تقرير مصور صغير عن السيتى الجديدة

[mezo_88]

عديت انهاردة كنت بسأل على قطع غيار لعربيتى السيتى 2006 شدنى السيتى الجديدة جدا المهم ركبتها كانت تحفة فنية من جوة التجهيزات الى فيها تحفة
1- الكاسيت تاتش بالكامل
2- التكييف شاشة كاملة تعمل باللمس
3- مدخل لكابل HDMI
4- زرار ستارت انجين
5- الرد و غلق المكالمات من الطارة
6- كروز كنترول
7- 3 مخارج بور اوتليت واحدة قدام و اتنين تحت فتحة التكييف اللى ورا
و دى بعض ما قدرت اصوروا

[Nfs Rivals]

سأظل احترم اليابانى خصوصا الهوندا
بس هل السيتي بتاعت اليومين دوول ,, تجميع يابانى ,, بلاده
ولا تجميع تايوان .. زي ما سمعنا واتصدمنا

[akmm]

جميله .................... وشكرا للتقرير .

[dreslam]

تسلم ايدك والله

[mezo_88]

السيتى من ساعت منزلت بتتجمع فى دول شرق اسيا و غالبا الى بيجى بيبقى تجميع تايلاندى ... و عمرها ما كان فيها مشاكل نادرا و مش حاجة تقلق خالص

[ahmzd]

سأظل احترم اليابانى خصوصا الهوندا
وأنا كمان
بس هل السيتي بتاعت اليومين دوول ,, تجميع يابانى ,, بلاده
ولا تجميع تايوان .. زي ما سمعنا واتصدمنا

تايلاندي ومفيش منها أي مشاكل فعلا.. والله أعلم.

[wal]

الاتجاة دلوقتي في السيارات ان التابلوه يكون عبارة عن شاشة تاتش وبتشغل كل حاجة والبداية اهو في السيتي الجديدة والبيجو ال308 الجديدة كدة برضه التابلوة عبارة عن شاشة بس في النص وعليها كل حاجة حتي التكييف في نفس الشاشة انا شايف ان العربيات الفترة اللي جاية هتبقي متطورة جدا

[a7m8n]

العربيه تقفيل تايلاندى انما مفيش منها مشاكل انا كانت معايا الهوندا سيتى 2009 وفضلت معايا 5 سنين ومشتكتش منها الصراحه فى اى حاجه
انما فيه مشكله كبيره جدا فى السعر العربيه نازله سعرها 180 الف الهاى لاين والباسلاين هتلاقيها فاضيه طبعا طبعا 100 الف استهبال رسمى من الوكيل

[jalal]

هوندا سيتي إختيار موفق عن تجربة

عن تجربة سنه من استخدام السيارة هوندا سيتي 2013 بالكويت السيارة اعتمادية لأقصى درجة وسحب وتكييف وعزل ممتازة واقتصادية جدا ومساحة الصالون اكبر مساحة في فئتها ولما نضيف الكماليات الموجودة في 2015 تبقى مالهاش حل وبالنسبة لارتفاع السعر السيارات كلها اسعارها مرتفعة ولكنها تبقي في الاخير هوندا the power of dreams

[a7m8n]

عن تجربة سنه من استخدام السيارة هوندا سيتي 2013 بالكويت السيارة اعتمادية لأقصى درجة وسحب وتكييف وعزل ممتازة واقتصادية جدا ومساحة الصالون اكبر مساحة في فئتها ولما نضيف الكماليات الموجودة في 2015 تبقى مالهاش حل وبالنسبة لارتفاع السعر السيارات كلها اسعارها مرتفعة ولكنها تبقي في الاخير هوندا the power of dreams

ياباشا كلام حضرتك مضبوط وعاوز اقوللك ان الموديل الجديد كمان اوسع من الشكل القديم من ورا
انما حضرتك احنا فى مصر سعرها فى مصر 180 الف جنيه ؟!!!!!! معلش يعنى الاوبل الاسترا ب 185 الف السوبارو بنفس السعر تقريبا
علما بان كل العربيات دى فيها نظام ثبات الكترونى وفرامل خلفيه ديسكات وعربيات كلها محترمه بلاش حضرتك الرينو فلوانس برده تقريبا بنفس السعر واوسع واكبر وشياكه وعربيه اثبتت وجودها
على فكره انا مش ضد العربيه انا هونداوى قديم وحاليا معايا سيفيك بس مش معقوله ياجماعه الاسعار دى العربيه مش حتمشى اذا كان واحد اصلا من بتوع المبيعات فى هوندا قاللى بنفسه كتير اوى المبلغ ده عليها

[jalal]

لعلم حضرتك انا لما اشتريت كان معايا اكورد استعملتها 3 سنين وقبل منها تويوتا كرسيدا سنتين الاكورد حببتني في هوندا ولما قررت اشتري زيرو بغرض نزولها مصر لفيت كتير طبعا محكوم ب 1600 c c علشان الجمارك الكورولا لا غبار عليها انما سعرها في الكويت مبالغ فيه والاوروبي عامة مش عملي في الخليج وانا عايز استخدمها 4 او 5 سنين وبعدين انزلها وطبعا عايز حاجه اقتصادية علشان ظروف البنزين في مصر واعتمادية واعطالها قليلة بالتالي اخترت سيتي
وعايز اقولك ان كل واحد بيبقي في اسباب معينة ومعايير لاختياره يعني مثلا انا دخلت الاكورد وكالة هوندا بسعر جميل وسحبت السيتي مع ان الاكورد كانت موديل 98 وماشية 290000 كم
لكن انا حبيت انقل تجربتي مع السيتي واتمنى انى اكون قدرت انقلها بحياد
وتقبلوا تحياتي الحارة من اسخن مكان في الدنيا عاشوا الهونداوية

[S O P H O S]

هوندا فرأي دايما مبتعرفش تعمل عربية وحشة

[ahmzd]

ياباشا كلام حضرتك مضبوط وعاوز اقوللك ان الموديل الجديد كمان اوسع من الشكل القديم من ورا
انما حضرتك احنا فى مصر سعرها فى مصر 180 الف جنيه ؟!!!!!! معلش يعنى الاوبل الاسترا ب 185 الف السوبارو بنفس السعر تقريبا
علما بان كل العربيات دى فيها نظام ثبات الكترونى وفرامل خلفيه ديسكات وعربيات كلها محترمه بلاش حضرتك الرينو فلوانس برده تقريبا بنفس السعر واوسع واكبر وشياكه وعربيه اثبتت وجودها
على فكره انا مش ضد العربيه انا هونداوى قديم وحاليا معايا سيفيك بس مش معقوله ياجماعه الاسعار دى العربيه مش حتمشى اذا كان واحد اصلا من بتوع المبيعات فى هوندا قاللى بنفسه كتير اوى المبلغ ده عليها

أنا عايز أزيد حضرتك من الشعر بيت .. وهو إنه لحد شهرين فاتو كانت سيتي الزيرو اللي بتتباع في السوق .. موديل 2013 !!