إصلاحات حادث هوندا سيتي ٢٠٠٦

[Bukhari]

سلام عليكم يا جماعة...

دلوقتي أنا كنت عملت حادثة من حوالي ٤-٥ أيام، العربية اتخرشمت حبتين والسمكري اللي كنت باتعامل معاه قالي انه مش هيعرف يشتغلها عشان ممكن يكون فيه حاجة في الشاسيه وقالي أروح الحرفيين...
سالت في الحرفيين دلوني علي واحد اسمه حسن دبوس... قال انه لازم يشد الشاسيه علي زنجيرة... وطلب غير الرفرفين والاكصدام والمقص اللي كانوا هيتغيروا كدة كدة، قنطرة موتور ودنجل خلفي وكبوت جديد، وقال انه هياخد ٣٠٠٠ سمكرة بس غير الميكانيكا والدهان...

الراجل الصراحة مش مريح، فانا كنت عايز اسأل إذا كان الكلام كدة منطقي، ولو لا فيه حد مضمون تروح له هناك ولا إيه؟
وكمان رينج أسعار قطع الغيار دي واجيبهامنين...

شكرًا مقدما...

[SAMEH_FOUAD]

اللى متجرب واللى كويس اوى

ورشة نايل موتورز , فى الحرفيين

وطبعا المصنعية غالية جداااااااااااااا , على الشغل دة

يعنى هو تقريبا كل اللى هيعملة ( الرفارف - الكابوت - الاكصدام - استعدال الدنجل او تغير لو الامر لزم ) ياخد بقى 3000 جنية ليييييييييية

ولسة كمان هتحاسب الميكانيكى والكهربائى والدهان . يعنى هتلاقى نفسك دافع مش اقل من 12 الف جنية

[Sindibad]

لو تعرف تروح الشرقية او الدقهلية

هناك اسعار احسن وكمان مصنعية ممتازة

فيه ناس بتعمل من الفسيخ شربات اما بالنسبة لقطع الغيار فهى فى بورسعيد منتشرة وممكن تشترى نصف امامى كامل وتريح دماغك وتاخد منه اللى انت عاوزة

[Bukhari]

اللى متجرب واللى كويس اوى

ورشة نايل موتورز , فى الحرفيين

وطبعا المصنعية غالية جداااااااااااااا , على الشغل دة

يعنى هو تقريبا كل اللى هيعملة ( الرفارف - الكابوت - الاكصدام - استعدال الدنجل او تغير لو الامر لزم ) ياخد بقى 3000 جنية ليييييييييية

ولسة كمان هتحاسب الميكانيكى والكهربائى والدهان . يعنى هتلاقى نفسك دافع مش اقل من 12 الف جنية

شكرا جزيلا عالرد...

هو كان بيقول ان الفلوس زيادة عشان استعدال الشاسيه... مش عارف إذا كان ده حقيقي ولا إيه...

ونايل موتورز دي فين في الحرفيين؟

طب بالنسبة للقنطرة والدنجل، دول ممكن الاقيهم فين وبيبقوا في حدود كام؟

[Bukhari]

هناك اسعار احسن وكمان مصنعية ممتازة

فيه ناس بتعمل من الفسيخ شربات اما بالنسبة لقطع الغيار فهى فى بورسعيد منتشرة وممكن تشترى نصف امامى كامل وتريح دماغك وتاخد منه اللى انت عاوزة

صعب للأسف أروح عشان ظروف شغلي...

لو اشتريت نص كامل فعلا ممكن منين وفي حدود كام؟

[Karim_Monir]

شكرا يا سامح لرايك فينا
دي ورشتنا وايوة في الحرفيين بعد حسن ببلوكين بالظبط

https://www.facebook.com/groups/295578580457513/photos/

بلوك 20 جنب بسام فايبر
يعني لو خليت حسن دبوس علي يممنك وانت خارج علي جسر السويس برة بعد اول مطب ادخل يمين في تاني شمال تلاقي باب مدرسة عمار ابن ياسر ووشتنا علي شمالك
وتليفوني
01001263030
وربنا يعوض عليك

[Bukhari]

طب معلش يا جماعة سؤال تاني صغير...

كارتيرة الرفرف دي بتتجاب منين؟ وبتعمل في حدود كام؟

والسمكري بيقولي فيه حوامل فيبر للاكصدام اللي قدام مش موجودة مع الاكصدام اللي اشتريته، دي المفروض بتيجي مع الاكصدام ولا بتيجي لوحدها؟

معلش تاعبكم معايا...

[SAMEH_FOUAD]

الكارتيرة هتلاقيها جديدة عند بتوع قطع الغيار اليابانى سعرها فى حدود 200 جنية

بالنسبة للحوامل الفايبر ( اسمها كليبسات اكصدام ) والطقم هيعمل فى حدود 100 يزيد او يقل شوية

[Bukhari]

سؤال أخير يا جماعة معلش تقلت عليكم...

أنا محتاج دنجل خلفي، مفيش جديد ودلوقتي بأدور علي استيراد... ملقتش غير في العالمية اللي في الحرفيين والراجل عايز ٢٥٠٠ وكذا حد قاللي كدة كتير أوي... فممكن أدور عند مين والرينج الطبيعي بيبقي في حدود كام؟