سؤال خاص بالمكنه gsr 1800

[limitless]

هو المكنه لما تطلع دخان ابيض او لبنى كده يبقى ده ايه ؟؟؟؟؟؟؟؟؟

[Typerr]

كدا الموتور خفيف واللون دا
دا لون حريق الزيت داخل غرفه الاحتراق
والله اعلم

[AHMED_HAMDY]

ممكن توضح الدخنه اما بتقرص وانت واقف ولا الصبح عند الدواره

[hany63]

طالما اللون مايل ناحية الازرق يبقى الموتور خفيف
طب هل زيت الموتور بينقص ؟

[limitless]

لا الدخنه ديه بتطلع لما بقرص وهيا العربيه واقفه بس مش الصبح طبعا

والعربيه زيت الموتور بينقص طبيعى لانها بتنقط زيت عامة بعيدا عن الموتور بس من ناحية ان الموتور بياكل زيت فا معتقدش لآ

[limitless]

ومعنى ان الموتور خفيف يعنى احاول انى اصلح ولا يتغير افضل مع العلم انا بدور على الحل الاوفر والمؤقت حاليا

[limitless]

وممكن حد يدلنى على ميكانيكى هوندا محترم وبيتقى ربنا فشغله فى القاهره او الجيزه ومحدش يقولى الحرفيين او الشياطين بس امانه يكون حنين وشغله كويس عشان انا حاسس ان المكنه عندى عاوزه تظبط فا عاوز ميكانيكى عشان يمسكها يفلهالى زى ما بيقولوا بس يكون كويس

[lanos2004]

المكنه دى عاوزة زيت يستحملها مش ميه الطرشى الى بنحطها فى العربيات نصيحه كفايه لحد 6000 لفه وانقل لو بتحرق

[sanhory]

المكن ال sir و ال gsr بيكون طبيعي فيه في اخر الار بي ام دخنة خفيفة سنة و نقصان زيت لو انت بتحرق كتير مثلا نص كيلو كل غيار زيت مش اكتر من كدا و لو المكنة جديدة بيكون ربع كيلو مع الحرق الكتير

السؤال بقى هل بتشم ريحة عادم جوه العربية و انت بتحرق ؟؟ لو اه يبقى المكنة خفت فعلا

[limitless]

لا مش بشم ريحة العادم عندى لآ انا متهيالى المكنه مخفتش ولا حاجه لانى بشد والعربيه سحبها حلو متهيالى لو المكنه خفت هتبان فى المشى يعنى فا عشان كده بسال على ميكانيكى هوندا محترم اروحله يجيبلى من الاخر وطبعا انتوا عارفين يعنى ايه من الاخر يعنى مايقولش على الحاجه بايظه لمجرد انه عاوز يشتغل و يكون حنين فسعره و فعلا شغله نضيف باختصار واحد كويس يقولى ان المكنه فعلا خفت ومش نافعه تانى ولا ينفع انها تتصلح يعنى شوية حاجات كده تتغير ممكن انها تفوق المكنه بس يكون فى القاهره او الجيزه وشكرا للمتابعه

[Waleed maher]

أن شاء الله تكون حاجه بسيطه ممكن جلد صباب لو متأكد أنها مفوتتش لكن في اي حال لا انصح بعمره للهوندا إطلاقا الموتور الاستيراد افضل

[limitless]

شكرا اوووى لذوق حضرتك واهتمامك
طيب حضرتك انا كنت عاوز اعرف لو فى مكانيكى هوندا حضرتك تعرفه ويكون كويس وتكون انت واثق فى شغله وكده
فايارت تدلنى عليه بس يكون فى الجيزه او القاهره

[lanos2004]

شوف
كاوتش الصباب لو بايظ او متاكل-الدخنه بتكون عند ركن العربيه لفترة طويله--عدة ساعات-اول ما تدور تظهر دخنه من الشكمان اول الدوارة بدون حرق
لو طقم شنبر خفيف الدخنه تكون مع الحرق الجامد فقط

[limitless]

انا متهيالى ان ها طقم شنبر لانها بتطلع مع الحرق الجامد بس

[lanos2004]

انا هقولك على حاجه ممكن تمنع احتراق الزيت--هات كيلو زيت توتال احادى الدرجه 50---وحطه مع غيار الزيت بتاعك بس طبعا لحد علامه الماكس فقط