استفسار بخصوص شراء نص كامل

[Ahmed_Gallant]

السلام عليكم
استفسار بسيط الاقى عند مين انصاص اكورد من 90 الى 93 بس حاله كويسه ويكون تاجر امين
شكل العربيه زى اللى فى التوقيع
ولو حد سال يا ريت يقولى سعر تقريبى عشان بس اعمل حسابى لانى ناوى اجيب قريب وبجمع الفلوس
ولو فى تجارب شراء من تجار امناء وممكن الاقى عندهم ياريت ارقام تليفوناتهم على الخاص
تعاطفك لوحده مو كفايه اتبرع ولو بتيل فرامل :)

[midooo_119]

انزل عزبه شلبى

[SAMEH_FOUAD]

هتنزل الحرفيين وتدور على حد عندة انصاص منها لان حاجاتها قليلة وخصوصا لو انصاص كاملة

[Ahmed_Gallant]

انزل عزبه شلبى

كنت فى عزبه شلبى من فتره مفيهاش غير فيات ولادا وواحد بس عنده فولكس بس مفيش يابانى خالص هناك على ما اعتقد بس شكرا لمساعدتك وهتاكد تانى ان شاء الله

هتنزل الحرفيين وتدور على حد عندة انصاص منها لان حاجاتها قليلة وخصوصا لو انصاص كاملة

مشكور على سرعه الرد
هو انا نزلت كذا مره الحرفيين كنت بجيب حاجات ليها بس عمرى ما سالت على نص كامل بس لقيت مكن f22a1 كتير انجكشن وقطع غياره متوفره وفى واحد اسمه ابو اصه هناك عنده حاجات ليها بس غالى عن غيره بس مش حاططلها اى انصاص خالص وفى واحد فى بورسعيد اسمه زوزا قاللى عندى عربيه كامله على اللحام ونقل رقم الشاسيه ب 15 الف ولحام 500 جنيه ومش هترش يعنى على الترخيص واثبات المكنه وتغيير اللون بس لكن برضه مفيش انصاص انا نفسى اجيب من القاهره عشان مصاريف النقل مع انى بنزل بورسعيد كتير بحكم شغل اللى هيخلينى اجيب نص انى عايز اشد ركوبه ليا لانى مش ناوى ابيع وقطع الغيار فرط مكلفه جدا قلت اجيب حاجه على بعضها فى سكه 8 او 10 الاف تنهى معايا المسأله

[SAMEH_FOUAD]

ماشى ياباشا كلامك سليم , بس هقولك حاجة حلوة

طالما شغلك بخليك تتواجد فى بورسعيد كتير

يبقى تتطلع على هناك , وتركب الحاجة هناك فى حرفيين الزهور , ولما ترجع القاهرة , شوف انت بتتعامل مع مين وخلية يراجعلك على الحاجة

وكدة انت ظبطت الاداء

[Ahmed_Gallant]

ماشى ياباشا كلامك سليم , بس هقولك حاجة حلوة

طالما شغلك بخليك تتواجد فى بورسعيد كتير

يبقى تتطلع على هناك , وتركب الحاجة هناك فى حرفيين الزهور , ولما ترجع القاهرة , شوف انت بتتعامل مع مين وخلية يراجعلك على الحاجة

وكدة انت ظبطت الاداء

مع ان ده عكس اللى كنت بخططله وهو انى كنت هنقل كل حاجه بنفسى بمساعده ميكانيكى صديقى بروقان حتى لو اخدت شهر بس لو هلاقى فى بورسعيد اللى انا عايزه بالحاله اللى انا عايزها هتوكل على الله واشتريها وانقلها لانى بصراحه لبست كتير مع الصنايعيه وخصوصا الكهربائيه دانا اتعملت كهربا بسببهم والحمد لله بقالى سنه مبروحشى لكهربائى
انا رايح بورسعيد جمعه وسبت لشغل بس مش هياخد كل وقتى هبقى فاضى وقت طويل بالنسبه لكهربة العربيه انا ذاكرتها من المانيوال بتاعها كل سلك جى منين ورايح فين بس المكن انا مليش فيه قوى
فتنصحنى وانا بشترى ابص على ايه واجيب f22 ولا خلينى فى f18 وهل العربيه دى بينزلها فيتك 1600 يعنى انسب حاجه اجيبها ايه علما بان عربيتى خليجى ex كامله اوتو فاتحه سقف بس نازله كارب مش انجيكشن ومفيهاش ليميت على الاربى ام ومفيش كنترول اصلا
سؤال اخير فى حد كويس اسال عليه وانا هناك انا عارف حرفيين الزهور وحرفين المسكن
معلش هتعبك معايا بقى انت بقى الاب الروحى فى منتدى الهوندا :)

[SAMEH_FOUAD]

بالنسبة للمحرك انت اية اللى هيخليك تجيب f22a

لأ انت هات f20b فية Vtec وقوتة 150 حصان وماتور ممتاز وتحفة

او تجيب f20a8 دة بردة قوتة 145 حصان ومحرك ممتاز جداا

- وانت هناك اسأل على ( وليد رغام ) دة فى بنك الاسكان ( راجل كويس اوى ويارب تلاقية طلبك عندة لانة اسعارة حلوة ونظيفة )

او محمود ظاظا( الشركة الاسلامية) بردة فى بنك الاسكان بس دة اخر حاجة تلجأ لية

[Ahmed_Gallant]

بالنسبة للمحرك انت اية اللى هيخليك تجيب f22a

لأ انت هات f20b فية vtec وقوتة 150 حصان وماتور ممتاز وتحفة

او تجيب f20a8 دة بردة قوتة 145 حصان ومحرك ممتاز جداا

- وانت هناك اسأل على ( وليد رغام ) دة فى بنك الاسكان ( راجل كويس اوى ويارب تلاقية طلبك عندة لانة اسعارة حلوة ونظيفة )

او محمود ظاظا( الشركة الاسلامية) بردة فى بنك الاسكان بس دة اخر حاجة تلجأ لية

اشكر اهتمامك وسرعه ردك وربنا يجعله فى ميزان حسناتك
ان شاء الله هنزل بكره ولما ارجع هبقى اقولكم انا عملت ايه ويارب يكون بفايده
ادعولى