عايز اشترى سيفيك 92si بس محتار

[xann]

عايز اغير عربيتى و اجيب سيفيك 92si بس فيه ناس خوفتنى من قطع الغيار
و فى نفس الوقت بلاقى فى نفس الشريحة السعرية لانسر كريستالة
و لو زودت شوية (كام الف) بلاقى سيتى 2003

اعمل ايه؟؟؟

[mishmishy]

الكرستالة عربية محترمة جدا وفعلا عدو الميكانيكى وعن تجربة

[abofandy]

الكريستاله اجمل طبعا بس واطيه شوية او يمكن الى كنت ركبتها مكنتش متعدله
بس لو تقدر تشوف مكوه يبقى فرقت معاك سما من ارض بس اكيد هتزيد فى الفلوس شويه

[moumen_shafik]

لو بتدور على ركوبه السيفيك محترمه جدا ثبات عالى وموتور قوى
بس عيوبها واطيه ولو حضرتك مش من القاهره هتغلب شويه ف قطع الغيار

لو بتدور على الراحه وقطع الغيار الموجوده ف كل حته يبقى اكيد الانسر
وعربيه محترمه وبتستحمل بس طبعا مش زى السيفيك وبرده واطيه ومع الحمل بتوطى اكتر من الهوندا كمان

السيتى بلاش الموديلات القديمه دى هتدوخ ف قطع غيارها على حسب علمى
وده رائي الشخصى والله واعلم

[waleed alsudy]

طبعا مفيش اي مقارنه
وانا مش بقول كدا علشان انا معايا هوندا
بعدين مفيش اي حد بيشتكي من موضوع الصيانه وقطع الغيار للهوندا وبعدين sir يعني اعلى فئه في الهوندا وسعرها بيكون في اول الخمسينات لو نظيفه جدا ومعدله

[moumen_shafik]

بالظبط كده زى ما استاذ وليد قال لحضرتك الهوندا احسنهم بفارق كبير

[carrier]

عايز اغير عربيتى و اجيب سيفيك 92si بس فيه ناس خوفتنى من قطع الغيار
و فى نفس الوقت بلاقى فى نفس الشريحة السعرية لانسر كريستالة
و لو زودت شوية (كام الف) بلاقى سيتى 2003

اعمل ايه؟؟؟

مينفعش حد من الفاهرة الكبرى او بورسعيد ويقول خايف من قطع الغيار

مينفعش تكون فكرت فى هوندا وتشوف غيرها

يعنى هوندا سيفيك او هوندا سيتى وبس

والاققرب لك السيتى لان السيفك 92 هتدوخ علشان تلاقى حاجة تعجب

اللى بيفهموا فى تقليب العربيات لان للاسف معظم المعروض مليان عيوب الا قليل منهم

ولان السيتى موديل اعلى فحتلاقى منه نضيف كتير جدا

[waleed alsudy]

مينفعش حد من الفاهرة الكبرى او بورسعيد ويقول خايف من قطع الغيار

مينفعش تكون فكرت فى هوندا وتشوف غيرها

يعنى هوندا سيفيك او هوندا سيتى وبس

والاققرب لك السيتى لان السيفك 92 هتدوخ علشان تلاقى حاجة تعجب

اللى بيفهموا فى تقليب العربيات لان للاسف معظم المعروض مليان عيوب الا قليل منهم

ولان السيتى موديل اعلى فحتلاقى منه نضيف كتير جدا

تعقيب على كلام حضرتك
بالنسبه للسيفك 92 حجاتها كلها موجوده وبكميات واللي يقولك شاحه يبقى معلش في الكلام بيضحك عليك
انا حاجتي كلها بنزل اجيبها من بورسعيد علشان انا من الاسماعيليه وبردو حاجاتها كلها في الحرفيين
وشكرا لك

[Ghost2]

مشكلة هوندا سيفيك 92 انك هتتعب شوية على ماتلاقي واحدة حالتها نضيفة لان كل اللي راكبها شباب .. فا هتصبر شوية .. تاني حاجة لو لقيت عربية sir مع كامل احترامي لباقي الماركات .. مفيش شركة نزلت في الوقت ده عربية موتور 1600 و بيخرج 170 حصان .. يعني متقولش كريستالة . ولا لانوس ولا اكسنت ولا نفس الفئة السعرية .. ممكن تشوف بي ام دبانة لو انت عايز تظبيط و وترويش وهتلاقي حالات كويسة .. بس انا انصحك بالهوندا .. و ربنا يكرمك بحاجة حالتها كويسة

[amrelg]

بص يا باشا انا كنت واقع فى نفس المشكلة دى تمام زيك بالظبط وفضيلت بمعدل كل يوم عربية اشوفها وانزل السوق لمدة شهرين واجرب كل الانواع اللى رنج سعرها اقدر عليه من اول الفيرنا واللانوس والكرستالة والاوبل فيكترا حتى الاسترا 1200 سىسى....الخ كل اللى ممكن تتخيله وسألت على قطع الغيار وتوافرها واعتمادية العربية والناس اللى كانوا سيقين العربيات دى من اصدقائى واقاربى ومعارفى كل حاجة فى خلال شهرين كنت توصلت انى مش هركب غير الهوندا (أكتر عربية اعتمادية فيهم كلهم واكترهم متانة وثبات وكل حاجة) مع العلم برضه ان كل الناس قعدوا يقولولى قطع الغيار مش موجوده ومتعبة واعطلها كتير وقطع الغيار غالية جداً. ولا الهوا اتكل على الله انت بس دور على واحدة نظيفة وانا مستعد انزل معاك لو لقيت حاجة حلوة وشايف انها كويسة وبصلك عليها.

انا فضلت 4 شهور بدور واتفرج واجرب فى هوندا سيفيك بمعدل كل يوم عربية وكنت ساعات بسافر المحافظات عشان اتفرج على عربية لما رجلى ورمت وشعرى وقف وكنت اقسم بالله ساعات بابات فى الشارع فى عز البرد لحد ما ربنا وفقنى ووقعت على عربية كويسة جدا جدا

اتوكل على الله ودور وانا معاك والله لو عايزنى انزل معاك مفيش مشكلة

[xann]

يا باشا متشكر جدا بس لما الاقى حاجة انا فعلا هكلمك
انا معنديش مشكلة ان العربية تبقى قطع غيارها غالية شوية بس تستاهل يعنى تعيش
كمان فى حالة البيع مش عارف ظروفها ايه؟؟
كلنا عارفين ان السوق المصرى شمال
بيجرى ورا العربيات التعبانة و يديها سعر و قطع غيار و اعادة بيع

[xann]

طب مانيوال ولا اوتوماتيك؟؟

[amrelg]

يا باشا متشكر جدا بس لما الاقى حاجة انا فعلا هكلمك
انا معنديش مشكلة ان العربية تبقى قطع غيارها غالية شوية بس تستاهل يعنى تعيش
كمان فى حالة البيع مش عارف ظروفها ايه؟؟
كلنا عارفين ان السوق المصرى شمال
بيجرى ورا العربيات التعبانة و يديها سعر و قطع غيار و اعادة بيع

بص ياباشا قطع الغيار للعربية دى معمرة جداً ولو ايدك فيها على طول عمرك ما هتكرها ولا عمرها هتخزلك (وده فى اى عربية عموما)
اما بقى بالنسبة لإعادة البيع فكل عربية وليها سوقها وعلى حسب حالتها متهانة ولا كويسة
وهتعرف تبيعها متقلقش انا ماشى فى الشارع بيها من اول شهر 3 ولحد دلوقتى وانا ماشى 5 وقفونى وسئلونى ببيع ولا لأ من غير معرضها للبيع مع انها من برة مفيش فيها جنط حتى
متقلقش الناس هنا كمان كلها متعاونة وهتلاقيهم كلهم واقفين جنبك

[memofree]

بص يا باشا انا كنت واقع فى نفس المشكلة دى تمام زيك بالظبط وفضيلت بمعدل كل يوم عربية اشوفها وانزل السوق لمدة شهرين واجرب كل الانواع اللى رنج سعرها اقدر عليه من اول الفيرنا واللانوس والكرستالة والاوبل فيكترا حتى الاسترا 1200 سىسى....الخ كل اللى ممكن تتخيله وسألت على قطع الغيار وتوافرها واعتمادية العربية والناس اللى كانوا سيقين العربيات دى من اصدقائى واقاربى ومعارفى كل حاجة فى خلال شهرين كنت توصلت انى مش هركب غير الهوندا (أكتر عربية اعتمادية فيهم كلهم واكترهم متانة وثبات وكل حاجة) مع العلم برضه ان كل الناس قعدوا يقولولى قطع الغيار مش موجوده ومتعبة واعطلها كتير وقطع الغيار غالية جداً. ولا الهوا اتكل على الله انت بس دور على واحدة نظيفة وانا مستعد انزل معاك لو لقيت حاجة حلوة وشايف انها كويسة وبصلك عليها.

انا فضلت 4 شهور بدور واتفرج واجرب فى هوندا سيفيك بمعدل كل يوم عربية وكنت ساعات بسافر المحافظات عشان اتفرج على عربية لما رجلى ورمت وشعرى وقف وكنت اقسم بالله ساعات بابات فى الشارع فى عز البرد لحد ما ربنا وفقنى ووقعت على عربية كويسة جدا جدا

اتوكل على الله ودور وانا معاك والله لو عايزنى انزل معاك مفيش مشكلة

بعد اذن حضرتك
شكلك دخت لحت ما ركبت هوندا تنصحنى بأيه ادامى هوندا سيفيك 86 نضيفه جدا من بره و واقفه على الارض كويس جدا و اتوماتيك و من جوه الفرش نضيف بنسبة 90 فى الميه و هو طلب 36 الف و ممكن تنزل شويه ايه رأيك . هى 1300 cc و جربت الاتوماتيك و انا واقف و غيرت و انا شادد فرملة اليد ادانى عزم كويس
و شكرا

[memofree]

منتظر 1111111111111111111111111