إعـــــــلان

Collapse

.

,
See more
See less

طلب مساعدة مستعجل جدا من فضلكم هوندا سيفيك 2003 اتوماتيك ولا مازدا 3 2007 ايرو اتومات

Collapse
X
 
  • Filter
  • الوقت
  • Show
Clear All
new posts

  • طلب مساعدة مستعجل جدا من فضلكم هوندا سيفيك 2003 اتوماتيك ولا مازدا 3 2007 ايرو اتومات

    السلام عليكم
    انا عضو جديد بس مش قوى لان ده تالت موضوع اكتبه و اكتب فى اوله انى عضو جديد فتقريبا كده انا قدمت و انا مش واخد بالى

    الموضوع بأختصار انى بسوق هوندا سيفيك 97 lxi اتوماتيك من 2001 و لسة بايعها الاسبوع اللى فات لظروف انها كانت منطقة حرة بورسعيد و انا شغلى اتنقل القاهرة فكان لازم ابيعها و اجيب ملاكى

    المهم المقولة المشهورة و اللى ثبت صحتها ان اللى بيسوق هوندا مابيعرفش يسوق اى حاجة تانى بسهولة

    المهم انى بقالى 4 شهور بدور و ان شاء الله استقريت على عربيتين هاخد رأى حضراتكم فيهم

    الاولى هوندا سيفيك 2003 اتوماتيك رشة برة كله عدا السقف و محتاجة حاليا رش تانى على الاقل للاكصدامات و ماشية 145 الف كيلو و فيها تكة او خبطة صغيرة فى الشنطة ورا الاكصدام الراجل لامانته قعد ربع ساعة يشاورلى عليها و يحاول يوريهالى و انا مش شايف اى فرق

    دى انا سوقتها و حسيت انى استرجعت ايام الهوندا الجميلة و التكييف العالى و الموتور اللى مالوش صوت و الطلعة السلسة من الثبات و الحاجات الحلوة دى كلها اللى فى الهةندا و هوطالب 70 الف عشان الحاجات اللى فيها و هى كمان محتاجة مساعد و البربريز فى شرخ



    العربية التانية و اللى انا لسةماسوقتهاش و ان شاء الله خلال ساعات هاكون شوفتها و سوقتها هى مازدا 3 2007 اللى هى اعلى فئة اللى اسمها ايرو

    العربية دى مطلوب فيها 78 الف و هى ماشية 135 اف كيلو و هى رشة من برة كله ما عدا سقف و شنطة و بيقوللى الكبوت كان خد خبطة راح مغيره فى التوكيل ببلاش و هى فيها شوية مصاريف مش كتير تقريبا كوبلن و حاجات صغيرة تانية مش مشكلة
    المهم سبب نزول السعر حاجة تانية و هى دى اللى عاوز من المزداوية يفيدونى فيها بعد اذنكم
    لما كلمته قاللى العربية دى الصدر بتاعها بلاستيك او فيبر مش حديد و قاللى السبب ان لو فى خبطة يقوم الفيبر يتكسر و ياخد الخبطة لوحده و الخبطة ماتوصلش للموتور و بعدين الفيبر ده يتفك و يتغير
    و قاللى ان هو عنده خبطة صغيرة هايوريهالى لما اشوف العربية و الخبطة دى خلت الصدر يتكسر و هو بس يتفك و يتغير ب 300 جنيه
    الموضوع ده بجد يا جماعة و هل ده يعيب العربية ولا فعلا فكرة الفيبر اللى بيتفك و يتركب دى قضيت على موضوع الدواخل اللى مش فابريكا و اللى بتعيب العربية?

    كنت قريت هنا ان حد اشترى مازدا و بعدين طلعت مغيرة صدر و الايرباج كان اتفتح فاتصلت بالراجل اطمن فقاللى ولا الايرباج اتفتح ولا اى حاجة و الخبطة كانت بسيطة و لماا نغير الصدر برده مش هانيجى جنب ايرباج ولا حتى هاتحتاج تفك مروحة


    انا اسف على الاطالة والله بس اعذرونى انا هاخد قرار و ادفع عربون كمان ساعات
    انا عايز اعرف من حضراتكم رأيكم فى العربيتين عامة و فى الحتتين اللى معايا بشكل خاص و موضوع الصدر بالذات و ايه رأيكم فى الاسعار هل مناسبة ولا ايه

    و يا ريت لو حد يقدر يفيدنى او يدينى نصيحة قبل ماكشف على العربية المازدا الساعة 12 الظهر يوم الاربع يبعتلى او يكلمنى على 01004794446 او 01205048024

    مهندس محمد توفيق

    و شكرا لحضراتكم جزيلا
    1
    هوندا سيفيك 2003 اتوماتيك
    0%
    1
    مازدا 3 2007 اعلى فئة ايرو اتوماتيك
    0%
    0

  • #2
    لو كانت المازدا حالتها افضل من كده كنت هرشحالك يس من كلامك الهوندا حالتها افضل
    ونصيحه متروحش تشوفها من كلامك العربيه دى بالشكل دا ضايعه
    اما لو لاقيت واحده مازدا3 ايرو سليمه ومش محتاجه مصاريف اظن هتعجبك
    اللهم لا تتوفنا الا وانت راض عنا

    Comment


    • #3
      اه وبالنسبه لموضوع الصدر الفيبر فدا ميزه فى عربيات كتير وبيتغير لو العربيه اتخبطت من قدام

      ومش تستقل بالكوبلن والحاجات البسيطه دى مبدأيا انت بتتكلم فى الفين تلاته مصاريف ولسه اللى انت هتلاقيه

      انت بتدفع فلوس فهات حاجه مش محتاجه مصاريف
      اللهم لا تتوفنا الا وانت راض عنا

      Comment


      • #4
        الصدر الفيبر لو متغير ما يعيبش العربية ... أهم حاجة يكون الأصلي بتاعها وما يكونش فيه تأثير على الشاسية من الداخل ... بس موضوع إن بتاع المازدا بـ 300 جنيه مش متأكد منها أعتقد هايبقى أكتر من كده بكتير وأسأل عليه بردو قبل ما تشوف العربية عشان تعرف صاحبها ... أنا لسه جايب يتاع السيراتو بـ 750 جنيه

        Comment


        • #5
          شكرا يا جماعة والله كتر خيركوا على الردود
          بس للعلم بخصوص شغل العفشة الاتنين محتاجين شغل

          المازدا فيها كوبلين و معرفش ايه تانى كده قاللى عليه فى التليفون بس مش فاكره حاليا و هايقولهولى لما اشوفها

          و الهوندا محتاجة مساعد و جلبتين مقصات و محتاجة رش للاكصدامات على الاقل و شوية مرمات فى الابواب و البربريز مشروخ و غالبا هحتاج اغيره

          انا مش بيتهبل عشان شبطان فى المازدا والله خالص بس انا شايف ان الموضوع بتاع الصدر ده هو الموضوع الاساسى اللى كنت محتاج افهمه و احسمه و كنت عاوز اتأكد بس انه مافيش مشكلة لو اتغير و انى هعرف ابيع العربية عادى بعد كدة و بخصوص سعره احنا كده كده هانروح المكان بتاع الصيانة اللى جنب حمدى لادا اللى عند السندباد و هو هايكشف على العربية و يقوللى كل حاجة و تكلفتها بالظبط
          الف شكر على الردود يا جماعة

          Comment


          • #6
            الاتنين مش كويسين ... ممكن حضرتك تدفع 83000 و تجيب شارك 2008 أوتو أول فئة كيلومتر قليل و حالة معقولة بالنسبة للهوندا و المازدا و بكدة تبقي حضرتك ما طلعتش برة الياباني يعني الفرق مش شاسع في السواقة

            Comment


            • #7
              و الله هو كلامك حضرتك معقول بس المشكلة ان رينج التمنينات ده ماجاش على بالى قبل كده و هاتتفاجئ لو عرفت انى بدأت رحلة البحث ب 40 الف لحد ما وصلت للى انا فيه ده :)

              شكرا على الرد

              Comment


              • #8
                يا جماعة انا روحت شوفت العربية و لقيت فيها الاتى
                هى مبدأيا واضح انها كانت اخدة خبطة محترمة من قدام فى النص بالظبط بس الراجل بيأكدلى ان كل اللى رفعوا العربية و شافوها قالوا ان الشاسيه ماتأثرش
                بس اللى اتأث اولا الصدر البلاستيك عاوز يتغير
                ثانيا و ده الاهم العارضة الحديد او الصلب اللى تحت الصدر و اللى المفروض قبل الصدر مخبوطة و داخلة لجوة جامد و دى لا تتعدل بزرجينة لا تتفك و تتغير برده بس دى بقى بتترش

                الكابوت فى تطبيقة و فى فرق جامد بينه و بين الرفرفين
                بخلاف كل ده كان زمان بعد ما اشتراها زيرو الكابوت اتفتح و هو ماشى فغير الازاز الامامى و الكابوت و رش اول عشرين سم من السقف الجزء اللى قبل فتحة السقف
                و فتحة السقف مش شغالة
                و محتاجة كوبلن
                و طبعا الاكصدامات عاوزة تترش و حتت بسيطة فى الجناب

                الايجابيات بقى انه شاريلها شوية حاجات عشان كان ناوى يصلحها
                شارى 2 فانوس جداد لسة ماركبوش
                و شارى 2 قواعد بلاستيك ابيض اللى بيركب عليهم الاكصدام الامامى
                و شارى الكارتيرة اللى تحت الموتور و اللى برده بيتثبت عليها الاكصدام الامامى
                و شارى اربع كارتيرات اللى فوق الكاوتش

                و مطلوب نهائى 77500 ايه رأيكوا؟

                Comment


                • #9
                  المشاركة الأصلية كتبت بواسطة matawfeek مشاهدة المشاركة
                  يا جماعة انا روحت شوفت العربية و لقيت فيها الاتى
                  هى مبدأيا واضح انها كانت اخدة خبطة محترمة من قدام فى النص بالظبط بس الراجل بيأكدلى ان كل اللى رفعوا العربية و شافوها قالوا ان الشاسيه ماتأثرش
                  بس اللى اتأث اولا الصدر البلاستيك عاوز يتغير
                  ثانيا و ده الاهم العارضة الحديد او الصلب اللى تحت الصدر و اللى المفروض قبل الصدر مخبوطة و داخلة لجوة جامد و دى لا تتعدل بزرجينة لا تتفك و تتغير برده بس دى بقى بتترش

                  الكابوت فى تطبيقة و فى فرق جامد بينه و بين الرفرفين
                  بخلاف كل ده كان زمان بعد ما اشتراها زيرو الكابوت اتفتح و هو ماشى فغير الازاز الامامى و الكابوت و رش اول عشرين سم من السقف الجزء اللى قبل فتحة السقف
                  و فتحة السقف مش شغالة
                  و محتاجة كوبلن
                  و طبعا الاكصدامات عاوزة تترش و حتت بسيطة فى الجناب

                  الايجابيات بقى انه شاريلها شوية حاجات عشان كان ناوى يصلحها
                  شارى 2 فانوس جداد لسة ماركبوش
                  و شارى 2 قواعد بلاستيك ابيض اللى بيركب عليهم الاكصدام الامامى
                  و شارى الكارتيرة اللى تحت الموتور و اللى برده بيتثبت عليها الاكصدام الامامى
                  و شارى اربع كارتيرات اللى فوق الكاوتش

                  و مطلوب نهائى 77500 ايه رأيكوا؟
                  ابعد عنها احسن كبوب فارق عن الرفارف و سقف راشش و صدر مخبوط و 77 الف

                  Comment


                  • #10
                    كتر خيرك يا استاذ عاطف على الرد و شكرا ليكوا كلكوا انا فعلا سيبنى منها و رايح انهارده ان شاء الله اتفرج على واحدة او 2
                    لاولى باذنجانى 2008 ماشية حوالى 80 الف كيلو و فابريكا دواخل و سقف و شنطة و كبوت و جنب من الجنبين و رشة اكصدامين و جنب واحد . و الراجل كاتب كاملة ما عدا فتحة السقف و الجنط و طالب 82 و كلمته و حلفلى ان جابت 79 و رفض و اخره 80 . يا رب بس تطلع كويسة ( هو مش حاطط صور فى الاعلان )

                    و فى واحدة تانية نزلت على كونتاكت من شوية لونها سيلفر رشة رفرف فقط 2008 برده و ماشية 95 الف كيلو و طالب 84 الف لسة ماكلمتوش و معرفش هاتنزل ل 80 ولا لأ . بس هو حاطط صور و العربية ما شاء الله واقفة كويس بس باين برده انها من غير فتحة سقف يعنى مش الايرو - و فى نقطة كمان فى دى ان هو اول مالك

                    ايه رأيكوا مبدأيا انا طبعا هحاول انى اشوف ال 2 لو السيلفر سعرها نزل ل 80 بس انا كنت عاوز كمان اسألكوا عن حاجتين مهمين

                    اولا ايه الفرق بالظبط بين فئات المازدا 3 ال 2008 الايرو و غيرها و هل هما فئتين فقط و لا اكتر لأن الاولانى كاتب كاملة ما عدا فتحى السقف و الجنط و التانى حاطط صور حلوة باين منها ان فى مثلا عواكس فى الاكصدام الخلفى فى حين انى لما اتفرجت على الايرو اللى حكيتلكوا عنها قبل كده كانت العواكس دى من ضمن الحاجات اللى قالهالى الراجل عشان يقوللى انها فى الايرو بس ( طبعا يا جماعة انا كلامى كله عن الاتوماتيك و ال 3 عربيات اتوماتيك )

                    ثانيا عاوز اعرف منكوا اكشف فين عن العربيتين كشف محترم يجيب قرارها؟ و يكون بيفهم فى المازدا عشان انا مرعوب بالذات من العداد عشان موضوع اللعب فى العداد ده فلازم اشوف مكان محترم يأكدلى عاملة كام كيلو تقريبا و طبعا يطمنى على اساسياتها و شاسيه و دواخل و فعلا مش رشة من برة غير حاجات بسيطة ولا لأو الفتيس و العافشة بالذات لأنى عرفت ان الكوبلين تمنة 3500 جنيه و لما اجيبها مش هايبقى معايا مليم اصرفه عليها اللهم الا زيت الموتور ولا حاجات بسيطة كده

                    معلش انا طولت عايكم بس محتاج مشورتكم ضرورى . انا رقمى 01004794446 و 01205048024 و هاشوف العربية ان شاء الله الساعة 12 . يا ريت لو حد يقدر يفيدنى يكلمنى حتى يعرفنى ابص على ايه فيها الاول قبل ما اكشف عليها .

                    شكرا لمساعدتكم.

                    Comment

                    Working...
                    X