ما اعراض تلف طرمبةالبنزين؟

[tikatalaat]

ما هىاعراض تلف طرمبة البنزين للاهمية؟

[2CODE]

أهم اعراضها ان بعد مشوار طويل والعربية سخنة تطفي العربية وتيجي تشغلها تاني متشتغلش معاك

يعني والعربية سخنة مش هترضى تشتغل

ده اهم حاجة بتحصل منها

[NightmarE84]

متابع باهتمام

[tikatalaat]

طيب الصبح بدور تمام ولكن الضهر كدة بعد الشغل بدور تمام بس لو فى نصف المشوار افلت السيارة لشراء حاجة وارجع ادور تدور بالعافية وبعد محاولات كثيرة . فهل هذة الطلمبة. وفى هذة الحالة بجيب طلمبة كاملةولا موتور يس وهل جديدو ولا استيراد وما سعر الاثنين. وشكرا

[scientist9508]

طلمبة البنزين تسبب توقف مفاجىء للسياره و كأنه الموت المفاجىء للإنسان

[tikatalaat]

سامح باشا ارجو الافادة فى هذه المشكلة للاهمية. وشكرا

[tikatalaat]

هل يمكن ان يكون كتاوت الطرمبة. واين مكانة فالعربية؟

[SAMEH_FOUAD]

اعراض تلف طلمبة البنزين :

1- تأخير فى الدوارة

2- ضعف فى السحب وخصوصا فى السرعات فوق ال 120

3- مع الضغط المفاجىء على دواسة البنزين , هتلاقى عدد لفات المحرك مش بتستجاب وفية صوت فى المحرك زى صوت شحرة

4- صوت عالى يصدر من الطلمبة وذلك نتيجة تأكل فى الترس بتاعها ( مش فى كل الحالات هتلاقى الصوت دة بس الزنة بتاعتها بتقل جداااااا ويكاد صوتها لا يكون مسموع

5- اخيرا بقى انك تبقى ماشى فى امان الله وفجأءة تلاقى العربية بتهدى واحدة واحدة وبعد كدة تبطل مادورش الا لما تبرد خالص او تخبط عليها ودة يبقى حظك حلو لو دارت معاك على الوضع دة

دية اعراض تلف طلمبة البنزين

اللى عندك دة اية بقى , حاجة اسمها cut-out طلمبة البنزين ودية مكانها تحت التابلوة من ناحية الشمال هتلاقيها متركبة على جسم العربية من الجنب , بتشيلها وبتركب الجديدة

[SAMEH_FOUAD]

سعرها 180 جنية يابانى مش اصلى

و150 جنية استيراد

[tikatalaat]

اشكرك يا سامح باشا بس السعر دة سعر الطرمبة ولا اية وما سعر الكتاوت؟ وهل يوجد طريقة للتاكد من الكتاوت؟

[SAMEH_FOUAD]

سعر الطلمبة ب 200 استيراد , وب 375 جنية جديدة ماركة denso

ولو من الكتاوت بتاع الطلمبة , لو العربية مادارتش فكها وركباها تانى وشوف هتدور ولا لأ

وخلى بالك انت ممكن يكون العيب اللى عندك , دة عيب بوجيهات , فانت فك البوجيهات وشوف عليها بنزين ولا لأ

[tikatalaat]

البوجيهات لسة جديدة. انت اصدق افك الكتاوت واركبة تانى لو دارت يبقى عيب كتاوت. واين مكانة وكيفية فكة.

[SAMEH_FOUAD]

دة مكان الكتاوت , وهية فيشة ومسمار بيتفك من فوق وشكرا

[tikatalaat]

دة معناة انا افك الفيشة واركبها تانى ودة الكتاوت main relay ولا دة بتاع fuel relay cutoff. وشكرا

[romyophoto]

بارك الله فيك ا/سامح