عايز اشد السيفيك موديل 90 و محتاج مساعدة

[MarwanShaker]

السلام عليكم ازيكم يا رجالة
انا عندي هوندا سيفيك موديل 90 1500cc وكنت بفكر اشد العربية كلها اجبلها مكنة و عفشة سبور و جنط BBS 17 فكنت عايز اعرف ايه المكن اللي ينفع للحوض و العفشة بردو و اسعار الحجات دي كام و في الحرفيين احسن ولا بورسعيد؟ شكرا :D



تم تعديل العنوان
م ب 3

[OmarAdel98]

المكنة اكيد هتبقى v-tec
تجيب الحاجة من بورسعيد و تعملها في الحرفيين

[MarwanShaker]

منا عارف والله انها هتبقي Vtec انا اللي عايز اعرفه المكنة ايه اللي تركب عندي وياريت لو حد فاهم المكنة ال "B16A 2nd GENERATION" تركب في الموديل بتاعي ولا لا؟؟

[Ahmed sll]

ايوه يا باشا طبعا بتركب بس المكنه دي جرايه وانت بتقول تركب جنط 17 ...
نصيحه صعب التنسيق في الموضوع ده . وده لانه شوارع المحروسه وطرقها مش هتساعدك علي كده
وعلي كل بالتوفيق

[waleed alsudy]

شد في بورسعيد احسلك هما اصلا ملوك السيفك انا كل حاجه بعملها هناك حتى لو حاجه صغسره بجيبها من هناك وهتروح هناك لف بس لفه واحده في الشارع هتشوف شويت هوندات هتخليك تتجن شوف وبعدين تقرر

[MarwanShaker]

ايوه يا باشا طبعا بتركب بس المكنه دي جرايه وانت بتقول تركب جنط 17 ...
نصيحه صعب التنسيق في الموضوع ده . وده لانه شوارع المحروسه وطرقها مش هتساعدك علي كده
وعلي كل بالتوفيق

انا مركب 15 و حاسه صغير بس لو كده اطلع لل16 وبلاش من 17 شكرا علي النصيحة

[MarwanShaker]

شد في بورسعيد احسلك هما اصلا ملوك السيفك انا كل حاجه بعملها هناك حتى لو حاجه صغسره بجيبها من هناك وهتروح هناك لف بس لفه واحده في الشارع هتشوف شويت هوندات هتخليك تتجن شوف وبعدين تقرر

طب ممكن تخشلها في كام هناك المكنة اللي بحكي عليها دي؟

[M_Nabil]

عادى يركب عليها ماتور كامه واحدة او كامتين حسب انت عاوز ايه والميزانية

كامه واحدة VTEC سعره مابين 5000 الى 6000 جم 1.6
كامتين SiR اللى بتسئل عليها بتعمل من 10000 الى 12000 جم

المواتير بتيجي شامله الماتور بالفتيس بالكنترول والضفيرة وعفشه امامي، وممكن تحاول تدخل الكبالن مع الحسبه

[MarwanShaker]

عادى يركب عليها ماتور كامه واحدة او كامتين حسب انت عاوز ايه والميزانية

كامه واحدة VTEC سعره مابين 5000 الى 6000 جم 1.6
كامتين SiR اللى بتسئل عليها بتعمل من 10000 الى 12000 جم

المواتير بتيجي شامله الماتور بالفتيس بالكنترول والضفيرة وعفشه امامي، وممكن تحاول تدخل الكبالن مع الحسبه

لا اتا عايز حاجة كويسة بالمرة وتعلم علي الناس:D ان شاء الله ربنا يسهل و اجيب ال B16A الحيل التاني او التالت, شكرا علي المعلومة