أرجوكم المساعدة. عايز ماستر فرامل سيتي 2006

[ahmedmedhat86]

عربية مراتي سيتي 2006 أوتوماتيك الفرامل بتاعتها مبقتش بتعمل أى حاجة كإنها مش موجودة، وديتها لميكانيكي قاللي دي محتاجة ماستر فرامل، و دايخ عليه بقالي أسبوعين. التوكيل بيقولولي مش عندهم فلازم أسيبلهم العربية 3 أسابيع و أدفع 1000 جنيه تحت الحساب و ده وقف حال كبير قوي. أنا ساكن في الشيخ زايد بس أى حتة في القاهرة مش مشكلة.
ألف شكر مقدما

[SAMEH_FOUAD]

زيت الباكم عندك بينقص ؟؟

عشان اعراض ماستر الفرامل : نقص فى خزنة زيت الباكم + الدواسة بتنزل للاخر مع الفرامل + لو الحالة لسة ماوصلتش لاخرها , بتلاقى البدال مرة كويس نسبيا ومرة ضعيف

فياريت تشرحلى الموقف عشان ماتشتريش حاجة على الفاضى

وعموما هو موجود استيراد عند مجدى الدسوقى ب 500 جنية بحالة ممتازة

[ahmedmedhat86]

صح حضرتك في اﻷول لما ملقتش الماستر ده فا الميكانيكي نضفلي الموجود و ملى زيت الباكم تاني و اشتغلت كويس كام يوم بعد كده ابتدت تبوظ تاني مرة كويس و مرة ﻷ لحد ما بقت تقريبا من غير فرامل.

[mezo_88]

شوف مجدى الدسوقى فى الحرفيين دايما بلاقى عندوا كل حاجتها

[Bukhari]

لو عايز جديد هتلاقي عند حفني اللي في السواح، أنا سالت عليه هناك من فترة، كان موجود بس مش فاكر السعر بصراحة، تقريبا كان في حدود الألف ونص او اكتر حاجة بسيطة...

ممكن تلاقيه استيراد عند مجدي الدسوقي او مسعد وعدلي اللي في الحرفيين...

أنا لسة عامل شغل كتير في السيتي بتاعتي وساكن في زايد برضه، المشكلة ان مفيش حاجة خالص في أكتوبر، والناس اللي في المهندسين صراحة مش إد كدة...

[carrier]

روح فورا للشيخ مكى ب الوكالة
او فرع ش السودان
وحتلاقيه جديد
عند حسن هوندا بالضاهر
او الخفنى عمارات الشركة السعودية السواح
او حنفى ش مجلس الامة
او النمر ش مجلس الامة
او سند ش مجلس الامة

واكيد هتلاقيه استيراد عند محمد زبيدة ش مجلس الامة

[ahmedmedhat86]

ألف شكر يا جماعة أنا خلاص لقيته فعلا عند حفني اللي في السواح. ربنا يكرمكم.