مشكلة فى الحرارة وفاقد الامل

[shedid20]

السلام عليكم
انا يا جماعة غيرت الموتور والضفيرة من الصيف ال فات واول م الحر يجى ومشغل التكيف الحرارة تعلى وتعدى النص وتبقى فى الربع الاخير بس متجبش الاخر وتبص على العربية والحرارة معدية مبتغليش ولا بتنفخ ولا اكنها معدية الحرارة ... وحتى لو مش مشغل التكيف وقرصت عليها الحرارة تعدى ... وعملت كل حاجة تخص الحرارة سلكت الريداتير وغيرت المروحة و بصيت عند الكوعة علشان اشوف الترموستات ال جوة الموتور لقيتها متشالة ..
ملاحظات علشان تفيدونى هى السبب ولا ايه : 1. العربية تقيلة قوى من ساعة مغيرت الضفية ونا شاكك فى الضفية انها فيها مشكلة وانها هى سبب ده كله مع ان مفيش لمبة اعطال منورة ولا حاجة.. 2. انا مكبر السربنتينة بتاعة التكيف هل ممكن تكون سبب فى الحرارة.
يبقى مشكلى السحب ومشكلة الحرارة .. وربنا يخليكم تفيدونى علشان انا جيبت اخرى والله :(

[SAMEH_FOUAD]

المياة بتنقص معاك ؟؟؟

[shedid20]

المياة بتنقص معاك ؟؟؟

لا يا سامح باشا متنقصش وانا مغير تروبة المياه قريب كمان والحرارة بتعلى فى اليوم الحر ال بيكون درجة حرارته عالية يعنى مثلا زى النهاردة عمرها متعلى حتى لو طول اليوم بلف والتكيف شغال . والملاحظة التانية انها حتى لو فى يوم حر جدا تعلى وهى ماشية بس مجرد مقف مثلا فى اشارة الحرارة تنزل علطول

[SAMEH_FOUAD]

ياباشا كل اللى انت بتتكلم فية دة مشكلة ريدياتير

لما بتبقى ماشى مش بيقدر يبرد بالقدر الكافى , ولما بتقف كدة كدة الضغط بيهدى

عموما غير ريدياتير + وياريت تسحب هواء من دورة التبريد وان شاء الله كل حاجة هتتظبط

[shedid20]

ياباشا كل اللى انت بتتكلم فية دة مشكلة ريدياتير

لما بتبقى ماشى مش بيقدر يبرد بالقدر الكافى , ولما بتقف كدة كدة الضغط بيهدى

عموما غير ريدياتير + وياريت تسحب هواء من دورة التبريد وان شاء الله كل حاجة هتتظبط

يل باشا مانا سلكت الريداتير وقدام عينى الريداتير المجارى كلها متسلكة 100 100 .. وبالنسبة ان سربنتينة التكيف ال عريض وقدام التكيف متأثرش على الحرارة . وثانيا : خنقة العربية ال مستمرة من ساعة مركبت الضفيرة ومخلية السحب وحش جدا ميأثرش على الحرارة

[ahmed_elshafey]

يل باشا مانا سلكت الريداتير وقدام عينى الريداتير المجارى كلها متسلكة 100 100 .. وبالنسبة ان سربنتينة التكيف ال عريض وقدام التكيف متأثرش على الحرارة . وثانيا : خنقة العربية ال مستمرة من ساعة مركبت الضفيرة ومخلية السحب وحش جدا ميأثرش على الحرارة

ماهو مش معنى أن المجارى سالكة يبقى سليم. ممكن يكون بياخد هوا. أنت تغير رادياتير و مروحة كمان. و تعمل خيرة فى نفسك لو جبته ألومنيوم لأن أكيد اللى راكب عندك نحاس. تغير المروحة عشان أحيانا بتحف ريشها فيه و بتاكله فما تجيبش رادياتير ب 400 ولا أكتر (أنا ما أعرفش السعر بس ده العادى لما نتكلم فى رادياتير) عشان تغيره تانى عشان ما جبتش مروحة جديدة. و تجيب ألومنيوم عشان أحسن مليون مرة من النحاس فى كل حاجة.

[Mamoud salah H]

انت بتقول ان الحرارة عالية من خلال قراية العداد ومع ذلك مفيش نققص ميه ولا فوران ولا بتحس باي سخونة من العربية او الموتور.

مش ممكن يكون المؤشر عندك بيدي قراية غلط اعلي من الحقيقي لان انا كان عندي نفس الحوار وطلع العيب من حساس الحرارة الي المؤشر بيقرا من خلاله

[shedid20]

ماهو مش معنى أن المجارى سالكة يبقى سليم. ممكن يكون بياخد هوا. أنت تغير رادياتير و مروحة كمان. و تعمل خيرة فى نفسك لو جبته ألومنيوم لأن أكيد اللى راكب عندك نحاس. تغير المروحة عشان أحيانا بتحف ريشها فيه و بتاكله فما تجيبش رادياتير ب 400 ولا أكتر (أنا ما أعرفش السعر بس ده العادى لما نتكلم فى رادياتير) عشان تغيره تانى عشان ما جبتش مروحة جديدة. و تجيب ألومنيوم عشان أحسن مليون مرة من النحاس فى كل حاجة.

انا عندى الريداتير بتاع العربية اﻻصلى وانا بالفعل غيرت المروحة السنة ال فاتت علشان المروحة القديمة ولعت .. وحشوف كدا يا باشا لو قفلت حجيب ريداتير وخﻻص وربنا يكرم وتتحل المشكلة

[shedid20]

انت بتقول ان الحرارة عالية من خلال قراية العداد ومع ذلك مفيش نققص ميه ولا فوران ولا بتحس باي سخونة من العربية او الموتور.

مش ممكن يكون المؤشر عندك بيدي قراية غلط اعلي من الحقيقي لان انا كان عندي نفس الحوار وطلع العيب من حساس الحرارة الي المؤشر بيقرا من خلاله

ﻻ معتقدش الحساس علشان الحرارة بتعلى فى اﻻيام الحر وبرضوا ممكن يكون منه والله انا احترت :)

[carrier]

الريداتير من عند الشيخ مكى فى الوكالة ب 200ج

[shedid20]

الريداتير من عند الشيخ مكى فى الوكالة ب 200ج

صباح الفل يا باشا.. حلو قوى ب 200 جنيه ده وياترى بقا المونيوم ولا نحاس ؟؟

[ahmed_elshafey]

انا عندى الريداتير بتاع العربية اﻻصلى وانا بالفعل غيرت المروحة السنة ال فاتت علشان المروحة القديمة ولعت .. وحشوف كدا يا باشا لو قفلت حجيب ريداتير وخﻻص وربنا يكرم وتتحل المشكلة

لو قفات معاك و غيرت رادياتير ضرورى جدااااااا تجيب مروحة جديدة. هى ما تساويش حاجة اصلا بالنسبة لفلوس الرادياتير.
و تشوف حكاية المؤشر قبلها عشان ما تكعش فلوس على الفاضى.

[carrier]

صباح الفل يا باشا.. حلو قوى ب 200 جنيه ده وياترى بقا المونيوم ولا نحاس ؟؟

حيحله من سدر عنده او محلول جاهز الاصلى بدون مروحة

[ahmed_elshafey]

حيحله من سدر عنده او محلول جاهز الاصلى بدون مروحة

بيحله قدامك؟؟؟؟ و بينزل بالمياة؟؟ و 200 بس؟؟؟ ألومنيوم ولا نحاس؟ أنا عمرى ما سمعت الرقم دا فى أى رادياتير خالص. للحبايب بس ولا ده سعره؟؟

[carrier]

بيحله قدامك؟؟؟؟ و بينزل بالمياة؟؟ و 200 بس؟؟؟ ألومنيوم ولا نحاس؟ أنا عمرى ما سمعت الرقم دا فى أى رادياتير خالص. للحبايب بس ولا ده سعره؟؟ :u_thin1[1]:

انا مش زنبى انك بتجيب بسعر غالى

تم انت مستغرب ليه

ادى الجمل وادى الجمال

وعلى فكرة نمرة واحد بمعنى الكلمة الاصلى