راكبه زي ما قال استاذ صدام و مدفعتش حاجه عشان كانت لسه ضمان متهيئلي بيعملوها ب ٤٥٠ جنيه بس المهم تكون اول خرطه ليها
لو اتخرطت قبل كده هتحيب الطنابير و معاها التيل الاصلي قولا واحدا
و على العموم تجنب الضغط بقوه على الفرامل في السرعات العاليه الا في حالة الضروره فقط
بالنسبه لاستهلاك البنزين انا طبيعة سواقتي بشد بيها و بتعمل معايا جوه البلد ٢٠٠ كم في الصفيحه في الطوالي ٣٥٠ كم في الصفيحه

[atef_5005]

انا كان عندي عيب الفرامل و اتخرطت في التوكيل و الطنابير راكبه زي ما قال استاذ صدام و مدفعتش حاجه عشان كانت لسه ضمان متهيئلي بيعملوها ب ٤٥٠ جنيه بس المهم تكون اول خرطه ليها
لو اتخرطت قبل كده هتحيب الطنابير و معاها التيل الاصلي قولا واحدا
و على العموم تجنب الضغط بقوه على الفرامل في السرعات العاليه الا في حالة الضروره فقط
بالنسبه لاستهلاك البنزين انا طبيعة سواقتي بشد بيها و بتعمل معايا جوه البلد ٢٠٠ كم في الصفيحه في الطوالي ٣٥٠ كم في الصفيحه

الف شكر يا باشا