افضل فرع صيانه في التوكيل ؟؟

[gogo510]

انا احترت ياجماعه مع السيفيك 2008 .. كنت لسه شاريها وفيها شويت رافيع كتير مضيقاني اكبرها سحب البنزين (وصل دلوقتي 140كم/20لتر) .. ومنت بفكر ارو التوكيل يشدهالي صح علي اساس انهم اكتر ناس فاهمين وبعد كده اظبط اي حاجه عند الميكانيكي ... ومش عارف ده صح ولا التوكيل هيشتغلني ؟؟؟ لو اروح التوكيل .. ايه احسن فرع ليهم ؟؟؟

شكرأ

[SAMEH_FOUAD]

فرع التجمع الخامس , كويس جدااااااا

بس انت عندك اية تانى فيها , عشان استهلاك البنزين لية اسباب كتير

فياريت تقول حالة العربية بالتفصيل واخر صيانة اتعملت , يمكن نوفر عليك تمن التوكيل

[gogo510]

هي حاجات رفايع :

1- البنزين كان الاستهلاك في الاول 100كم/20لتر .. بس بعد تغيير الزيت وفلتر زيت وهوا اتحسن ل140كم/20لتر والعربيه عامله 75 الف كيلو

2- في صوت زنه ناحيه العجله الاماميه يمين بيظهر لما امشي علي طريق مكسر شويه

3- الريموت بتاعها مش عايز يشتغل ومغيرله بطاريه !! وجربت طرق البرمجه اللي علي اليوتيوب وكان بيشتغل تمام ساعه البرمجه ... بس لما افصل الكونتاكت واطلع بره العربيه برده الريموت مابيشتغلش !!!!

4-اركب شويه اوبشن زي الانذار او اوديو كنترول من الطاره بس دي اخر حاجه .. اهم حاجه عندي اداء العربيه يكون تمام

والمشكله ان دي اول عربيه ليا وماليش خبره ف موضوع الميكانيكيه وخايف اروحلهم يفتحوا شغل مالوش لازمه

ومتشكر جدا يا ا/سامح علي المتابعه

[SAMEH_FOUAD]

1- لازم العربية تتحط على الكمبيوتر عشان تشوف هل كل الحساسات تعمل بكفاءة ولا لأ , وكمان يفضل تنظف البوابة عشان هتفرق معاك جامد

2- ياريت تراجع على البطاحة عشان موضوع الزنة دة لو هو قريب من صوت ( تزييق )

3- ياريت اعرف يعنى اية الريموت مش بيشتغل يعنى هل لما بتدوس علية ولا كأنة شغال ولا اية بالظبط ؟؟

4- الحاجات دية بسيطة مافيش منها مشاكل

[gogo510]

1 انا لما اشتريت العربيه كنت كشفت عليها كمبيوتر ومكانش في اعطال .. مش عارف دا اللي قصدك عليه ولا لا
2 هحاول اشوف عفشجي يشوف موضوع البطاحه دي
3 بالظبط بدوس عليه ولا في اي استجابه من العربيه .. مع اني لما بعمله برمجه زي ماموجود في فيديوهات اليوتيوب بتستجيب معايا !!

[gogo510]

ياريت لو في لينك لطريقه تنضيف البوابه بالصور