العربية بتحدف يمين لما أسيب الطارة

[tsaid]

السلام عليكم و رحمة الله و بركاته
إيزيكوا يا رجالة الهوندا؟
أنا عندي مشكلة إن العربية بتحدف مني يمين لما أسيب الطارة
بلاقي الطارة بتكسر يمين و بتخلي العربية تحدف و الموضوع ده بيظهر جدا علي السرعات العالية و لما يكون في حد راكب جنبي
و للعلم أنا لسه مغير 4 فرد كاوتش من أقل من أسبوع و ضبط الزوايا قبل ما أركب الكاوتش علي طول
و شكراً

[Sameh samy]

اتاكد من ضغط الهوا الاول (علي جهاز في بنزينة موش عند بتاع كاوتش) لو فضلت المشكلة روح لبتاع زوايا مضمون (يكون عندو جهاز حديث فية عربيتك بالموديل)ان فضلت المشكلة بدل الكاوتش يمين وشمال مكان بعضو (عشان فية كاوتش بينزل تعبان لسوء التخزين)

[SAMEH_FOUAD]

هو مافيش حد بيظبط زوايا قبل مايركب الكاوتش

اى ظبط زوايا بيكون بعد تركيب الكاوتش الجديد

روح اظبط زوايا الاول وان شاء الله الدنيا هتبقى تمام

[swimmer25]

إنت نزلت في نقرة جامدة قريب أو أخدت مطب جامد أو خبطت في رصيف أو طلعت علي رصيف ؟

[tsaid]

هو مافيش حد بيظبط زوايا قبل مايركب الكاوتش

اى ظبط زوايا بيكون بعد تركيب الكاوتش الجديد

روح اظبط زوايا الاول وان شاء الله الدنيا هتبقى تمام

سامح باشا
أنا قبل ما أركب الكاوتش الجديد كنت عند بتاع الزوايا اللي في الحرفيين و كنت بستعدل الجنوط و قلت بالمرة اضبط الزوايا و مقليش علي أي مشكلة ساعتها
و من كام يوم روحت عند بريدجستون اللي في عباس العقاد و قاللي ان علبة الدركسيون فيها بوش و مرديش يضبطلي الزوايا قبل ما أصلحها
و بعدين روحت لواحد بتاع زوايا تاني و قاللي إن الجنب اليمين عايز زرجينة و هو يعملها و مش عارف بيشتغلني وللا ايه
فهل لو فيه مشكلة في علبة الزوايا ممكن تعمل المشكلة ديه
أنا بس مش عايز أغيرها و بعدين ألاقي نفس المشكلة

يعني أنا اللي حصل معايا دلوقتي كالتالي:
1- استعدلت الجنوط و ضبط الزوايا عند بتاع الزوايا اللي في الحرفيين و مقليش علي أي مشكلة لا زرجينة وللا علبة دركسيون و يومها بالليل روحت غيرت الكاوتش
2- من كام يوم روحت عند بريدجستون اللي في عباس العقاد و قاللي ان علبة الدركسيون فيها بوش و مرديش يضبطلي الزوايا قبل ما أصلحها
3- أول أمبارح روحت لواحد بتاع زوايا تاني و قاللي إن الجنب اليمين عايز زرجينة و هو يعملها

أسف علي الإطالة بس أنا مش عارف أصدق مين وللا أعمل ايه

[tsaid]

إنت نزلت في نقرة جامدة قريب أو أخدت مطب جامد أو خبطت في رصيف أو طلعت علي رصيف ؟

أنا فعلا نزلت في نقرة جامدة جدا قبل ما أغير الكاوتش و روحت استعدلت الجنوط بعديها و ضبط زوايا و غيرت الكاوتش

[SAMEH_FOUAD]

سامح باشا
أنا قبل ما أركب الكاوتش الجديد كنت عند بتاع الزوايا اللي في الحرفيين و كنت بستعدل الجنوط و قلت بالمرة اضبط الزوايا و مقليش علي أي مشكلة ساعتها
و من كام يوم روحت عند بريدجستون اللي في عباس العقاد و قاللي ان علبة الدركسيون فيها بوش و مرديش يضبطلي الزوايا قبل ما أصلحها
و بعدين روحت لواحد بتاع زوايا تاني و قاللي إن الجنب اليمين عايز زرجينة و هو يعملها و مش عارف بيشتغلني وللا ايه
فهل لو فيه مشكلة في علبة الزوايا ممكن تعمل المشكلة ديه
أنا بس مش عايز أغيرها و بعدين ألاقي نفس المشكلة

يعني أنا اللي حصل معايا دلوقتي كالتالي:
1- استعدلت الجنوط و ضبط الزوايا عند بتاع الزوايا اللي في الحرفيين و مقليش علي أي مشكلة لا زرجينة وللا علبة دركسيون و يومها بالليل روحت غيرت الكاوتش
2- من كام يوم روحت عند بريدجستون اللي في عباس العقاد و قاللي ان علبة الدركسيون فيها بوش و مرديش يضبطلي الزوايا قبل ما أصلحها
3- أول أمبارح روحت لواحد بتاع زوايا تاني و قاللي إن الجنب اليمين عايز زرجينة و هو يعملها

أسف علي الإطالة بس أنا مش عارف أصدق مين وللا أعمل ايه

طيب الجنوط لازم الاول تتحط على جهاز عشان تشوف مدى اتزانها , وتترصص , بس لازم الاول الجنط مايكوشن ملوح

- علبة الدركسيون لو فيها بوش مش هتأثر على الزوايا غير بنسبة بسيطة بس عادى يعنى , اهم حاجة البارات والمقصات فى الزوايا

- زرجينة دة موضوع تانى , يعنى لازم كدة تشوف على الجهاز ان زاويا ال caster وال camber فيهم مشكلة

عموما ياباشا راجع عفشجى هوندا , وهو يشوف اية اللى انت محتاجة

بس هقولك حاجة محدش بيظبط زوايا قبل تغير الكاوتش

[tsaid]

طيب الجنوط لازم الاول تتحط على جهاز عشان تشوف مدى اتزانها , وتترصص , بس لازم الاول الجنط مايكوشن ملوح

- علبة الدركسيون لو فيها بوش مش هتأثر على الزوايا غير بنسبة بسيطة بس عادى يعنى , اهم حاجة البارات والمقصات فى الزوايا

- زرجينة دة موضوع تانى , يعنى لازم كدة تشوف على الجهاز ان زاويا ال caster وال camber فيهم مشكلة

عموما ياباشا راجع عفشجى هوندا , وهو يشوف اية اللى انت محتاجة

بس هقولك حاجة محدش بيظبط زوايا قبل تغير الكاوتش

أنا العفشة الأمامي عندي لسه مغيرها من سنة تقريباً
2 بيض و 2 بارات دركسيون ياباني
2 كاوتش علبة دركسيون تايواني
2 مسمار ميزان تايواني
4 جلب مقص أمامي سفلي أصلي
2 مقص علوي تايواني
كل اللي كانت محتاجاة ماعدا علبة الدركسيون

و فعلا أنا كنت مستغرب و قعدت أقول للراجل بتاع الزوايا إني هروح أغير كاوتش قاللي عادي ملهوش علاقة بالزوايا

و هل ممكن النقرة اللي أنا خدتها ديه تأثر لدرجة إني أحتاج زرجينة أو تكون بوظت حاجة في العفشة؟؟

[mohandelboshy]

لو اخدت مطب جامد ممكن تكون عجلة مرحلة او مقدمة عن التانية بتاع الزوايا هيعرفك وتتعمل عند سمكري شاطر مش هتاخد 4 ساعات ومصنعية من 75 الي 100 جنيه هيشدها ويظبط مقاس العجلتين
وممكن تكون من الكاوتش بدل الفردتين اللي قدام او اقلب اللي برة جوة وشوف هيحصل ايه
وان شاء الله الامور هتتحل واستني راي المتخصصين هنا وربنا يوفقك وتحل المشكلة

[tsaid]

لو اخدت مطب جامد ممكن تكون عجلة مرحلة او مقدمة عن التانية بتاع الزوايا هيعرفك وتتعمل عند سمكري شاطر مش هتاخد 4 ساعات ومصنعية من 75 الي 100 جنيه هيشدها ويظبط مقاس العجلتين
وممكن تكون من الكاوتش بدل الفردتين اللي قدام او اقلب اللي برة جوة وشوف هيحصل ايه
وان شاء الله الامور هتتحل واستني راي المتخصصين هنا وربنا يوفقك وتحل المشكلة

تمام يا باشا
أنا روحت عند عمرو بدوي بتاع الزوايا اللي في مدينة نصر و الصنايعي اللي هناك قاللي مفيش مشكلة في العفشة او الشاسية و المشكلة مشكلة كاوتش فبدل الفردتين اللي قدام جاب اليمين شمال و الشمال يمين من غير ما يعدلهم فلقيت الحدفة بقت شمال مش يمين فراح عادل الفردة الشمال بس و الحمد لله الحدفة راحت
و قاللي امشي كده شهرين علي الوضع ده و بعدين اعدل الفردة اليمين لو عايز

[ahmedabeed]

باشا ياريت مكان عمرو بدوى ده فين فى مدينة نصر عشان عايز اكشف عنده

[swimmer25]

تمام يا باشا
أنا روحت عند عمرو بدوي بتاع الزوايا اللي في مدينة نصر و الصنايعي اللي هناك قاللي مفيش مشكلة في العفشة او الشاسية و المشكلة مشكلة كاوتش فبدل الفردتين اللي قدام جاب اليمين شمال و الشمال يمين من غير ما يعدلهم فلقيت الحدفة بقت شمال مش يمين فراح عادل الفردة الشمال بس و الحمد لله الحدفة راحت
و قاللي امشي كده شهرين علي الوضع ده و بعدين اعدل الفردة اليمين لو عايز

يعني إيه يعدل الفردة الشمال بس؟ يعدلها إزاي؟

[hany63]

العربيه عايزه زرجينه بسبب المطب الجامد
و لو عايز تعملها و ترجعها زي الشعره عليك و على سمير علي في الحرفيين يحطها على جهاز الشاسيه اللي عنده هتتعمل من غير ما يفك العجله في ٣ دقايق
و العربيه هتخس بيها اول ما تمشي من عنده و لا هتحتاج ظبط زوايا
هيدفعك ٣٠٠ جنيه بس بيني و بينك احسن من العك اللي ممكن يحصل لاقدر الله

[tsaid]

باشا ياريت مكان عمرو بدوى ده فين فى مدينة نصر عشان عايز اكشف عنده

امشي في الطيران لحد أبو رامي و من عنده خش يمين و خليك ماشي علي طول هتلاقيه علي ايدك اليمين بعد مسجد البخاري بشوية

[tsaid]

يعني إيه يعدل الفردة الشمال بس؟ يعدلها إزاي؟

هو لما بدل الفردتين اللي قدام الrotation بتاعهم بقي معكوس و لما الحدفة بقت شمال عدل الrotaion بتاع الفردة الشمال