انا جيبت جاز ... لا قصدي هوندا جاز

[sanhory]

كل سنة وانتم طيبيين بمناسبة الشهر الكريم

الحمد لله انا بعت السيفيك و خوضت تجربة جديدة انا شخصيا مبسوط منها اللي هي hrv و عملت موضوع عنها

و في نفس ذات القرار اخدت قرار تاني اني ابيع السيريون موديل 2000 و اجيب سيريون 2007 مثلا بس لقيت عشان اجيب حاجة كويسه مش اقل من 55 مثلا وانا موصلتش للرقم ده

المهم جت في دماغي الهوندا جاز و روحنا شوفنا واحدة 2002 دخلت دماغ المدام و خلصنا فيها

العربية بقى حلوة ماشاء الله عبقرية فيها حركات كتيير في الكراسي و الشنطة و واسعة و كل قطع غيارها هي هي السيتي ماعدا الفوانيس و الصاج و الاكسدامات ، حتى المرايات و التابلوه سيتي

قولت كدا بقى جاتلي في منطقتي بدل ما كنت غريب في السيريون و بتوع الدايهاتسو يشتغلوني

المواصفات

1300 سي سي
مانيوال . تكييف و باور و 2 زجاج امامي كهرباء و مرايات كهرباء 2 ايرباج . مفتاح مشفر . كمبيوتر لحساب استهلاك البنزين . تحكم في اضاءة التابلوه ، تحكم في ارتفاع النور الامامي ، مساحة زجاج خلفية ، نور اضافي خلفي للضباب ، كراسي قابلة للطي لتصبح مستوية مع ارضية الشنطة كما يمكن رفع المقاعد الخلفية لاعلى و تثبيتها في ظهر الكرسي مما يعطي مساحة لوقوف 5 اطفال مثلا في ارضية المنطقة الخلفية كما تسهل عملية تنضيف السيارة مع الوضعية دي ،من الاخر عشان تعرفو تستوعبوا الكراسي ورا عاملة زي كراسي السينيما كدا بس ليها رجل بشكل معين و مفصلة بتنزل تثبت في الارضية و لما بتتشال الرجل بتطبق مع الكرسي.

انا مليش في التقارير قوي بس بحاول اعمل اي حاجة تفيد

[ahmedabeed]

الف مبروك ياباشا وانا معاى سيتى 2007 وهى نفس الوبشن بس الماكنه عندى 1500 فعلا الجاز عربيه حلو قوى وعملية ربنا يرزقك خيرها ويحفظك من شرها بس قولنا بكام و شيكت عليها فين

[sanhory]

الف مبروك ياباشا وانا معاى سيتى 2007 وهى نفس الوبشن بس الماكنه عندى 1500 فعلا الجاز عربيه حلو قوى وعملية ربنا يرزقك خيرها ويحفظك من شرها بس قولنا بكام و شيكت عليها فين

الله يباركىفيك ياباشا .
اخدتها ب 49 الف ماشية 130 الف كم بس حالتها كويسه الحمد لله
بصراحة انا اللي شيكت عليها
الحمد لله بفهم في حالة الموتور و الصاج و العفشة بتبان في السواقة و الصالون باين حالته

[SAMEH_FOUAD]

الف مبروك ياسنهورى , وانا بفكر جديا فى العربية دية اجيبها لاخويا , وسعرها معقول جداااااااااااا وممتاز اوى واحسن من اى عربية فى نفس الفئة السعرية

وهو دة ياجماعة المثال للمواطن الهونداوى الاصيل ( هههههههههههههه ) مايخرجش من الهوندا ابدااااااااااااا

ربنا يباركلك فيها ويديدك خيرها ويكفيك شرها

[samoreception]

مش عارف بصراحة انا لو مكانك وكان معايا سيفك 2008 مستحيل اجيب بدلها جاز
وعموما الف مبروك ويمكن حضرتك تكون شايف فيها ميزة عن السيفك

[sanhory]

الف مبروك ياسنهورى , وانا بفكر جديا فى العربية دية اجيبها لاخويا , وسعرها معقول جداااااااااااا وممتاز اوى واحسن من اى عربية فى نفس الفئة السعرية

وهو دة ياجماعة المثال للمواطن الهونداوى الاصيل ( هههههههههههههه ) مايخرجش من الهوندا ابدااااااااااااا

ربنا يباركلك فيها ويديدك خيرها ويكفيك شرها

ربنا يبارك فيك ياباشا . توكل على الله العربية حلوة ماشاء الله

[hany63]

مش عارف بصراحة انا لو مكانك وكان معايا سيفك 2008 مستحيل اجيب بدلها جاز
وعموما الف مبروك ويمكن حضرتك تكون شايف فيها ميزة عن السيفك

بيقول لحضرتك انه شاريها للمدام يعني هتبقى استعمال خفيف

[hany63]

الف مبروك يا سنهوري
فعلا عين العقل اللي تعرفه احسن من اللي متعرفوش
ده انا لسه بفكر اجيب العربيه الجديده سيفيك برضه بعد الهبل بتاع الحجز بتاع المرسيدس ولا البي ام اللي بتزيد الف جنيه في الثانيه و الدي اس جي اللي قضي على الفئه اللي ما بين السيفيك و بينهم

[sanhory]

مش عارف بصراحة انا لو مكانك وكان معايا سيفك 2008 مستحيل اجيب بدلها جاز
وعموما الف مبروك ويمكن حضرتك تكون شايف فيها ميزة عن السيفك

لا يافندم انا جبت الجاز للمدام و اناجبت honda hrv

[kar!m]

ألف مبروك .. ربنا يبارك لك فيها
بس عنوان الموضوع جامد :-)

[Dr__Ahmed]

ربنا يباركلك فيها ... عربيه محترمه جدا مشاء الله عليها

[S O P H O S]

الف الف مبروووك يا باشا

[sanhory]

ربنا يباركلك فيها ... عربيه محترمه جدا مشاء الله عليها

الله يبارك فيك

[sanhory]

الف الف مبروووك يا باشا

تسلم ياباشا الله يبارك فيك

[sanhory]

ألف مبروك .. ربنا يبارك لك فيها
بس عنوان الموضوع جامد :-)

ربنا يبارك فيك ياباشا

الف مبروك يا سنهوري
فعلا عين العقل اللي تعرفه احسن من اللي متعرفوش
ده انا لسه بفكر اجيب العربيه الجديده سيفيك برضه بعد الهبل بتاع الحجز بتاع المرسيدس ولا البي ام اللي بتزيد الف جنيه في الثانيه و الدي اس جي اللي قضي على الفئه اللي ما بين السيفيك و بينهم

هاني باشا الله يبارك فيك . العشرة متهونش طبعا