برجاء الافاده فى شراء هوندا سيتى 2005 او 2004

[mosho1985]

اولا السلام عليكم......الموضوع ياجماعه ان معايا مبلغ تقريبا 65000 وعايز اجيب حاجه اوتوماتيك ولقيت فى الرينج ده 3 حاجات نوبيرا وميجان وسيتى طبعا انا استبعدت النوبيرا....... والميجان بالرغم انها عجبانى جدا لكن فى ناس قلقتنى منها بخصوص الكمبيوتر بتاعها وان مشاكله كتير وممكن يعطلك العربيه لاتفهه سبب وكل شويه محتاج برمجه فى التوكيل واخيرا مبقاش فاضل ادامى غير السيتى وبصراحه مسمعتش عنها خير ولا شر عشان كده ياريت حضرتكوا تقولولى مالها وماعليها من ماتور وعفشه وثبات وهل كونها1300 ده يخلى متورها ضعيف مثلا مع التكيف علما بانى حجيبها اتوماتيك .....واخيرا قطع الغيار ودى اهم من حيث توافرها وسعرها....اسف للاطاله وارجوا الافاده ...شكرا

[ibrahiiimooo]

الرينج ده في حادات كتييير اتوماتيك احلى من السيتي و كلها موديلات 2005
الاوبل استرا و الفورد فوكس و المازدا 3 و السوبارو امبريزا (موديل 2005 كاملة عاملة 52000 الف جنيه فبريكة بره و جوة و دفع رباعي و قلق )
بص على دول الاول

[mosho1985]

الرينج ده في حادات كتييير اتوماتيك احلى من السيتي و كلها موديلات 2005
الاوبل استرا و الفورد فوكس و المازدا 3 و السوبارو امبريزا (موديل 2005 كاملة عاملة 52000 الف جنيه فبريكة بره و جوة و دفع رباعي و قلق )
بص على دول الاول

والله يباشا من الاسعار اللى الواحد شافها فى السوق الواحد جاله اكتئاب.......ياريت لوفى حاجه ادام حضرتك كويسه تقولى عليها

[ibrahiiimooo]

لو قصدك على سوق العاشر فده مش مقياس لانها كلها عربيات مضروبة و بيستهبلوا في الاسعار
دور على كونتاكت كار او دوبيزل على العربيات اللي انا قولتلك عليها برينج السعر اللي معاك و ان شاء الله حتلاقي كتير بس اهم حاجة تكشف على العربية كويس عند حد محترم و لو في يوم من الايام استقريت على فورد هكون في منتهى السعادة اني اساعد حضرتك في معرفة اماكن قطع الغيار و الصيانة
و مبروك مقدما

[mosho1985]

لو قصدك على سوق العاشر فده مش مقياس لانها كلها عربيات مضروبة و بيستهبلوا في الاسعار
دور على كونتاكت كار او دوبيزل على العربيات اللي انا قولتلك عليها برينج السعر اللي معاك و ان شاء الله حتلاقي كتير بس اهم حاجة تكشف على العربية كويس عند حد محترم و لو في يوم من الايام استقريت على فورد هكون في منتهى السعادة اني اساعد حضرتك في معرفة اماكن قطع الغيار و الصيانة
و مبروك مقدما

متشكر ليك جدا يباشا ولو فى اماكن للكشف حضرتك بتثق فيها ياريت تقولى عليها لانى بصراحه اول مره اشترى مستعمل

[semsem85]

انا بعد ما اشتريتها من حوالي 8 شهور كنت بفكر ابيعها بس بعد ما نزلت الحرفيين لقيت كميت انصاص ومواتير وقطع غيار فعلا تراجعت عن فكرتي فعلا حاجه تطمن وهديك امثلة لقطع غيار غيرتها فلتر هواء 180 و بنزين 300 بوجهات عدد 8 ب 220 كل ده اصلي من التوكيل ممكن يكون غالي نسبيا مقارنتا بالكوري ولكن باليباني الاخر اكيد اقل بس عمر افتراضي طويل عربية عالية واسعة من الداخل شنطة كبيرة ماتور قوي عن نفسي بحس انها مش 1300 تكييف قوي ..
نصحيتي ليك لو هتفكر تشتري اي سيارة وليكن من الامثلة اللي ذكرها الاستاذ الفاضل فوق انزل بنفسك استفسر عن قطع الغيار اسعارها ومدي توافرها وصيانتها واستهلاك البنزين
السيتي بعد 8 شهور قطع غيار متوفرة جداااا وان كان الاصلي غالي شوية - موفرة في البنزين التفويلة وصلت ل 600 و 550 كيلو - تكييف قوووي

[mosho1985]

انا بعد ما اشتريتها من حوالي 8 شهور كنت بفكر ابيعها بس بعد ما نزلت الحرفيين لقيت كميت انصاص ومواتير وقطع غيار فعلا تراجعت عن فكرتي فعلا حاجه تطمن وهديك امثلة لقطع غيار غيرتها فلتر هواء 180 و بنزين 300 بوجهات عدد 8 ب 220 كل ده اصلي من التوكيل ممكن يكون غالي نسبيا مقارنتا بالكوري ولكن باليباني الاخر اكيد اقل بس عمر افتراضي طويل عربية عالية واسعة من الداخل شنطة كبيرة ماتور قوي عن نفسي بحس انها مش 1300 تكييف قوي ..
نصحيتي ليك لو هتفكر تشتري اي سيارة وليكن من الامثلة اللي ذكرها الاستاذ الفاضل فوق انزل بنفسك استفسر عن قطع الغيار اسعارها ومدي توافرها وصيانتها واستهلاك البنزين
السيتي بعد 8 شهور قطع غيار متوفرة جداااا وان كان الاصلي غالي شوية - موفرة في البنزين التفويلة وصلت ل 600 و 550 كيلو - تكييف قوووي

شكرا يباشا لاهتمامك بالرد ولو فى اى معلومات تانيه حضرتك تقدر تفيدنى وانا بشترى حبقى شاكر جدا لنصيحتك

[semsem85]

انا اللي تحت امرك شوف عاوز تستفسر عن ايه وانا موجود