كام لتر زيت يحتاجه موتور السيفيك 1992

[amrelg]

السلام عليكم ورحمة الله وبركاته مقدما
انا جديد فى عالم الهوندا يا جماعة وكان عندى سؤال محيرنى جداً
معايا اس اى موديل 92 مكنة 1600 2 كامة (المكنة الاوريجنال بتعتها) وكنت عاوز اعرف المكنة بتاخد كام لتر زيت بالفلتر ومن غير فلتر واحسب المقاس ازاى من مقاس الزيت
وياريت لو حد عنده معلومات عن بقيتة المواتير للهوندا عموما عشان الاستفادة تعم على الجميع

واسف مقدما لو اتخرت على الرد لانى مش بشوف النت الا فى الشغل بس... وشكرا

[SAMEH_FOUAD]

المحرك عندك بياخد 3.5 لتر بدون الفلتر و 3.7 لتر بالفلتر

وتحسب المقاس انك لما تتطلع المقاس هتلاقى فية نقطتين , لازم الزيت يكون الزيت على مستوى النقطة الاعلى يعنى مايعديهاش ولا ينقص عنها

95% من محركات الهوندا بتاخد تفس السعة من الزيت

[amrelg]

شكرا جدا سمسم باشا
ايه افضل زيت للمحرك اس اى ودرجة اللزوجة و الـ api
وبعدين لو حبيت اقلب ال اس اى لـ اس اى ار اية المطلوب واروح لمين ولو حد يعرف يعمل فرش الاستوف اللى فى الباب زى الفبريكة بالظبط فين وتقريبا يتكلف كام
وبعدين هو المحرك اس اى ده... فى تيك ولا لأ؟

[SAMEH_FOUAD]

نوع الزيت ودرجتة بيتم تحديدة على حسب كفاءة المحرك وحالتة

فانت قولى حالة الماتور عندك اية وهل بياكل معاك زيت ولا لأ

بالنسبة للتحويل من si الى SiR فدة هيكلفك تمن المحرك = 13000 الف جنية + مصنعية تسقيط = 1500 جنية + تعديل شكمان = 1000 جنية

- فرش الباب اى سروجى زى مثلا ( جينز كار ) فى الحجاز , يعملهالك كويس لو هتعملهم جلد هيتكلفوا 450 - 500 جنية

لو هتعملهم قماش هيتكلفوا فى حدود 300-350 جنية

لو معاك ماتور ال si ال 2 كامة , دة بدون vtec

[amrelg]

تمام تسلملى يا سامح بيك
الماتور حالته ممتازة جداً بس متهيئلى بياكل زيت شوية بس متهيئلى ان ده بسبب زيادة الزيت عشان انا حطيت اول ما جبت العربية 4 لتر كاملين مع تغيير الفلتر دلوقتى بقى اقل من النهاية العظمى بقليل وثابت على كده.. سيتك كنت قولتى كم الزيت المظبوط والبتالى انا هتبعه برضه المرة اللى جاية وانا كمان اسبوع وللا حاجه هغيره لان فاضل عليه حوالى 2000 كيلو
كنت حاطط موبيل 1 0/40 من التوكيل بالفلتر الاصلى

[SAMEH_FOUAD]

طيب مبدأيا كدة

انت هتغير زيت موبيل خالص وماتحطوش , وكمان انت بتحط درجة لزوجة غير مطابقة لمواصفات المحرك حتى وهو جديد

يعنى انت المفروض فى اول 100 الف للمحرك بتحط 40-5w وبعد كدة بتحط ال 40-10w

- موبيل زيت سىء جدااااااااااااا

خليك فى شيل او كاسترول افضل منة بكتير

[amrelg]

تمام تسلملى يا سامح بيك
الماتور حالته ممتازة جداً بس متهيئلى بياكل زيت شوية بس متهيئلى ان ده بسبب زيادة الزيت عشان انا حطيت اول ما جبت العربية 4 لتر كاملين مع تغيير الفلتر دلوقتى بقى اقل من النهاية العظمى بقليل وثابت على كده.. سيتك كنت قولتى كم الزيت المظبوط والبتالى انا هتبعه برضه المرة اللى جاية وانا كمان اسبوع وللا حاجه هغيره لان فاضل عليه حوالى 2000 كيلو
كنت حاطط موبيل 1 0/40 من التوكيل بالفلتر الاصلى
بس بصراحة الماتور فايق جدا لأن اللى كان راكب العربية دكتورة جامعية وكانت معاها من الزيرو
وبعدين انا عندى الشكمان كله عاوز يتغير ونفسى اعرف اغيره ازاى وألاقيه فين لان ظهرت مشكلته معايا عشان طبعا رجلى غير رجل الحريم ولما بصيت عليه لقيته مهرى جدا وخصوصا العلبتين اللى قدام وله صوت بسيط بس مش مريحنى
وعاوز اعرف اجيب منين قطع غيار يابانى زى المساعدين خلفى واثنين كوبلن خارجى والـ 3 قواعد للماتور وطقم السيور بطقم الكاتينة وفلاتر كاملة وهل فلتر البنزين مع الطلمبة ولا كلاً على حده طبعاً كله جديد بالنسبة للكبالن الداخلية انا عارف ان مفيش منها غير استيراد فعاوز اعرف مين اللى بيبعهم كويسين واسعارة حنينة لانى عاوزهم كاملين من الداخل (مع العلم انى من سكان القاهرة) وطبعا لو حضرتك عارف اسعار استأذنك تفيدنى بارضه عشان انزل مرة واحدة واكون عامل حسابى...
سؤال اخير انا بعمل ما يقرب من 5000 الى 6000 كيلوا شهريا فهل العربيات دى تستحمل الكليوهات الكتيرة دى (مع العلم انها كلها على الهاى واى)
طبعا انا عارف انى مصدع دماغك اعزرنى انا فعلا محتاس بقالى فترة لدرجة انى لسه مسرفستش العربية الى الان

[amrelg]

تسلملى يا باشا

[SAMEH_FOUAD]

وبعدين انا عندى الشكمان كله عاوز يتغير ونفسى اعرف اغيره ازاى وألاقيه فين لان ظهرت مشكلته معايا عشان طبعا رجلى غير رجل الحريم ولما بصيت عليه لقيته مهرى جدا وخصوصا العلبتين اللى قدام وله صوت بسيط بس مش مريحنى
وعاوز اعرف اجيب منين قطع غيار يابانى زى المساعدين خلفى واثنين كوبلن خارجى والـ 3 قواعد للماتور وطقم السيور بطقم الكاتينة وفلاتر كاملة وهل فلتر البنزين مع الطلمبة ولا كلاً على حده طبعاً كله جديد بالنسبة للكبالن الداخلية انا عارف ان مفيش منها غير استيراد فعاوز اعرف مين اللى بيبعهم كويسين واسعارة حنينة لانى عاوزهم كاملين من الداخل (مع العلم انى من سكان القاهرة) وطبعا لو حضرتك عارف اسعار استأذنك تفيدنى بارضه عشان انزل مرة واحدة واكون عامل حسابى...
سؤال اخير انا بعمل ما يقرب من 5000 الى 6000 كيلوا شهريا فهل العربيات دى تستحمل الكليوهات الكتيرة دى (مع العلم انها كلها على الهاى واى)
طبعا انا عارف انى مصدع دماغك اعزرنى انا فعلا محتاس بقالى فترة لدرجة انى لسه مسرفستش العربية الى الان

1- الشكمان هتحيب علبتين هوندا استيراد ( فلتر - muffler ) الفلتر دة اللى بيسموها المصفاة ودية العلبة الصغيرة اللى قدام , وال muffler دية العلبة الكبيرة اللى ورا

وسعرهم جديد بس استثمارى وانظف حاجة فية ( ابو اليزيد ) هيعملوا الاتنين حوالى 350 جنية

واستيراد هتجيب العلبة الخلفية مثلا ودية هتعمل 500 جنية

- اما بقى العلبة الاضافية اللى موجودة عندك قدام فدية اسمها علبة البيئة , وللاسف دية غالية جداا عشان بيكون بداخلها فحم نباتى , فبتبقى غالية , وماضمنش الصراحة تجيبها استيراد ممكن يكون الفحم ناشف ومكسر ولا كأنك عملت حاجة ( فهية لو خلاصنة يبقى تشيلها عشان ماتكتمش العربية )

* المساعدين تجيبهم استيراد بحالة نظيفة احسن مليون مرة من ال kyp اليابانى وسعر الواحد استيراد 200 جنية وال kyp الاتنين بدون سوست ب 950 جنية

* الكبالن الجديدة اليابانى ب 650 جنية

* 3 قواعد ماتور , يفضل تجيبهم جديد اصلى او استيراد بحالة نظيفة , والاصلى تقريبا سعر الواحدة 450 جنية واستيراد 250 جنية

* طقم السيور ( سير كاتنية امريكى ب 100 جنية - سير كاتنية اصلى ب 300 جنية - سير كاتنية يابانى ب 130 جنية ) وكلهم قريبين من بعض جداااااااا فى عدد الكيلوهات ( فانت خليك فى اليابانى او الامريكى )

- طقم السيور ( سير باور - سير دينامو - سير كاتنية ) 45*3 = 135 جنية

* فلتر بنزين موجود عندك فى الحوض جنب البطارية وتمنة يابانى 135 جنية والاصلى ب 290 جنية
وهتجيب اليابانى وتغيرة عند 30 الف

* الكبالن الداخلية فية منها جديدة اصلية ب 1800 جنية الاتنين , والاستيراد منها انت الاول بتفك الكوبلن وبتشوف هو محتاج اية , هل محتاج ( صليبة - اظرف - بلى ) ولا جسم الكوبلن نفسة ؟؟ وبناء علية بتغير لان ممكن يكون مشكلة عبيطة وبتتحل بأقل التكاليف وعموما الكوبلنين الداخليين استيراد بيعملوا 300 جنية

الحرفيين ( عندك مجدى الدسوقى - توشكى ) دول بتوع قطع الغيار ( جديد واستيراد )

الكيتكات ( عندك اشرف البخارى - والمهندس احمد ) جديد واحيانا استيراد عند اشرف

السواح ( عندك علاء حفنى ) خلف مصنع بسكو مصر ( جديد )

وسط البلد ( الكابتن محسن ) التوفيقية شارع ذكى ( جديد )

الدقى ( المهندس خلف ) ش البطل احمد عبد العزيز قبل ناصية بن شاهين ( جديد )

رقم تليفونى لو احتاجت اى حاجة 01003088605

[amrelg]

الصراحة انا عاجز عن شكرك

[amrelg]

شكر عام لأعضاء القسم وشكر خاص لسامح بيه فؤاد

قبل اى شئ شكر خاص جداً لسامح بيه فؤاد لأنه بصراحة معايا لحظة بلحظة وواضح من المنتدى ان دى صفة اصيلة بيه مش اضافة لشخصه منى ولكن حبيت اعبر عن امتنانى بمعرفة شخص لم تراه عينى من قبل ولم ولن استطيع ان استوفيه حقه وحقاً اتمنى ان اراه وتزيد معرفتى به واشكر كل من فى هذا القسم واتمنى فعلاً ان نكون مثل العائلة الواحدة واتمنى ان يقوم سامح بيه بإعداد مواعيد ثابته ولو مرة كل شهر للإلتقاء ببعضنا البعض ومعرفة الاشخاص الجدد والمساعدة والتغيير وانشاء صداقات جديدة. ومش عيب ان تتكون الصدقات باسباب لاننا كلنا لنا اصدقاء تعرفنا عليهم بسبب اشياء جمعتنا فى البداية ومصالح مواقف مشتركة

[amrelg]

استفسار عن أيدل هوندا 92 اس اى

منين ممكن اجيب الأيدل استيراد وهل يوجد جديد
وكم السعر لكل منهم

[SAMEH_FOUAD]

ياعمرو باشا احنا اخوات فى الاول وفى الاخر , ماينفعش الكلام دة

ومتشكر ليك جداا ياباشا على زوقك الجميل

وعموما سعر الايدل استيراد 200 جنية , وماتجيبش حاجة ياباشا , الحاجة تجيبلك لحد عندك سيبلى بس هعملك اتصالاتى عشان فية اصدقاء لينا بيبيعوا الحاجات دية طبعا سعرة مش هيزيد عن 100 جنية وحالة زى الفل

وجديد 1200 جنية من التوكيل بس السعر دة قديم شوية ممكن يكون غلى بنسبة 20%

[amrelg]

تجيلى لحد عندى!!! والله انا ما عارف اعمل معاك ايه بجد
طب من غير فهم غلط هوا مش المفروض اللى بيبع جاب غيره واكيد جاب غيره عشان فيه مشكلة ألا إذا قلب من اوتوماتك لمانيوال

[amrelg]

بصو بقى يا جماعة عشان انا محتار جدا

دلوقتى انا غيرت زيت ماتور وفلتر وحطيت 3.5 لتر بقيس الزيت لقيته اعلى من الماكس

المكتوب بقى على علبة فلتر الهواء ان الزيت والفلتر يتم تغيرهم كل 10000 كيلوا ومقدار الزيت المطلوب 3 لتر (الكلام ده انا لسه واخد بالى منه اول امبارح) طبعا الكلام بالعنجلزى بس متأكد من الترجمة طبعا 100*100
حد يقولى صح اللى مكتوب ده واللا ايه انا مش فاهم