استفسار عن سيفيك 2014 و يا ريت سامح يرد عليا برضه

[AhmedFarhan]

انا بعد حيره و مده طويله علشان اقرر اشترى عربيه من امبريزا لاكس فى و بعدين فكرت فى اسكودا اوكتافيا و كل واحده من دول ليهم مشاكل تقلق حتى السكودا ال 1600 .. فقررت ان شاء الله اجيب سيفيك 2014 مع انى مضايقنى حاجتين فيها اولا خامات التقفيل الداخليه بلاستيك و مضيقانى و كمان الفرش بيج و قماش مش جلد .. المهم فى حاجات تانيه شايفينها مش كويسه؟؟؟ و هل اداء العربيه هينسينى الحاجات دى؟؟ و كمان بسمع ان صاجها ضعيف جدا؟؟ صح الكلام ده؟؟

يا ريت تساعدونى و تقولولى العربيه دى حلوه بجد و لا ممكن تكون مقلب و خصوصا انها تقفيل تركى

[Adnfalcon]

العربيه دي معرفش ليه مش منتشره !!

[madooomad]

رائيي الشخصي ان السيفيك من افضل العربيات السيدان في فئة ال 200000 ..... لو هاتزود ومش فارقة معاك الصيانات و قطع الغيار يبقي الانسانيجا اوبل 240 اول فئة

[hany63]

اتفضل يا باشا
ولو تقدر تزود شويه و تجيب بيجو ٥٠٨ ركوبه من الاخر فخامه و ثبات و اداء و تسارع غير عادي
الانسجنيا المفروض انها اعلى سنه بس للاسف في كلام على مشاكل بالموتور

http://www.nilemotors.net/Nile/304001-2012.html

[AhmedFarhan]

شكرا يا رجاله على الردود بتاعتكم بس انا للاسف مش هاقدر ازود اكتر من كده.. رايكم يعنى اجيبها ؟؟ يعنى هى احسن من الامبريزا؟؟

[hany63]

اتكل على الله العربيه تعتبر انسب عربيه للطرق المصريه من كافة الوجوه و عن تجربه و عمر ما حد من ملاكها اشتكى من حاجه نهائي
انا واثق انك هتنبسط منها

[SAMEH_FOUAD]

مشاكل السيفيك الجيل التاسع بالنسبة للمنافسين

1- الشكل ( من الامام كويس جدااا ومن الخلف كان المفروض يكون احسن من كدة بكتيير او على الاقل نزلوا الشكل اللى دول الخليج حاليا ) دة الصراحة اللى ممتاز شكلا ومضمونا

2- الخامات ( كويسة بس مش زى ماعودتنا هوندا )

3- الاوبشن ( قليل عنهم )

لكن العربية الوحيدة حتى الان اللى مافيش منها اى مشاكل تماما وتم معالجة كل عيوب الجيل الثامن فى هذا الجيل

بس نصيحة منى عشان تستمتع بالسيفيك لازم تجيبها vti لان ال lxi هتكون قليلة شوية حلوين عن المنافسين

[swimmer25]

في رأيي المنافسين ليها بقوة
Toyota Corolla
Subaru XV
Kia Sportage
Hyundai ix35-Tucson

دا عشان إنت بتتكلم علي الإعتمادية وعاوز جديد بس وعشان انا مجربتهمش فعليا
السبورتاج والتوسون منافس قوي بسبب الإرتفاع المفيد في شوارع مصر ..
السيفيك في رأيي أحسن ما في فئة السيدان بس محتاجة تنزل بتعديلات برا عشان تكون بدون منازع

[swimmer25]

اتفضل يا باشا
ولو تقدر تزود شويه و تجيب بيجو ٥٠٨ ركوبه من الاخر فخامه و ثبات و اداء و تسارع غير عادي

نفس الكلام دا وبسعر أقل هي البيجو 3008 بس مش عارف فيها مشاكل ولا لأ
بس خلي بالك الموتور ال 156 حصان مش هتحس بيه في البيجو..طلعتها تقيلة أوي وتسارعها ضعيف..متتغرش في الرقم

طيب إيه نظام الأسترا؟ ما هي في نفس رينج السعر!
الحاجة الوحيدة فقط اللي كانت مضايقاني منها إن الفتيس بيأخر النقلة بس ممكن يكونوا حلوها بسوفت وير

[hany63]

نفس الكلام دا وبسعر أقل هي البيجو 3008 بس مش عارف فيها مشاكل ولا لأ
بس خلي بالك الموتور ال 156 حصان مش هتحس بيه في البيجو..طلعتها تقيلة أوي وتسارعها ضعيف..متتغرش في الرقم

طيب إيه نظام الأسترا؟ ما هي في نفس رينج السعر!
الحاجة الوحيدة فقط اللي كانت مضايقاني منها إن الفتيس بيأخر النقلة بس ممكن يكونوا حلوها بسوفت وير

ده مين اللي فهم حضرتك ان الموتور ال 156 حصان طلعته تقيله اوي و التسارع ضعيف
مهو حاجه من اتنين تكون حضرتك جربت عربيه بايظه يا سمعت الكلام ده من واحد بيفتي لاء و وسعت منه كمان الصراحه
اولا العربيه بقت ١٦٣ حصان و ده مش كلام ده بعد الكشف عن ال vin
الموتور الضعيف اللي حضرتك بتقول عليه كان مخلي الباسات التربو مش قادره تلاحق عليه لا فوق و لا تحت
و طلعت بيه من مرسيدس e300 و كان هيلبس في الرمل بعد الطريق ما ضاق و بقى يساع عربيه واحده فاضطر يدوس فرامل و انا عديت طبعا لو كنا كملنا كان هيجبني على سرعه عاليه بس هوا مصدقش اساسا اللي حصل
و طلعت بيها بمنتهى السهوله من بي ام فئه خامسه بس موديل قديم بس صاحبها كان واقف على الدواسه
الموتور بعد زاد الحصان بتاعه بيجيب من ٠-١٠٠ في اقل من ٩ ثواني و الاهم و انت ماشي عادي لو دست بنزين بتحس العربيه بتطير و كله بيبقى وراها بعشرات الامتار

[AhmedFarhan]

طيب إيه نظام الأسترا؟ ما هي في نفس رينج السعر!
الحاجة الوحيدة فقط اللي كانت مضايقاني منها إن الفتيس بيأخر النقلة بس ممكن يكونوا حلوها بسوفت وير[/quote]

الاسترا فكرت فيها بس قريت مشاكل الموتور بسقف و كمان الاحسن ليها بنزين 95 وبصراحة هيبقى غالى و كمان انا شغلى فى العريش ومفيش هناك 95

[hany63]

و ادي فيديو لتسارع ال 508

https://m.youtube.com/watch?v=MPgPC-UYjwM

[AhmedFarhan]

الأسترا قريت ان فى مشاكل تسقيف فى الموتور ولازم يحط ليها بنزين 95 وانا شغلى فى العريش و مفيش 95 غير أنه مكلف برضه

[swimmer25]

ده مين اللي فهم حضرتك ان الموتور ال 156 حصان طلعته تقيله اوي و التسارع ضعيف
مهو حاجه من اتنين تكون حضرتك جربت عربيه بايظه يا سمعت الكلام ده من واحد بيفتي لاء و وسعت منه كمان الصراحه
اولا العربيه بقت ١٦٣ حصان و ده مش كلام ده بعد الكشف عن ال vin
الموتور الضعيف اللي حضرتك بتقول عليه كان مخلي الباسات التربو مش قادره تلاحق عليه لا فوق و لا تحت
و طلعت بيه من مرسيدس e300 و كان هيلبس في الرمل بعد الطريق ما ضاق و بقى يساع عربيه واحده فاضطر يدوس فرامل و انا عديت طبعا لو كنا كملنا كان هيجبني على سرعه عاليه بس هوا مصدقش اساسا اللي حصل
و طلعت بيها بمنتهى السهوله من بي ام فئه خامسه بس موديل قديم بس صاحبها كان واقف على الدواسه
الموتور بعد زاد الحصان بتاعه بيجيب من ٠-١٠٠ في اقل من ٩ ثواني و الاهم و انت ماشي عادي لو دست بنزين بتحس العربيه بتطير و كله بيبقى وراها بعشرات الامتار

متعصبش نفسك حضرتك..الرقم كبير أه بس الأداء مش قد الرقم دا قصدي
أنا جربت العربية بنفسي وكانت ضعيفة من وجهة نظري بالنسبة إنها 156 حصان..مش لاقي بصراحة موضوع ال 163 حصان دا
ودا ممكن يكون مش راجع للموتور ذات نفسه ولكن الموتور دا بيجر عربية وزنها 1485 كجم فأكيد تقيلة
وبعدين عمرك ما هتقارن الموتور دا بموتور ال BMW ال 316i اللي هو 136 حصان بس إتفرج عليه...مع إن ال 316 وزنها 1460 يعني تقريبا زي البيجو..فرق كبير في التسارع
دا اللي أنا بتكلم فيه
موتور بيجو بيقولوا عليه 156 حصان بس هو مش كدا في الحقيقة بس شغال طبعا أحسن من غيره...يمكن بس عشان انا قرانته وقتها بال 316i
دا غير إن عفشتها ناشفة أوي بسبب الجنوط الكبيرة والدركسيون تقيل كمان
بس هي بصراحة شيك أوي من جوا وواسعة والأوبشن بتاعتها كتييير..

[swimmer25]

الأسترا قريت ان فى مشاكل تسقيف فى الموتور ولازم يحط ليها بنزين 95 وانا شغلى فى العريش و مفيش 95 غير أنه مكلف برضه

للأسف الأوروبي مبقاش إعتمادي خالص زي الياباني والكوري اللي كمان دخل منافسة الإعتمادية
الناس في الخليج بتشتري كوري أكتر من الأوروبي
بشوف التوسون والسبورتاج كتييييييير جدا في الإمارات وثابت نفسه علي فكرة...العربيات مش متهانة خالص
الأوروبي...سعر غالي وصيانة غالية وكمان من غير إعتمادية وكمان بقى من غير العمر الطويل اللي كان مشهور بيه...يبقي إيه الميزة !!