Tweet
مساء الخير
امبارح خرجت مع واحد صاحبي و هوا بالصدفه معاه سيفيك برضه ٢٠٠٧ المهم طبعا عشان مطولش عليكم اشتكى ان العربيه عموما ادائها عادي و ان كان زمان معاه si كانت اقوى منها بدرجه ملحوظه طبعا اخوكم ما يتوصاش طلبت منه اسوقها و من اول طلعه لقيته لزق في الكرسي و مستغرب جدا ازاي عربيته بتجري كده و مش مصدق
ايه يا عم انت سحرت لها ولا ايه ؟ ما انا برضه بعمل كيك داون و كله بس التسارع مش كده خالص ايه الحكايه ؟
طبعا شرحت له و حابب نشترك برضه في المعلومه يمكن برضه تفيدوني و البحر يحب الزياده
و قبل ما اخش في الموضوع مين فيكم لاحظ مثلا ساعات نشوف الاوكتافيا و الباسات القديمه طايره على الطريق بعكس الانطباع السائد انهم سحبهم في الضياع ؟
ما علينا نرجع للسيفيك
اول ما اشتريت العربيه زمان حسيت ان سحبها مش اللي كنت متوقعه و كالعاده لما بحثت لقيت ان دواسة البنزين شغاله بنظام Drive By Wire بمعنى انها على سنسور بينقل باستمرار اسلوب و درجة ضغطك على دواسة البنزين لوحدة كمبيوتر العربيه اللي بيترجم الاشاره دي لقوة التسارع
المهم لقيت ان شركة هوندا بتفتخر بالاختراع ده من ناحيه و مستخدمي العربيه حتى على المنتديات الاجنبيه عمالين يلعنوا سنسفيل ام ده نظام و ان العربيه الاداء مش مرضي تحت سرعة ال ٨٠ كم في الساعه
اما بالنسبه ليا فبرضه لقيت اني حتى لما بسقط نقله التسارع برضه يعتبر عادي و ساعات قليله القاه رهيب و يرجع تاني عادي و انا مش فاهم ايه اللي حصل ساعتها عشان العربيه تتحول و طبعا مش حل عملي اني احط الدواسه في الارض عشان العربيه تتحول ده كده ممكن تجيب مكنه و فتيس في اسبوعين
و بعد بحث على النت لقيت فيه جهاز بيركب على دواسة البنزين و ليه شاشه بتقدر تبرمج بيها حساسية دوستك على البنزين بمعنى ممكن تدوس جامد يقوم مطلع اشاره ضعيفه لو مبرمج على الاقتصادي او لو لمست الدواسه يادوب تلقى الار بي ام فط على ٦٠٠٠ ده لو مبرمج الاداء الرياضي يعني عمل تكبير للاشاره اللي خارجه من السنسور
اول ما فهمت الموضوع قلت بس شكرا مش عايز جهاز ولا بتاع الفكره كلها انك لو عايز الاداء الرياضي مش كفايه انك تعمل كيك داون و خلاص لاء ده انت لازم تعمل الدوسه بطريقه سريعه و مفاجئه كاءنك لو مواخذه هتموت حشره بتعدي من تحت رجلك و مش لازم تكبس للاخر الفكره انك ممكن توصل لاي مسافه في الدواسه حتى لو بسيطه بس توصل في فيمتو ثانيه و اتحدى ساعتها اي عربيه تسد معاها لدرجة اني بحس ان الفيتك بيشتغل على ار بي ام قليل بالطريقه دي
و طبعا الموضوع ده عايز تعود شويه عشان تعود رجلك هتقف في انهي مرحله من الدواسه على حسب عايز تسارع عادي ولا اقصى حاجه
معلش قد يبدو الموضوع بسيط بس احب اؤكد ان اللي ميعرفش النقطه دي هيحس انه راكب عربية بموتور تاني خالص
اعتقد ان الاسلوب ده برضه ينفع مع اي عربيه دواسة البنزين على سينسور انما طبعا غير كده مش هيفرق و انا جربت كده على الكورولا ال ٢٠٠٦ ولا فارق معاها
امبارح خرجت مع واحد صاحبي و هوا بالصدفه معاه سيفيك برضه ٢٠٠٧ المهم طبعا عشان مطولش عليكم اشتكى ان العربيه عموما ادائها عادي و ان كان زمان معاه si كانت اقوى منها بدرجه ملحوظه طبعا اخوكم ما يتوصاش طلبت منه اسوقها و من اول طلعه لقيته لزق في الكرسي و مستغرب جدا ازاي عربيته بتجري كده و مش مصدق
ايه يا عم انت سحرت لها ولا ايه ؟ ما انا برضه بعمل كيك داون و كله بس التسارع مش كده خالص ايه الحكايه ؟
طبعا شرحت له و حابب نشترك برضه في المعلومه يمكن برضه تفيدوني و البحر يحب الزياده
و قبل ما اخش في الموضوع مين فيكم لاحظ مثلا ساعات نشوف الاوكتافيا و الباسات القديمه طايره على الطريق بعكس الانطباع السائد انهم سحبهم في الضياع ؟
ما علينا نرجع للسيفيك
اول ما اشتريت العربيه زمان حسيت ان سحبها مش اللي كنت متوقعه و كالعاده لما بحثت لقيت ان دواسة البنزين شغاله بنظام Drive By Wire بمعنى انها على سنسور بينقل باستمرار اسلوب و درجة ضغطك على دواسة البنزين لوحدة كمبيوتر العربيه اللي بيترجم الاشاره دي لقوة التسارع
المهم لقيت ان شركة هوندا بتفتخر بالاختراع ده من ناحيه و مستخدمي العربيه حتى على المنتديات الاجنبيه عمالين يلعنوا سنسفيل ام ده نظام و ان العربيه الاداء مش مرضي تحت سرعة ال ٨٠ كم في الساعه
اما بالنسبه ليا فبرضه لقيت اني حتى لما بسقط نقله التسارع برضه يعتبر عادي و ساعات قليله القاه رهيب و يرجع تاني عادي و انا مش فاهم ايه اللي حصل ساعتها عشان العربيه تتحول و طبعا مش حل عملي اني احط الدواسه في الارض عشان العربيه تتحول ده كده ممكن تجيب مكنه و فتيس في اسبوعين
و بعد بحث على النت لقيت فيه جهاز بيركب على دواسة البنزين و ليه شاشه بتقدر تبرمج بيها حساسية دوستك على البنزين بمعنى ممكن تدوس جامد يقوم مطلع اشاره ضعيفه لو مبرمج على الاقتصادي او لو لمست الدواسه يادوب تلقى الار بي ام فط على ٦٠٠٠ ده لو مبرمج الاداء الرياضي يعني عمل تكبير للاشاره اللي خارجه من السنسور
اول ما فهمت الموضوع قلت بس شكرا مش عايز جهاز ولا بتاع الفكره كلها انك لو عايز الاداء الرياضي مش كفايه انك تعمل كيك داون و خلاص لاء ده انت لازم تعمل الدوسه بطريقه سريعه و مفاجئه كاءنك لو مواخذه هتموت حشره بتعدي من تحت رجلك و مش لازم تكبس للاخر الفكره انك ممكن توصل لاي مسافه في الدواسه حتى لو بسيطه بس توصل في فيمتو ثانيه و اتحدى ساعتها اي عربيه تسد معاها لدرجة اني بحس ان الفيتك بيشتغل على ار بي ام قليل بالطريقه دي
و طبعا الموضوع ده عايز تعود شويه عشان تعود رجلك هتقف في انهي مرحله من الدواسه على حسب عايز تسارع عادي ولا اقصى حاجه
معلش قد يبدو الموضوع بسيط بس احب اؤكد ان اللي ميعرفش النقطه دي هيحس انه راكب عربية بموتور تاني خالص
اعتقد ان الاسلوب ده برضه ينفع مع اي عربيه دواسة البنزين على سينسور انما طبعا غير كده مش هيفرق و انا جربت كده على الكورولا ال ٢٠٠٦ ولا فارق معاها
Comment