ما هو افضل حل لضوء فوانيس السيفيك 2007

[madooomad]

السلام عليكم ورحمة الله وبركاتة

انا لسة ان شاء الله مالك جديد لهوندا سيفيك 2007 وكان عندي استفسار لحضارتكم.... بالنسبة للفوانيس وانواع الزينون واللمبات العربية تقريبا انا شاريها فانوسها الاصلي فيه لامبة هالوجين نورها ابيض بس مش عاجبني اوي حاسس انه ضعيف وتوزيعة مش جيد... توزيعه في وش العربيات المقابلة مش علي الارض.... دلوقتي انا عاوز اعمل حاجة تحسن موضوع نور الكشافات وعندي اكتر من اختيار بس مش عارف ايه الصح يا تري اجيب فانوس جديد متعدل موجود به عدسات ورينجات زينون بس للاسف اسمع ان غالبا الفوانيس دي بتبقي جودة البلاستيك بتاع الفانوس تعبانة وبتصفر علي طول زائد ان ممكن خامات الزينون تكون صيني وتعبانة في الفوانيس الجاهزة... تاني حل اني اجيب مكونات الزينون مفردة و انا راجع من السعودية محول اصلي زي الهيلا او الدينسو الفضي وعدسة fxr خطين عالي وواطي و الرينج بتاعتها ولمبة فيليبس محترمة... بس المشكلة هنا كدة هاتضر لتعديل الفانوس الاصلي وفكه وفكرالباغة وممكن ماترجعش زي الاول وياتري لو قررت اعمل كدة اقدر اركب الكلام ده في التوكيل ولا عند حد برة وترشحولي مين.....الحل الثالث اني اجيب لامبه هالوجين محترمة من السعودية وافكني من قصة الزينون وفي الحالة دي ترشحولي ايه افضل نوع اجيبه وانا جاي..... شكرا جدا واسف علي الاطالة

[Ayman_Amer]

افضل لمبة هالوجين اوسرام نايت بريكر انليميتد
وموجودة في مصر
osram night breaker unlimited

[hany63]

احسن حل تجيب الفوانيس الاصلي بتاعة ال Vti من الحرفيين عشان تاخد الاضاءه المظبوطه

هوا الزينون بيكون واطي فقط و انا عن نفسي مغير النور الصغير بليدات بيضا عشان تليق مع اضاءة الزينون و بالنسبه للعالي فكده كده محدش بيمشي عليه
و ممكن طبعا تدخل الفوانيس القديمه بتاعتك في الموضوع بحيث انك تدفع الفرق بس

[madooomad]

هاني باشا يعني فانوس ال vti جاهز و فيه زينون ولا قصدك انه اضائته جيدة ومش محتاج اني اجيب له زينون او لمبات هالوجين ولا هوة مجهز اني احط فيه الزينون من غير ما اقطع او اعدل فيه وشكرا علي الرد

[sanhory]

طب ما تجرب الاول تظبط ريجلاش الفوانيس اللي عندك و تنزلها عالارض طالما بتقول انها في وش اللي جاي قدامك . الرجلاش بيكون من موتور ظبط النور

[madooomad]

طب ما تجرب الاول تظبط ريجلاش الفوانيس اللي عندك و تنزلها عالارض طالما بتقول انها في وش اللي جاي قدامك . الرجلاش بيكون من موتور ظبط النور

شكرا يا سنهوري باشا علي الرد انا هاجرب اشوف موضوع الرجلاش دة واشوف ايه الوضع بس سؤال مين كهربائي كويس بيشتغل في السيفيك دي في الجيزة والهرم

[hany63]

هاني باشا يعني فانوس ال vti جاهز و فيه زينون ولا قصدك انه اضائته جيدة ومش محتاج اني اجيب له زينون او لمبات هالوجين ولا هوة مجهز اني احط فيه الزينون من غير ما اقطع او اعدل فيه وشكرا علي الرد

الفانوس بييجي جاهز بالزينون بتاعه الاصلي هتلقاه عند مجدي الدسوقي في الحرفيين ممكن تاخد نمرته من حد من الشباب و تكلمه و تعرف سعره هوا هيعمل بالزينون من 1500-2000 جنيه للفانوس الواحد اعتقد لما تسيب القديم التكلفه هتنزل للنص