اوكرة سيفيك 92

[amrelg]

اوكرة السائق الخارجية مش بتفتح الباب
كنت عاوز اعرف افكها ازاى
ولو الاوكرة نفسها باظت اجيبها منين وبكام ويكون لونها احمر
ارجو سرعة الرد لأن الموضوع مش محتاج بتاع ببان بس انا عمرى مشوفت او اتعاملت فى فك فرش البيبان بتاعة العربية دى ومش عارف اعمل ايه

[SAMEH_FOUAD]

هتفك فرش الابواب من جوة , عن طريق الاتى :

فك مسمار الاوكرة الداخلية + ولما تفكها هتحركها كلها ناحية الشمال لحد ماتلاقيها طلعت لبرة شوية لوحدها عشان بتكون ماسكة عن طريق اربع مشابك وبعد كدة هتجيب مفك صغيرة وهتفكها من الحديدة اللى ماسكة فيها - فك مسمار مقبض اليد الذى يتم منة قفل الباب - فك المسمار+ الكلبس , ومكانة فى اخر الباب ناحية المرايا + هتشيل غطاء فيشة المرايا الكهرباء + هتفك الباب من الكلبسات بتاعتة هو فية 6 كلبسات متوزعين على الباب كلة كل اللى هتعملة انك هتمسك الباب من الاطراف من الجزء السفلى وتشد لبرة وكمل بقى بقيت الاجزاء , وبعد كدة , خرج المسوجر من الباب وطلع على فوق , وماتنساش تشيل فيش كنترول التحكم فى الزجاج

بعد كدة هتلاقى مقبض الباب الخارجى قدامك هتفك المسمارين بتوعها وتشوف الدنيا فيها اية وقبل ماتفك شوف كدة الاول هتلاقى السلك بتاعها واصل ولا لأ

وسعرها استيراد 150 -200 جنية

واى حاجة كلمنى ياعمرو على التليفون