سؤال ضرورى هوندا سيفيك الجديده

[a7m8n]

كل سنه وانتم طيبين الاول
عندى استفسار ياريت لو تفيدونى
انا اخوكم ايمن لسه شار هونداسيفيك هاى لاين من 3 اسابيع ورخصت الحمد لله وطبعا زى اى واحد شارى عربيه زيرو بيركبلها فرش وارضيه خصوصا ان العربيه للاسف مش فرش جلد مع انها هالى للاين والله وبرده الارضيه موكيت
مشكلتى يارجاله ان العربيه فيها ايرباج فى الكراسى الاماميه انا كده قلقان خايف اركب الفرش ده يأثر على الايرباج او يخليه ميفتحش مثلا قولت ياواد سيبها كده من غير فرش بس المشكله زى مابقولوكم فرشها مش جلد وكمان لونه فاتح. ايه رأيكم اعمل ايه انا كنت حروح لجينز كار وسألتهم على موضوع الايرياج ده قالولى عادى والايرباج حتفتح ومتقلقش بس برده مقلق من فتى الناس تنصحونى بأيه وهل فيه مشكله انى اسيها كده من غير فرش وخلاص

[Adnfalcon]

عادي ركبلها فرش
وبتوع الفرش فاهمين هيركبوه ازاي بالنسبه ل الايرباجز
لا تقلق وألف مبروك

[ENG.MaRk]

هتفتح عادي

[pioneerahmed]

على حسب الى بيركب

[a7m8n]

على حسب الى بيركب

طيب ايه يارجاله اكبر دماغى من موضوع الفرش ده وخليها زى ماهى وخلاص

[Adnfalcon]

طيب ايه يارجاله اكبر دماغى من موضوع الفرش ده وخليها زى ماهى وخلاص

ماينفعش . لأن الفرش فاتح و هيتبهدل حرام

[atef_5005]

والله الفرش بيبوظ شكل العربيه حتي لو اتعمل ايه
خليها من غير فرش احسن و تفرح بيها و بعد كام سنه ابقي ركب

[pioneerahmed]

يا عم انت هتحافظ على الفرش عشان الى يشتريها بعديك يلاقية جديد !!!!
متستمتع انت بية

[hany63]

حرام عليك تركب فرش انا معايا الفي تي اي من غير فرش بقالها ٤ سنين و لسه بحالنه و عمري ما حتى نضفته و عندي عربيه كورولا برضه بفرش الفابريقه بقالها ٩ سنين و مفيهوش الهوا
لو ركبت فرش جلد الكراسي هتبقى ناشفه و مش هتريح ضهرك و هتفتقد النعومه و الكلام ده عن تجربه في عربيتين سيفيك

[amgomaa]

ركب فرش فى حالة واحدة فقط لو بتشرب سجاير علشان هتلاقيه اتخرم مع الوقت غير كدة حرام يببوظ منظر العربية

[a7m8n]

حرام عليك تركب فرش انا معايا الفي تي اي من غير فرش بقالها ٤ سنين و لسه بحالنه و عمري ما حتى نضفته و عندي عربيه كورولا برضه بفرش الفابريقه بقالها ٩ سنين و مفيهوش الهوا
لو ركبت فرش جلد الكراسي هتبقى ناشفه و مش هتريح ضهرك و هتفتقد النعومه و الكلام ده عن تجربه في عربيتين سيفيك

والله كلام تمام بس مقلقش يعنى من البهدله ؟حاجه تقع على الفرش تسيب بقعه كده ولا كده؟

[hany63]

والله كلام تمام بس مقلقش يعنى من البهدله ؟حاجه تقع على الفرش تسيب بقعه كده ولا كده؟

لو مفيش اطفال بتطلع برجلها على الفرش ولا ليه تلاتين لزمه

[Ahmedology]

بلاش يا فندم.. لو على موضوع الإيرباجز فهو مش بياثر عشان جينز كار محترفين الصراحة.. بس بلاش لأسباب تانية.. أهمها إن قاعدتك في الكرسي حتبقى ناشفة وحتفتقد الإحتواء بتاع كراسي الهوندا.. ممكن تحس كلامي أهبل بس ده عن تجربة.. والراحة في الكرسي صدقني مش حتحس بقيمتها غير لما تفقدها.. فحرام..!

[atef_5005]

بلاش يا فندم.. لو على موضوع الإيرباجز فهو مش بياثر عشان جينز كار محترفين الصراحة.. بس بلاش لأسباب تانية.. أهمها إن قاعدتك في الكرسي حتبقى ناشفة وحتفتقد الإحتواء بتاع كراسي الهوندا.. ممكن تحس كلامي أهبل بس ده عن تجربة.. والراحة في الكرسي صدقني مش حتحس بقيمتها غير لما تفقدها.. فحرام..!

فعلا إحتواء الكرسي مهم جدا

[a7m8n]

فعلا إحتواء الكرسي مهم جدا

طيب ماشى يارجاله انا ميال برده انى اسيبها كده بس هو فيه ادوات تنضيف للفرش؟؟؟ممكن يعنى تشيل بقع وكده ؟ انا الحمد لله مش بشرب سجاير بس خايف الفرش يجرب يتهدل مع الزمن للانه لونه بيج