مشكلة في كهرباء الهوندا سيفيك 2007

[nael]

السلام عليكم.
سيارتي هوندا سيفيك ٢٠٠٧ ظهر ت عندي مشكلة و أنا ماشي بالعربية فجاءة الكهرباء بتفصل الثواني الكاسيت و العدادات و الباور و يير جع تاني
رحت للكهربائي شيك علي الدفيرة و الفيوز وقالي ما فيش مشكلة
لكن العيب مارحش و لما رحتله تاني قالب له الباور كنترول بايز و لازم يتغير
ارجو مساعدتي هو ده العيب ولا الكهربائي بيفتي
وممكن العيب ده يكون سببه ايه و هل الباور كنترول ثمنه غالي

شكرًا

[hany63]

طب اكشف كده على البطاريه و قل لي لقيت ايه عشان مش شرط انها بايظه انها تقطع خالص
من شهر كنت وانا ماشي القى الكاسيت بيولع و يطفي لوحده هوا و التكييف و طلع العيب بطاريه

[nael]

شكرا لأهتمام حضرتك
البطارية جديدة بقالها كام شهر

[nael]

ارجو المساعدة

[zoma ahmed]

كان بيحصل عندي الكلام دا في 2008 وطلع عيب قواشيط البطارية كانت متاكلة من الملح وعايزة تتغير

[nael]

شكرًا حاخلي الكهربائي يبص عليهم

[hany63]

شكرًا حاخلي الكهربائي يبص عليهم

ياريت بالمره تقيس البطاريه و هيا دايره و بعدين تقيسها و انت مبطل الموتور
لو ادتك و هيا مبطله اقل من ٩ و نص فولت يبقى البطاريه نوعها وحش

[nael]

شكرًا أستاذ هاني علي اهتمام حضرتك
هي البطارية نوعها acdelco
والمفروض انها من اجود الأنواع

[hany63]

شكرًا أستاذ هاني علي اهتمام حضرتك
هي البطارية نوعها acdelco
والمفروض انها من اجود الأنواع

و الله قلبي كان حاسس
البطاريه اللي كانت مبرجله لي العربيه لغاية ما لمبة التشيك نورت Acdelco على العموم بص عليها من باب انك بتتطمن على الدينامو بس اكشف عند حد غير اللي باعهالك و اعرف بتقيس كام فولت عشان بتاعتي كانت بتدي اقل من ٨ فولت و رميتها و ركبت واحده كوري برقبتها

[nael]

انشاء الله حكشف عليها زي ما قولت حضرتك ويارب تيجي علي قد البطرية

[maikel_nan]

الموقف دة حصل معايا بالظبط ، الكهربائي بردة قالي كلة تمام واعد يجرب لكن محصلش الموقف دة قدامة ، هو كان بيحصل علي اوقات متباعدة مش بانتظام ،و رحت التوكيل وكنت متوقع ان فية مصيبة .لكن الموضوع كلة واللي اتقالي من المهندس ان كبل الارضي اللي مربوط في الماتور مكانش مربوط كويس .