مروحه الريدياتير هوندا 2007

[sherif309]

امبارح اكتشفت ان المروحه الى عندى مش شغاله ولا مع التكييف ولا التبريد. دى المروحه الصغيرة ولما بمد ايدى واخبط عليها بتشتغل. حد عندة حل للموتور ولا لازم يتغير وتقريبا بكام جديد واستيراد

[kokowasfy]

متابع

[sherif309]

متابع جدا

[sherif309]

اخجلتونى يا هنداويه.

[virus459]

لازم تروح لكهربائي اول عشان ممكن تكون في سلكه بتلمس هي اللي عامله المشكله

[sherif309]

يا جمتعه عايز اعرف سعر المروحه كام

[الشقنقيرى]

بدل ما تغير المروحه روح لكهربائى كويس يغيرلك الشربون بتاعها وترجع تشتغل زى الفل تانى خسارة تغيرها

[Thebutcherr]

كات اوت مروحة بيلت ان؟

[sherif309]

انهاردة الحمد لله غيرت المروحه خالص. رحت لكهريائى كويس اوى عندى طلع المروحه بالقميص بتاعها وجاب واحدة تانيه يبانى استيراد من عندة وجربها الاول على البطاريه عشان يشوف فيها خشانه ولا لاء. وركبها على نفس القميص الحديد بس خرم للمسامير بتاعتها اخرام تايه. وربط صواميلها ربطه بنت تيييت. ونزلها مكانها الاول عشان يشوفها بعيدة عن الريدياتير ولا لاء طلعه بعيدة هيا الاصليه رفيعه ودى تخينه فكان خوفه انها تحك. بس الحمد لله طلعت اصلى. ووصل سلوكه وسبت القميص بالمروحه ودورنا العربيه لحد اما سخنت واشتغلوا المروحتين بريفكس ومع التكييف سموكن. وخد 200 جنيه المروحه بالتركيب. وطبعا صوت المراوح هدى عن الاول لان الكبيرة كانت بتشتغل لوحدها على السرعه العاليه فبتعمل رعشه وصوت عالى. اما دلوئتى الحمد لله كله ظابط وكمان المروحه الى ركيها اسرع من الاستاندر بتاعتها.
وملحوظه الاصليه جزئين ريشه وموتور والموتور حته حديدة مصمطه طاع منها سلك ومبتتفتحش يعنى شكرا والاستيراد بتاعتها بتبتدى من 650 والاصليه الجديدة ب1500

[Amour_basha]

شريف باشا
الحقنى بالكهربائى بتاع ك .. انا عندى نفس المشكلة
الف شكر يا باشا