مساعده في شراء جهاز كشف اعطال لسيفيك 2008

[gogo510]

السلام عليكم

انا كنت ناوي اجيب جهاز كشف اعطال لسبفيك 2008 .. وناس نصحوني اجيب حاجه رخيصه شغاله بالبلوتوث .. وناس قالولي علي جهاز شبه الافو بتاع الكهربائي .. المشكله كمان مش عارف في فروق اصلا بين كل جهاز والتاني ولا كلهم زي بعض .. وايه احسن الانواع .. ياريت اي حد ليه خبره ف الموضوع ده يفيدني

شكرا

[pioneerahmed]

انت عايزو لية؟؟

[SAMEH_FOUAD]

شوف ياباشا الاجهزة انواع واوبشن

فطبيعى الاجهزة الصغيرة دية اللى انت بتفكر فيها , اخرها حاجتين تقرى الerror - تعمل reset لل ecu - وفية منها بيمسح العطل , ودة بيكون ارخص الانواع سعرة لا يتعدى ال 500 جنية

وفية طبعا الحاجات الغالية اللى بتبدأ من 6000 جنية ودية طبعا ليها اوبشن كتييييييييييير جدااا

فانت عموما افضل حاجة لية عشان التكلفة , هتجيب وصلة obd 2 بتشتغل بال bluetooth ويكون معاك جهاز اندرويد علية برنامج diagnostic خاص بالهوندا , ودة اوفر حاجة تقدر تجيبها وتمنها لاتتعدى 150 جنية

اما بقى لو عايز تجيب جهاز فدة اسعارهم كتير , واقل واحد هتلاقية بيبدأ من 500 جنية , وهتجيبلة بردة كابل obd 2

[gogo510]

متشكرين جدا يا استاذ سامح .. ودايما منورنا :)