إستفسار بخصوص سيفيك 2009 عامله حادثه وأرجو المساعده

[M.Elgergawy]

سيفيك vti 2009 طلعت على رصيف وفاتحه 2 ايرباج تابلوه وايرباج سائق جانبي يعني التوتال 3 ايرباج
ومحتاجه عفشه اماميه كامله + فتيس وكبالن + مقص خلفى شمال بالدوشمه بتاعته + سمكره + اكصدام امامي بالفوجات وبويه كامله طبعا للعربيه والموتور سليم والاساسيات كلها سليمه مفهاش حاجه
لو حد يقدر يقولى تسوى كام على حالتها وكمان لو رقم تليفون تاجر استيراد يكون كويس اساله على القطع اللى ههحتاجها ولو حد عنده خبره العربية ممكن تصرف كام وشكرا جزيلا

[kokowasfy]

قدر اللة مشاء فعل و بلتوفيق و متابع معاك

[ENG.MaRk]

بلاش تفكر في حاجة عاملة حادثة اصلا

[محمد أنور]

لو الشاسيه سليم صلحها و خليها
لو الشاسيه فيه حاجة بيعها على حالتها
و بالنسبة لقطع الغيار لازم تنزل بنفسك الحرفيين و تسأل بنفسك كذا واحد
و ربنا معاك و ان شاء الله بسيطة

[M.Elgergawy]

شكرا على الردود هي العربية مش بتاعتي بس معروضه عليا وانا عارفها لما كانت سليمه وده كل اللى فيها خايف اخوض التجربه وارجع اندم
ممكن تدلوني على واحد يكون فاهم في الهوندا اخليه يكشفلي عليها ويحددلى مصاريفها

[Waleed maher]

ابل ما تأخذ قرار الشراء أنصحك بقياس أبعاد الشاسيه علي الكمبيوتر و تشوف القوائم كويس و خلي بالك من الفواصل و العضم اللي راكب عليه الرفارف لو اتاكدت أنها تمام خدها بس عشان تكون عارف لو في حاجه في الشاسيه هتقرفك و لما تغسلها هتلاقي ميه في الشنطه أو الحوض و ممكن هوا يدخل الصالون و انت ماشي أو تلاقي حدفه علي الطريق بسبب الشاسيه هتضطر تصحح ده بحاجات معينه بس مش صح و ربنا يوفقك هو المستعان و تحياتي لكل الأعضاء الكرام

[Waleed maher]

لو هتركب انت العربيه و مش هتبيع روح التوكيل الغالي رخيص في الحاجات دي و العربيه دي محترمه جدا و تقارن بالفئات الاعلي و تتفوق عليها كمان و مش خساره فيها المصاريف

[M.Elgergawy]

للأسف مقايسة التوكيل عملت 65 الف جنيه
من ضمنها تابلوه 22 الف وكوبلن 5000 ج
وجنط 2200 جنيه
انت عارف التوكيل بيفك ويركب انما مش بيصلح

[Waleed maher]

ممكن انت تشتري التابلوه استيراد و تشتري العفشه برده تركبهم و تروح التوكيل عشان الشاسيه و ربنا يكرمك مفيش احسن من السليم بس العربيه تستاهل

[sayed20501]

لو هتصلحها برة هتتكلف النص ويمكن أقل
بس المهم تتأكد ان الشاسيه والقوايم كويسين
التابلوه بيعمل بره حوالي 10000 جم
ربنا معاك