شراء سيارة سيفيك 2008 واكتشاف مشاكل بها

[DarkTemplar1]

اشتريت عربيه هوندا سيفيك 2008 علي انها فبريكه عداد 76 الف ك المهم علي 113 االف ج و كان صحبها مستشار و معرفه كمان و كشفت عليها معرفش ازاي طلع ااكشف جبد و بعدين بالصدفه بغير زيت المتور الراجل قالي في مشكله في الموتور دا و روح بيه التوكيل و فعلا روحت لاقبت الاتي عداد اخر زياره 125 الف ك و تغير شامل في الصاج من الخارج فقط معدا السقف و موتور في تخبيط ظهر فجأه و الكارثه انه طلع ناصب علبا و مش راضي يرجع العربيه و لاحتي عامل اعتبار للمعرفه الي بيني و بينوا
حاسس اني هيجارلي حاجه والله و كمان الموتور في تخبيط ولازم يتفك او يجي واحد استيراد و مش عارف اعمل ابه وبعد ما نصب عليا بعتلو رساله كتبت فيها اني فوضت امري لله واحده فيه راح واخد اجراء قانوني ضدي بنص الرساله مش مكفيه انه نصب عليا و الله هيجرالي حاجه ارجو من الاخوه العضاء محاوله او اقتراح في مشكلتي مش مصدق الي بيحصل في البلد من تدني الخلاق وصل للناس
الحمد الله الحمدالله علي الحصل وعسي أن تكرهوا شيئاً وهو خير لكم
حسبنا الله و نعم الوكيل



تم تعديل العنوان ليتناسب مع المحتوى
م ب 3

[muhmado_furp]

حضرتك كشفت عليها فين
لو معاك التقرير الاول والتقرير بتاع التوكيل الي طلعلك المشاكل دي
لو مكانك اعمله محضر والعيار الي مبيصبش بيدوش
بس انا والله مش عاوزك تزعل
انا واحد من الناس حصل فيا كده اكتر من مره
وياما اتوجهت مع الناس وفي الاخر بتسلم أمرك لله وبفكر أبيع العربية وبلاقي انها مش الحل
انت ظبط العربية واركبها وربنا يعوض عليك

[DarkTemplar1]

حضرتك كشفت عليها فين
لو معاك التقرير الاول والتقرير بتاع التوكيل الي طلعلك المشاكل دي
لو مكانك اعمله محضر والعيار الي مبيصبش بيدوش
بس انا والله مش عاوزك تزعل
انا واحد من الناس حصل فيا كده اكتر من مره
وياما اتوجهت مع الناس وفي الاخر بتسلم أمرك لله وبفكر أبيع العربية وبلاقي انها مش الحل
انت ظبط العربية واركبها وربنا يعوض عليك

للاسف واحد بالخلاق دي مش هتفرق معاه اي احاجه و لقيت نفسي خسر وقت و ضغطي يعلي و هقصر في شغلي و الله الواحد مش عارف يعمل ابه و لو عملت محضر هتقطع و انت عارف كده كويس
وسألت ناس كتير للاسف وثقت فيه دا مستشار با جماعه و ببحلف يمين دا دماعي هتولع هو باع و انا اشتربت لاسف و اامصيبه انا مليش تعامل مع ميكانيكيه و معرفش حد و خايف يتنصب عليا تاني و انا مش حمل كل دا

[م. حاتم السباعي]

الاخ الكريم الفاضل DarkTemplar1
اولا هون عليك اخي الكريم

و لكن
قبل ان اكتب لحضرتك اي شئ

ارجو ان تجاوبني

هل هذا الرجل هو المالك الاصلي للسيارة ام انه كان لسه مشتريها جديد ثم باعها لك ؟؟؟؟؟

[DarkTemplar1]

الاخ الكريم الفاضل darktemplar1
اولا هون عليك اخي الكريم

و لكن
قبل ان اكتب لحضرتك اي شئ

ارجو ان تجاوبني

هل هذا الرجل هو المالك الاصلي للسيارة ام انه كان لسه مشتريها جديد ثم باعها لك ؟؟؟؟؟

لأ قالي انها ملك ولدته بعد كده فهمت انه المالك الثاني و عرض عليا تخليص كل الأوراق علي سبيل الخدمه و بعد ما روحت التوكيل فهمت كل شئ انها ملك سيده و عمله له توكيل ببيع السياره من حوالي شهر تقريبا وبعدها عملي عقد مسجل علي أساس انه مستشار و الورق هيخلص بسرعه و معرفه و بيعملي خدمه
حسبي الله و نعم الوكيل فيه

[hilal]

لا حول ولا قوة إلا بالله العلي العظيم
نصحت زملائي في المنتدى من قبل
بعدم الشراء من قاضي ولا ضابط ولا محامي
لأنك مش هتعرف تاخد حقك
لو عندك أي أوراق تثبت أنك تعرضت للغش تقدم بشكوى فورا واترك الامر لله

[Adnfalcon]

بصراحه حضرتك غلطان ف حاجه
مش مهم هتشتري من مين مستشار قاضي عسكري ضابط صاحب كشك دكتور المهم انك تكشف ع العربيه حتي لو شكلها زيرو بس محدش بيتعلم ببلاش وربنا يعوض عليك
شوف تصلح الموتور او تشتري استيراد و استمتع بالعربيه كفايه انك مظلوم و اتحسبنت فيه تأكد ربنا هينتقم منه
متزعلش نفسك أكيد دا الخير طالما ربنا كاتبه

[DarkTemplar1]

لا حول ولا قوة إلا بالله العلي العظيم
نصحت زملائي في المنتدى من قبل
بعدم الشراء من قاضي ولا ضابط ولا محامي
لأنك مش هتعرف تاخد حقك
لو عندك أي أوراق تثبت أنك تعرضت للغش تقدم بشكوى فورا واترك الامر لله

الامر لله وحده انا استعوضت ربنا في فلوس العربيه و الحمد الله الواحد يعمل ادهم عشره مرات انا زعلان علي حال الناس لما ظابط ولا قاضي ينصب طيب مين يجيب حقوق الناس دي مصيبه اكبر كتير من عربيه ولا حتي فلوس و كفايا عندي حسبنا الله ونعم الوكيل دي عندي كفايه اوي محدش يعرف الخير فين جايز الواحد كان عمل حدثه ولا حاجه الحمد الله علي كل شئ

[DarkTemplar1]

بصراحه حضرتك غلطان ف حاجه
مش مهم هتشتري من مين مستشار قاضي عسكري ضابط صاحب كشك دكتور المهم انك تكشف ع العربيه حتي لو شكلها زيرو بس محدش بيتعلم ببلاش وربنا يعوض عليك
شوف تصلح الموتور او تشتري استيراد و استمتع بالعربيه كفايه انك مظلوم و اتحسبنت فيه تأكد ربنا هينتقم منه
متزعلش نفسك أكيد دا الخير طالما ربنا كاتبه

المصيبة الأكبر كمان انه معرفه من صديق وقالب انه إنسان محترم و كمان سواق كان عند والدي قالي انهم محترمين جداً جداً علي أساس انه كان شغال معه جيرانه بس انت عند حق غلطتي

[hilal]

بصراحه حضرتك غلطان ف حاجه
مش مهم هتشتري من مين مستشار قاضي عسكري ضابط صاحب كشك دكتور المهم انك تكشف ع العربيه حتي لو شكلها زيرو بس محدش بيتعلم ببلاش وربنا يعوض عليك
شوف تصلح الموتور او تشتري استيراد و استمتع بالعربيه كفايه انك مظلوم و اتحسبنت فيه تأكد ربنا هينتقم منه
متزعلش نفسك أكيد دا الخير طالما ربنا كاتبه

المشكلة تحدث دائما عندما يتم الكشف في مكان يختاره البائع
لأنه غالبا يحدث تواطؤ بين البائع والقائمين بالكشف
وهنا لابد للمشتري أن يكشف في التوكيل أو في مكان يحدده المشتري وليس البائع

[Adnfalcon]

المصيبة الأكبر كمان انه معرفه من صديق وقالب انه إنسان محترم و كمان سواق كان عند والدي قالي انهم محترمين جداً جداً علي أساس انه كان شغال معه جيرانه بس انت عند حق غلطتي

معلش خلاص متزعلش ياعم عشان خاطر الناس الحلوه اللي هنا
والنصاب دا منه لله
مشي انت بالعربيه دي وربنا يرزقك ب حته بي ام او مرسيدس كده بس بلاش تزعل نفسك دا اختبار من ربنا

[Adnfalcon]

المشكلة تحدث دائما عندما يتم الكشف في مكان يختاره البائع
لأنه غالبا يحدث تواطؤ بين البائع والقائمين بالكشف
وهنا لابد للمشتري أن يكشف في التوكيل أو في مكان يحدده المشتري وليس البائع

هو غالبا بس مش دايما لأن لسه الخير و الضمير موجود وإن قل و ندر
كلامك بيحصل فعلا

[DarkTemplar1]

حد عنده فكره تكلفه إصلاح الموتور كام و مين افضل واحد يشتغل فيه ولا افضل أجيب استيراد وياريت حد عنده ضمير لأني قليل لما اتعامل مع ميكانيكية

[م. حاتم السباعي]

لأ قالي انها ملك ولدته بعد كده فهمت انه المالك الثاني و عرض عليا تخليص كل الأوراق علي سبيل الخدمه و بعد ما روحت التوكيل فهمت كل شئ انها ملك سيده و عمله له توكيل ببيع السياره من حوالي شهر تقريبا وبعدها عملي عقد مسجل علي أساس انه مستشار و الورق هيخلص بسرعه و معرفه و بيعملي خدمه
حسبي الله و نعم الوكيل فيه

تمام

انا كنت خايف ابهته او اغتابه لانه لو كان لسه شاريها كان ممكن يكون لا علم له بما فيها و انت عاينتها و اخذتها منه علي حالتها اللي كان ممكن يكون ميعرفش عنها حاجة

بس ها هو بداية التزوير واضحة انه اولا اقنعك انها ملك والدته و طلعت سيدة اخري

اخي الكريم الفاضل

امامك في رأيي اختياريين لا ثالث لهما

اولهما تنسي الموضوع تماما و تظل تحتسب لله و تقيم الليل و تتحسبن عليه بما فعله بك و تصلح السيارة وعوضك علي الله و ان شاء الله و اقسم لك بالله ربنا هيعوضك يقينا

ثانيهما ان حضرتك لا تتهدد بمنصبه و تروح تعمل محضر بما حدث معك و ترسل شكوي للمجلس الاعلي للقضاء و تفضحه في محيط عائلته و جيرانه و تضع السيارة امامه في الطالعة و الداخلة و تكمل المشوار لاخره حتي لو هيضرك و هيعمل فيك العجب بس انت بتكون واثق انه لن يفعل اي شئ الا بشئ قد كتبه الله عليك يقينا

و اخيرا احسبها صح و كل واحد بيبقي ادري بنفسه وبيقدر يحدد امكانياته و اخيرا الله سبحانه وتعالي مطلع و هو القادر القوي الجبار لا يغرك مستشار و لا رئيس محكمة

تحياتي اليك

[AAAH]

ربنا يعوض عليك وفداك الف عربية
والحمد لله انها جت على قد كده
اترك امره الى الله وظبط عربيتك واستمتع بيها
الموتور يتغير والصاج مفيهوش مشاكل طالما الدواخل سليمه
وتأكد ان عقاب الله له واقع لا محاله