إستفسار عن هوندا سيتى الشكل القديم

[Dr__Ahmed]

طلب نصيحه من خبراء الهوندا الجامدين

اتعرض عليا هوندا سيتى 2006 اوتوماتيك cvt
170.000 كيلومتر
بسعر 57,000 جنيه
العربيه فيها شوية برومه (من جو إسكندريه طبعا )
وحالتها معقوله نوعا ما !!
فيها شغل عفشه
.
.
هل السعر ده طبيعى ؟


وسؤال تانى لسامح باشا ...... إيه أقل سعر واعلى سعر للموديل ده ؟؟؟؟؟



دعواتكم بقى الاقى واحده نضيفه .. علشان انضم لعائله هوندا الجميله

[SAMEH_FOUAD]

لأ طبعا سعرها غالى عليها

انت بتقول بارومة داخل السيارة + محتاجة عفشة

لأ طبعا كتير عليها ياباشا العربية دية لو هتخلص يبقى حلو اوى عليها 53 الف جنية

واعلى سعر للعربية دية 63 الف جنية , واقل سعر دة بيكون نسبى لحالة العربية بس هيكون فى حدود ال 50

[Dr__Ahmed]

ألف شكر يا سامح باشا
أنا فعلا كنت مقلق منها ومن سعرها ,, بس كده بعد نصيحتك
انا اتقفلت منها .. خصوصا انا عندى مبدأ إن البرومه زى السرطان بمجرد متبدأ لا تنتهى

الف شكر يا كبير الهونداويه
اتمنى انى مكتش ازعجتك :)

[Dr__Ahmed]

سؤال فنى كده عالماشى ::
هوا ليه الــ cvt اتلغى بعد الموديل ده ؟؟؟ ده من مشاكل فيه ؟؟

وهوا الموديل ده عموما (2006) فى مشاكل فنيه ؟؟, غير تكاليف الصيانه وكده
اصل انا مصمم عليه وخايف يطلع مش تماام
امنيتى حاليا ابقى هونداوى
وشايفه موديل محترم من السيتى
إلا طبعا لو الــ 2009 ينفع ب 65 الف

[SAMEH_FOUAD]

لا مافيش فية مشاكل ولا حاجة بس تكاليف صيانتة عالية

وانت عارف الشعب المصرى بيحب يبعد عن اى حاجة فيها تكنولوجيا

وكمان لو الفتيس خد خبطة ولا حاجة , تمنة بمبلغ وفدرة

[Dr__Ahmed]

لا مافيش فية مشاكل ولا حاجة بس تكاليف صيانتة عالية

وانت عارف الشعب المصرى بيحب يبعد عن اى حاجة فيها تكنولوجيا

وكمان لو الفتيس خد خبطة ولا حاجة , تمنة بمبلغ وفدرة

اه والله اللى بيفضل متعود عليه لايمكن يغيره !! مهما ظهر بديل