للسادة البهوات ملاك سيفيك ٢٠٠٨

[melouk1]

بعد اذنكم اتمنى المساعده في الزجاج الأمامي لأنه اتشرخ شرخ كبير مش صغير
و رحت عند واحد بتاع زجاج قالي امشي عادي ميهمكش واجري كمان و قالي
بس هيدايقك في الترخيص ،،، انا استغربت انه مش عاوز يبيع و قالي نغير و كده
طيب ممكن اعرف التوكيل بكام ، او لو سامح بيه يتكرم يدلني على حد محترم
و شكراً لذوقكم و سعيد ان دي اول مشاركة ليه :)

[hany63]

بعد اذنكم اتمنى المساعده في الزجاج الأمامي لأنه اتشرخ شرخ كبير مش صغير
و رحت عند واحد بتاع زجاج قالي امشي عادي ميهمكش واجري كمان و قالي
بس هيدايقك في الترخيص ،،، انا استغربت انه مش عاوز يبيع و قالي نغير و كده
طيب ممكن اعرف التوكيل بكام ، او لو سامح بيه يتكرم يدلني على حد محترم
و شكراً لذوقكم و سعيد ان دي اول مشاركة ليه :)

الاصلي في التوكيل تمنه ٤٠٠٠ جنيه
ممكن تجيب جريش مش هيزيد عن ٥٠٠ جنيه

[melouk1]

هاني بيه متشكر اوي

حضرتك ممكن اعرف ايه الفروق بين التوكيل و جريش

و هستأذنك تقولي اروح فين لو جريش اعمله عنده .

[hany63]

الفرق طبعا كبير في الخامه و التحمل و العزل الحراري
لكن طبعا حرام تدفع ٤٥٠٠ جنيه و خصوصا ان الموديل قديم نسبيا
وعلى العموم جريش هيوفي الغرض
هوا المركز الرئيسي في العاشر من رمضان وليه فرع في شارع دمشق مصر الجديده وده لينك بجميع الفروع و تقدر تتصل الاول و تسئلهم
الفروع | شركة دكتور جريش للمنتجات الزجاجية
و ممكن قبل ما تروح تغير تخطف رجلك على الثلاثي اللي في الحرفيين تسئله لو عنده نوع مستورد ايطالي او صيني ممكن يوصل ١٢٠٠ جنيه يبقى في المعقول برضه

[SAMEH_FOUAD]

نصيحة منى ياباشا , مبلغ زجاج السيفيك مبالغ فية جدااااااااااا

فانت ليك حلين

1- استيراد : ومش هيزيد عن 1000 جنية ان شاء الله

2- دكتور جريش : زجاج ممتاز جداا بس عيبة هو فى الشمس بيعكس التابلوة فبيعيق الرؤية شوية بسيطة , لكن زجاج يتحمل ومواد وخامات محترمة , وسعرة زى ماقال الاستاذ هانى من 500-700 جنية

[melouk1]

ربنا يخليك يا هاني بيه متشكرين على المساعده الجميله دي ...

[melouk1]

سامح باشا ربنا يخليك يا فندم و اكيد هعمل بنصيحتك انا متابعك كتير هنا وسعيد برأيك و ان شاء الله هعمل كده
بس تنصحني اروح دكتور جريش فرع معين انت تعرفه عشان بس عاوز الشغل يكون نضيف عشان بحس ان الزجاج لما يتعمل بطريقة مش محترمه بيفرق في عزل العربيه لو اللي شغال مش فاهم اوي زي ما حصل في الكارينز التانيه اللي عندي بحس بصوت هوا بسيط مع السرعات من جانب الزجاج كده
واسف على الاطالة يا باشا ....

[SAMEH_FOUAD]

هو حضرتك هتنزل عند الثلاثى اللى فى الحرفيين اللى عند موقف السوبر جيت

بيكون عندة جريش - استيراد , وهو بيركبهم وزى الفل وتركيبة محترم

او بقى تنزل مصنع جريش فى العاشر من رمضان

ودة عنوانة : المنطقة الصناعية الثالثة أ ١ ‘ ، مدينة العاشر من رمضان، مصر.

ودية ارقام تليفوناتهم

002-015410003
4
5

[melouk1]

حبيبي يا سامح ربنا يخليك ,
ابوه الواحد يحس انه مش راكب هوندا على الفاضي كده و ليه ضهر كده لما يحتاج حاجه :)))