Osram night breaker unlimited

[melouk1]

انا كنت من فترة اشتكيت من الإضاءة الغير مرضية في السيفيك ٢٠٠٨
و بعد ارآء السادة المحترمين ولأني مبحبش اركب زينون غير الأصلي بتاع العربية
ولأني برده وقتي مش فاضي خالص اني اعمل حاجه تاخد وقت
اتصلت بشركة اوسرام و رد عليه شخصية مهذبة احمد الطيب ده مدير مبيعات هناك
و شرحلي اد ايه ان اللمبات تكون ٥٥ وات لكن تدي قوة اضاءة اكتر ب ١١٠ ٪
و اقتنعت بصراحة و قالي انزل شارع دمشق هتلاقيها عند ابراهيم يا عند المدينة
و فعلا سألت عند ابراهيم معندوش و قدامه واحد اسمه علي لقيت عنده ال plus مش ال unlimited
و سألت في المدينة لقيته و إداني خصم ظريف :)) من ١٩٥ ل ١٨٠ عشان خاطر استاذ احمد الطيب
و جابلي واحد ركبهم ب ٢٠ جنيه .....
المهم بكل بساطة اللمبات بجد روعة :)
قوة اضاءة غريبة ماشاء الله و وضوح جميل و لونهم مش ابيض تلجي ولا اصفر لونه درجه من درجات الزينون يعرفها اللي عنده زينون و عدسات ...
بس بجد فرقت كتير جداً و اللي عنده في الهوندا الفانوس بيتحرك و شغال هيعرف يظبط الفانوس بشكل محترم هيخلي الإضاءة كمان اجمل بكتير .....
ده اللي إتعمل و كان واجب انقل خبرتي للسادة البهوات ملاك الهوندا عشان نفيد و نستفيد
واتمنى اللي مدايق من الإضاءة يجربهم كحل سريع مش هياخد اكتر من ١٠ دقائق تركيب و تكلفة ٢٠٠ جنيه
بس هيستمتع بتكنولوجيا ألماني محترمة بجد و بسيطة في نفس الوقت ....
ملحوظة مش بعمل اعلان عن اللمبات :) بس فعلا هركبهم في ال c 240 ان شاء الله يوم الجمعة لانهم يستاهلو
و شكرا لحسن متابعتكم واتمنى اكون افدتكم بمعلومة جديدة ......

[abofandy]

فعلا هى لمبات محترمه جدا
وسعرهم كويسين بصراحة واعلى تكنولوجيا من plus
الف مبروك ربنا يباركلك فيهم

[melouk1]

فعلا هى لمبات محترمه جدا
وسعرهم كويسين بصراحة واعلى تكنولوجيا من plus
الف مبروك ربنا يباركلك فيهم

الله يبارك في حضرتك وفعلا حل بسيط و جميل

[hany63]

الف مبروك
انت غيرت العالي و الواطي و لا الواطي بس ؟
و انصحك تركب ليدات بيضه بدل اللمبه اللي بتنور مع نور الطابلوه عشان ما يبقاش الفانوس ابيض على اصفر لما تشغل الواطي

[Adnfalcon]

انا مركبهم من 5 شهور كويسين فعلا

[melouk1]

الف مبروك
انت غيرت العالي و الواطي و لا الواطي بس ؟
و انصحك تركب ليدات بيضه بدل اللمبه اللي بتنور مع نور الطابلوه عشان ما يبقاش الفانوس ابيض على اصفر لما تشغل الواطي

الله يبارك فيك يا هاني بيه
غيرت الواطي بس لان المشكلة كانت فيه
الفكرة ان اللون واخد اصفر على ابيض بشكل غريب و لذيذ مش فارق خالص لانه نوره مش زي الزينون
نور التابلوه مش فارق خالص بس انا يوم الجمعة ان شاء الله هغير برده العالي و التابلوه عشان كلة يبقى لون واحد
و بفكر في الشبورة لانه بجد يستاهل
و شكراً على مرورك

[melouk1]

انا مركبهم من 5 شهور كويسين فعلا

تمام :)

[mostafa3000]

في منهم للاوكتافيا a4 لان عندي النور ضعيف جدا

[hany63]

في منهم للاوكتافيا a4 لان عندي النور ضعيف جدا

اعتقد هتلاقي و انشاءالله النتيجه هتعجبك جدا

[mostafa3000]

ممكن اسم المحل وعنوانة

[Adnfalcon]

ممكن اسم المحل وعنوانة

أنا كنت طالبهم من صفحه كريزي كار لايتس علي الفيس بوك

[melouk1]

ممكن اسم المحل وعنوانة

اسم المحل المدينة
العنوان شارع دمشق مصر الجديدة أمام بنزينة التعاون هو محل صغير بس موزع معتمد لأوسرام

[TOOLA]

كنت مركب الفيليبس بناء على نصيحه المدينه، و كانوا ب ٢٥٠ ج، فى الاول الاداء كان كويس جدا بس بعد ٧ شهور مثلا، الاضاءه ضعفت جدا

[amagroup]

كنت مركب الفيليبس بناء على نصيحه المدينه، و كانوا ب ٢٥٠ ج، فى الاول الاداء كان كويس جدا بس بعد ٧ شهور مثلا، الاضاءه ضعفت جدا

انا سالت فعلا الإضاءة بتخف بعد فتره وعمرها 500 ساعه عمل

[TOOLA]

انا سالت فعلا الإضاءة بتخف بعد فتره وعمرها 500 ساعه عمل

معنى كده محتاجين نغير اللمض كل ٦ الى ٩ شهور، و بكده الزينون يبقى عملى اكتر متهيالى