مشكلتي ويارب الاقي حل

[Kamal-1]

السلام عليكم

انا النهارده حصلت لي مشكلتين وربنا يستر
المشكلة الاولى وانا ماشي الصبح كلب نط قدامي قمت مسكت فرامل مرة واحدة يعني بغباااااااء عشان طبعا كان حصل لي حادثة مع كلب بهدلت لي الاكصدام والكبوت قبل كده في العربية القديمة " النترا " المهم حسيت ان العربية من عند العجلة اليمين زي ما تكون بتحك في الارض ؟؟؟ مش عارف ازاي وليه طبعا انا ركبني الهم واتنرفزت وقولت ازاي وانا كنت ماشي بسرعة 40 ؟؟ بعد كده وانا ماشي لقيت دواسة الفرامل بقت تقيلة حبتين عن الاول والدكسيون وانت بتلفه شمال اخف من ما تلفه يمين وتزييقة في اخر لفة الدكسيون والتزييقة الشهيرة بتاعت السوستة اللي في الدركسيون !!! مش عارف ازي الكلام ده حصل ؟

المشكلة التانية --- كلمة CIVIC اللي على الشنطة اتسرقت
انا ناوي نيه خيييييييييييييييييير وكل واحد يحاسب على كلمة السيفيك بتاعته

حد يقوللي هل فيه حل ؟؟؟

[waled369]

حصل خير و حمد الله بسلامتك أهم من كل حاجة
بالنسبة لسرقة العلامة انا اتسرق لي علامات كتير لغاية ما فكرت أكهرب العربية

[أبو عبدالرحمن]

معلش ،،،قدر الله وما شاء فعل ،،،،بس الموضوع بسيط ،،،إن شاء الله لما تروح في صيانة الخمستالاف تظبط موضوع الدركسيون وإن كنت أظن انه ممكن يكون موضوع نفسي وبرضه راجع الهواء في الاطارات الأمامية ،،،والحمد لله إنك عارف موضوع السوستة وعارف ديتها ايه وتتعمل على طول إن شاء الله كان ممكن تدوخ وراء الموضوع ومش عارف الصوت منين ،،،أما عن علامة السيفيك فيا ريت لو ناوي نية خييير فعلا مالكش دعوة بأي سيفيك جالاكسي جري داحنا فريق واحد ،،،وربنا يباركلك فيها ويحفظها من كل سوء

[Kamal-1]

انا ان شاء الله ناوي اروح لهم بكرة
بالنسبة للدركسيون ممكن تكون فعلا حاجة نفسية بس موضوع الفرامل ده ؟؟؟؟؟
وياباشا انا بهزر طبعا ان شاء الله هشتري واحدة وامري لله

وحسبي الله ونعم الوكيل في اللي خدها مش عارف ايه الحقد اللي بقى في الناس دي ياراجل ده لو اللي خدها معاه عربية وعاوز يحطها عليها ما يعرفش ان اننا ممكن ادعي عليه ويحصل له مصيبة ؟؟

واللي ممكن يكون اخدها كده ده حسبي الله ونعم الوكيل فيه

[Hassan Khalil]

خير و بسيطة ان شاء الله
غالبا دي حتلافيها مراة الكلب اللي نط أدام الانترا ..او ابنه بس كان مستني لما يكبر علشان ينتقم :)
لموضوع في الكاوتش بسيط جدا ان شاء الله .. جزء منه نفسي زي ما قال ابو عبد الرحمن .. بيحصللنا كلنا .. و حصللي شخصيا .. و مع الوقت لقيت نفسي كنت محسوك بزيادة ..
تاني حاجة .. ان شاء الله في الصيانة تبقي تبص بصة علي الزوايا .. و برده تتأكد من هو الاربع فرد انهم زي بعض
بالتوفيق

[medo_2060]

حمد لله على سلامتك الاول ورأى تروح التوكيل تطمن على العربيه وموضوع العلامات دا اتحداك لو جبت واحد في مصر ما تسرقش منه علامات والله والدى غيرها 3 مرات وكلهم اتسرقوا فا متحطش في دماغك اوى واهم حاجه العربيه

[Kamal-1]

بالنسبة لموضوع الفرمله العربية ما طلعتش بتحك في الارض ولا حاجة الموضوع كله انها بتعمل صوت دربكة يعني تحس انها بتحك ولكن هي مش بتحك

مش عارف ده طبيعي ولا ايه ؟؟؟؟؟؟؟؟

[CosmicOne]

يمكن اصدك صوت الabs

[Kamal-1]

يمكن اصدك صوت الabs

هو طلع فعلا صوت ال ABS

اما بالنسبة للعلامة لقيتها بس بمبلغ مبالغ فيه حبتين في التوكيل
ان شاء الله هنزل شارع دمشق او التوفيقية ادور على واحدة ولو مالقيتش يبقى مش هركب الكلمة تاني