تكلفة تحويل الفتيس من اوتوماتيك الى مانيوال

[msfmagdy]

استفسار ضرورى حد يعرف تكلفة تحويل الفتيس من اوتوماتيك الى مانيوال كام واية الحاجات الى هحتاج اغيرها ولو حد عندة فتيس مانيوال عايز يبيعو انا ممكن اشترية منو :)



تم تعديل العنوان ليتناسب مع المحتوى
م ب 3

[SAMEH_FOUAD]

1- فتيس مانيوال ممكن تدخلة فى الفتيس الاتوماتيك بتاعك وتاخد فرق بسيط لا يتعدى ال 300 جنية وطبعا تاخدة بالقواعد بتاعتة بالماستر بتاعو + ال fly wheel ,وهتبدل معاة بنفس الحاجات لو مالقيتش

يبقى هتضطر تشترى الحاجات دية لوحدها ومجموعها هتتكلف 2000 جنية باقصى تقدير على جسب نوع الماتور بتاعك ( فتيس + fly wheel + قاعدة الفتيس + ماستر الدبرياج السفلى)

2- كونسولة مانيوال + العصاية كاملة هتعمل 400 جنية

3- ماستر دبرياج علوى + المواسير = 300 جنية

4- بوكس بدالات مانيوال بيتكلف 200 جنية

5- هتقفل ماسورتين المياة اللى طالعين من الردياتير للفتيس

6- هتروح لكهربائى يقفل فيشة ال solonied الخاصة بالفتيس الاتوماتيك عشان ماتنورش لمبة الاعطال

[msfmagdy]

انا الفتيس عندى بايظ بيفوت نقلة فكنت زهقان منو وعايز اغيرو وكنت عايز لو هجيب فتيس اوتوماتيك هيتكلف كام ولو هجيب مكنة هتتكلف انا العربية الى عندى هوندا سيفيك 1991 وكنت عايز اعرف الافضل اخليها اوتوماتيك واجيب فتيس تانى ولا اقلبها مانيوال

[Waleed maher]

خليها أوتو زي ماهيه و هات فتيس و لو ملقتهوش هات فتيس ال ٩٢ بيركب بس معاه الكبالن و خلي بالك من مقاس سن الكوبلن و الأوفر ساعتها مش هيشتغل هتعمله في مفتاح سخان الزجاج لان فتيس ال ٩١ بيختلف في الحساس و اللي هيعملهولك حسني الكهربائي ده لو ملقتش الفتيس و هيكلفك أرخص كتير من التعديل لمانيوال انا كنت شاريه من سنتين في حدود ١٠٠٠

[msfmagdy]

طب كنت عايز اعرف سعر الموتور ال 1500cc كربراتير اوتوماتيك كام

[حسني منصور]

السلام عليكم
انا مع صاحب ليا سيفك 1997 كاملة مانوال حصلت له مشكلة حرارة بسبب جوان وش السلندر فغير الموتور كامل بالفتيس اتوماتيك فا اتوفر عنده الموتور جايب جوان وش سلندر وفي الغالب فيه مشكلة في الكرنك والغتيس مانوال كامل حتي بالبدلات والعصاية سليم اللي يحتاج حاجة منهم انا في الخدمة

[msfmagdy]

طب كنت عايز الفتيس المانيوال بحاجتة كلها كنت عايز اعرف السعر كام يا باشا

[حسني منصور]

سعر الفتيس لوحده ١٢٠٠