هزة الماتور على السلانسيه سيفيك 99

[amr_naser]

معايا هوندا موديل 99 مشكلتها ان الماتور على السلانسية يقعد يتهز وهى واقفة ويرج العربية ولما اشغل التكيف يزيد الاهتزاز بشكل كبير ولو شغلت الانوار مع التكيف الاهتزاز يزيد اكتر وسرعة الماتور بتكون حوالى 750 لفة ودا الطبيعى ومش عارف اية المشكلة مجننانى
نفضت حساسات التروتل وكان فية انسداد فى فى خرطوم المية اللى رايح على حساس الايدول كنترول ونظفتة وغيرت المية بتاعة المكنة وعملت ريسيت للعربية اكتر من مرة وكل مرة بوضع يعنى مرة الهزة تزيد ومرة تقل العربية فى المشى مفيش فيها اى مشكلة وفى الجرى مفيش مشاكل الحمد لله كل مشكلتى الاهتزاز دا بس كمان كراسى المكتة سليمة ولا بترفع حرارة ولا اى حاجة اية المشكلة بقى مش عارف كمان غيرت طقم الكهرباء كامل وبرضة ولا اى تغير ونظفت الانجيكشن كمان حجنن




تم تعديل العنوان ليتناسب مع المحتوى

[إبراهيم المصرى]

البطاريه ضعيفه احتمال
لو اصلها 70 واتغيرت مثلا ل 55 اعتقد انها ممكن تعمل كده

[إبراهيم المصرى]

واحتمال سلك البوجيهات بعد فحص البطاريه

[amr_naser]

انا مغير سلوك البوجيهات اصلية وكمان البطارية جديدة وهى 55 واللى قبلها كانت 55 وفى الكتالوج مكتوب 55 امبير برضة

[amr_naser]

انا نسيت اقول حاجة مهمة على ما اعتقد
انا لما بفصل الفيوز 7.5 بتاع ecu العربية بتشتغل عادى
انما لو فصلت فيش ecu مش بتشتغل

[samaty]

كان عندي مشكلة زيها وصرفت كتير بسبب الفتايين لدرجة تغيير الكامة والبلوف وفي الأخر طلع من الفلام

[amr_naser]

كان عندي مشكلة زيها وصرفت كتير بسبب الفتايين لدرجة تغيير الكامة والبلوف وفي الأخر طلع من الفلام

طيب والفيلام دا بيتخرط ولا بيتغير كمان انا عندى الديبرياج تقيل والكل قالى الديسك عاوز يتغير

[exact]

ممكن سوستة في الاسطوانة اتكسرت وممكن مشكلة خرطوم فاكيوم مشقوق

[amr_naser]

ممكن سوستة في الاسطوانة اتكسرت وممكن مشكلة خرطوم فاكيوم مشقوق

هى لو سوستة اتكسرت دى تبان لو فك غطاء التكبهات ولا الموضوع دا كبير

[SAMEH_FOUAD]

شوف ياباشا مشكلتك دية لازم هتراجع على الاتى :

1- القواعد بتاعة المحرك ( وخصوصا قاعدة القنطرة )

2- الدينامو ( ممكن يكون شحن الدينامو ضعيف ودة ببساطة هتقيس الشحن بتاعة وهيديك مش اقل من 13.9 ومش اكتر من 14.1

[amr_naser]

شوف ياباشا مشكلتك دية لازم هتراجع على الاتى :

1- القواعد بتاعة المحرك ( وخصوصا قاعدة القنطرة )

2- الدينامو ( ممكن يكون شحن الدينامو ضعيف ودة ببساطة هتقيس الشحن بتاعة وهيديك مش اقل من 13.9 ومش اكتر من 14.1

اولا شكرا على المشاركة والشكر لك من شاارك وجزاكم الله حيرا
بس بعد اذنك كان ليا سؤال قعدة القنطرة دى اللى هى مين فيهم الامامية ولا الخلفية ولا الكبيرة

[amr_naser]

اليوم كشفت على قاعدة الماتور والدينامو والبطارية وكمان سست التكيهات كلة سليم ومفيش فية مشاكل معتش فاضل غير ترس الفيلام بس دا مش حقدر اعملة دلوقتى عشان الموضوع محتاج فلوس عشان اغير الديسك بالمرة وممكن كمان الاسطوانة
الله المستعان