عايز رأيكم يا رجالة

[msfmagdy]

عايز رأيكم يا رجالة ايهما اقل فى مصاريف التشغيل هوندا سيفيك 1992 1500cC
او بيجو 405 1994 1600CC

[ENG.MaRk]

أنا كشاب أفضل الهوندا و لكني لا أفقه شيئا عن العربيتين

[msfmagdy]

شكرا يا معلم مستنين وحوش الهوندا يردو على السؤاااااااال

[ahmed_elshafey]

ما جربتش البيجو و لكن معايا هوندا 93 انجكشن 2000cc و عسل أوى, فى حاجات غالية جدا جدا و حتى فى الاستيراد و لكن أنت و عربيتك و تضرب مشوار على بورسعيد بقى زى ما أنا بعمل كتير أوى بتبقى المسائل أخف حبتين تلاتة.
مشاكلها الكبيرة فى قطع الغيار حاجة صعبة أوى و لكن تجيب و تحافظ بقى. بالنسبة للمصاريف التانية غير قطع الغيار هى مافيهاش مشاكل خالص ما عدا أنك تلاقى ميكانيكى يشتغل فيها من غير ما يتعبك بس دى مشكلة فى أى موتور كامتين و بنلاقى يعنى بس هيتنطط فى الفلوس. أنا لو بختار أختار 100% هوندا أمتع و أجمل و أكتر حداثة تكنولوجيا بكتير جدا جدا عن 405 و اختيارات أعلى ألف مرة فى التعديل و هوندا جيل خامس دى حاجة لا يعلى عليها فى رأيي. و أعتقد أنك كده كده هتعمل زى ما أنا عملت و تجيب موتور جديد لأن سواء دى أو دى هيكونوا خلاص بيقربوا أو عدوا 200 ألف و استهلاك فظيع و مشاكل أفظع.

[mohandelboshy]

عايز رأيكم يا رجالة ايهما اقل فى مصاريف التشغيل هوندا سيفيك 1992 1500cc
او بيجو 405 1994 1600cc

الهوندا طبعا يا باشا وتوكل علي الله بس دور علي حالة نضيفة ومفيش قطع غيار غالية ولا حاجة والناس هنا هتفيدك بكل حاجة حتي اسماء التجار اللي تلاقي عندهم كل مسمار للهوندا وكمان الميكانيكية وكل صنايعي بيشتغل فيها
بس المهم انك تلاقي حاجة حالة نضيفة عشان متكرهش العربية وبورسعيد والحرفيين في القاهرة حاجة الهوندا موجودة وفيه تجار في المحافظات بقت بتجيب بعض الحاجات للهوندا وده لاقبال الناس عليها وانا شخصيا مفتكرش اني جبت حاجة سعرها مبالغ فيها توكل علي الله بس دور كويس ومتستعجلش وان شاء الله هتلاقي طلبك
وقسم الهوندا هنا اكيد هتستفيد منه بكل حاجة ان شاء الله
ربنا يوفقك

[msfmagdy]

طب انا معايا 40الف احلى حاجة اجيبها اية

[ahmed_elshafey]

طب انا معايا 40الف احلى حاجة اجيبها اية

هوندا 92 كاربراتير, كامة واحدة. فى كامتين بس مش عارف الفرق فى السعر بينهم و الله.
أنا كنت شارى بتاعتى 93 مانيوال كاربراتير, كامتين فبريكة بره و جوة مرمة رفرف ورانى شمال و اكصدام ورانى على 43.