مشكلتين معايا فى التكيف مع العربية هوندا 93

[mopecoolboy]

السلام عليكم

عندى مشكلتين فى العربية مع تشغيل التكيف

1- لما اشغل التكيف الدواسة بتاعة البنزين بتتقل اول .. نضفت البوابة و نفس المشكلة موجودة
2- لما بمشى بالعربية بحس ان التكيف مبقاش يبرد كويس و بحس بهوا شبة سخن او مش بمعنى سخن بس اللى هوا التبريد بيقل و بيبقى التكيف زى قلتة .. و لما بقف بالعربية بـ يبرد أحسن

معلومات ممكن تفيد
- الار بى ام لما تشتغل العربية بيبقى على اتنين الا .. و لما اشغل التكيف بينزل الار بى ام شوية .. دا رحت لميكانيكى علاة عشان لو شغلت التكيف على ار بى ام اقل من كدة العربية بتبرجل و تقفل
- الكمبروسيور بتاع التكيف فية سنة (( تنحيرة )) فى الصوت .. هل ممكن يكون دا سبب فى تقل بدال البنزين لما اشغل التكيف ؟؟
- العربية si بس موتور متسقط d15z6 هل ممكن يكون دا سبب فى التقل برضو ؟

معلش طولت عليكو بس المشاكل دى مجننانى

شكرا

[SAMEH_FOUAD]

مشكلة تقل البدال , دية بسبب حاجتين

1- ضعف فى بلف الايدل وعايز يتنظف

2- ضغط الفريون ممكن يكون عالى

مشكلة بقى انك لما بتمشى بتحس ان التكييف بيضعف ولما بتقف بيكون افضل

اول حاجة انت عندك العربية مش مظبوطة خالص

لان المفروض عربيتك على السلانسية بدون تشغيل التكييف وفى درجة الحرارة الطبيعية بتكون على 850-900 لفة

ومع تشغيل التكييف بتعلى سنة بسيطة وبتستقر على 900 لفة

-صوت النحرة اللى فى الكباس , لو مش من البلية الخارجية , يبقى دية علامة على بداية ضعف الكباس

- المحرك d15z6 محرك ممتاز وكويس جدااا , بس انت عندك الدنيا مش مظبوطة , انزل عند مكيانيكى متخصص وبلاش تشتغل مع اى حد

[mopecoolboy]

مشكلة تقل البدال , دية بسبب حاجتين

1- ضعف فى بلف الايدل وعايز يتنظف

2- ضغط الفريون ممكن يكون عالى

مشكلة بقى انك لما بتمشى بتحس ان التكييف بيضعف ولما بتقف بيكون افضل

اول حاجة انت عندك العربية مش مظبوطة خالص

لان المفروض عربيتك على السلانسية بدون تشغيل التكييف وفى درجة الحرارة الطبيعية بتكون على 850-900 لفة

ومع تشغيل التكييف بتعلى سنة بسيطة وبتستقر على 900 لفة

-صوت النحرة اللى فى الكباس , لو مش من البلية الخارجية , يبقى دية علامة على بداية ضعف الكباس

- المحرك d15z6 محرك ممتاز وكويس جدااا , بس انت عندك الدنيا مش مظبوطة , انزل عند مكيانيكى متخصص وبلاش تشتغل مع اى حد

شكرت على الرد يا استاذ SAMEH_FOUAD
بس واللة مشكلة البدال دى انا نضفت الايدل ... لو فى حل تانى او ممكن يتغير قولى ؟!

الحاجة التانية انت بتقولى الدنيا مش مضبوطة .. دى سببها اى و اعمل اية عشان الدنيا ترجع عندى تانى .. و لو تنصحنى ب ميكانيكى كويس يا ريت يحللى المشكلة دى

[SAMEH_FOUAD]

ماهو ياباشا مش البدال اللى بيتقل , انت بتحس ان العربية اتكتفت فى السحب , كأن حاجة ماسكها ومش مخليها تمشى براحتها

وتيجى تدوس على البدال تحس ان تقل معاك عشان الماتور نفسة حركتة تقلت , بسبب عدم انتظام ال vacum

عموما روح لاحمد حسانين فى شارع احمد ذكى خلف السندباد وهية هيظبطلك الدنيا ان شاء الله

ويحطلك المحرك على الكمبيوتر ويشوف الدنيا ماشية ازاى

[mopecoolboy]

فعلاا داا اللى بيحصل بالضبط بحس العربية مخنوقة جداا ..طب يا استاذ SAMEH_FOUAD ممكن رقمة او عنوانة بالضبط بعد إذنك ؟

[SAMEH_FOUAD]

01003936316