استفسار عن هوندا سيتى 2015

[3amr]

كنت بفكر فى هوندا سيتى 2015 ارجو النصيحة و المساعدة فى بعض الحاجات
1_الامان
2_الوسع لانها هتبقى عائلية (5 افراد)
3_ استهلاك البنزين
4_التوكيل
5_قطع الغيار و الصيانة
6_ السحب و الثبات على شان بنسافر كتير
و لو ينفع حد يقولى مواصفات العربية من نحية الكماليات و الاوبشنز
و معلش طولت شوية بس ده من عشمى فى اعضاء المنتدى

[mahmoudsmh]

بص من الاخر هيا عربيه جميله جدا
موتور واداء وثبات وتسارع تحفه ده حكمت عليه من تجربه سيتي موديلات اقدم
الجديده الهاي لاين فيها كل الاوبشنز مش ناقصه حاجه
اول فئه فقيره جدا
عيوبها
نازله بسعر مش فئتها خالص
لانها فئه بره بيقارنوها باليارس والصني وطبعا هيا تكسب بمراحل
نازله غاليه جدا نازله بسعر في فئه الكورولا والاسترا واعتقد الكورولا تكسب بالطبع
ياراجل ده الكورولا ارخص منها
معرفش توكيل هوندا لو قاصد ميبعش عربياته مش هيعمل كدا

[3amr]

هى اول فئة بكام و تانى فئة بكام ؟ لان 2013 مع واحد صاحبى و كان قال لى انه جابها ب 150 الف تقريبا ف انا قلت مش هتكون غليت عن كده اوى

[محمد كرم]

السلام عليكم
أنصح أولاً بالإستخارة ،
ثم زيارة التوكيل لدراسة كل الموديلات المتاحة ٢٠١٣ و ٢٠١٤ حيث أن الشكل الحديث للسيارة سيتى هو ٢٠١٤ ويكتب فى الرخصة ٢٠١٤ وليس ٢٠١٥ كما يظن الكثير.
كما أرجو زيارة الرابط المرفق لمواصفات سيتى ٢٠١٤ لدى التوكيل.
خالص تحياتى .
Honda Cars - City - Outshine them all | Official Honda Egypt Site

[محمد كرم]

السلام عليكم
الرقم المختصر لتوكيل هوندا هو ١٩٨١١
من ٩ صباحاً حتى ٨ مساءً عدا يوم الجمعة
بسؤالى للتوكيل اليوم السبت ٢٠١٤/٩/٢٠
أسعار سيتى ٢٠١٤ هى:
١٧٨٩٠٠ جنيه (هاى لاين)
١٥٨٩٠٠ جنيه
مع خالص أمنياتى

[3amr]

شكرا لجميع الردود و انا لسه سائل من شوية فعلا البيزلاين ب 165 الف و الهاى لاين ب 185 الف و ده يخلينى اسال هو الفرق يستاهل ال20 الف دول لان انا ميزانيتى 160 الف و لو فى اقتراح افضل من السيتى البيز فى الفئة السعرية دى ؟ بس انا الصراحة معجب بالعربية

[محمد كرم]

أستأذنك الأسعار ١٨٥٠٠٠ و ١٦٥٠٠٠ كانت عند مين من المعارض . . وشكراً

[3amr]

أستأذنك الأسعار ١٨٥٠٠٠ و ١٦٥٠٠٠ كانت عند مين من المعارض . . وشكراً

انا كنت سالت عند الليثى و هو الالى الاسعار ديه

[mahmoudsmh]

شكرا لجميع الردود و انا لسه سائل من شوية فعلا البيزلاين ب 165 الف و الهاى لاين ب 185 الف و ده يخلينى اسال هو الفرق يستاهل ال20 الف دول لان انا ميزانيتى 160 الف و لو فى اقتراح افضل من السيتى البيز فى الفئة السعرية دى ؟ بس انا الصراحة معجب بالعربية

عندك الشارك
شيفروليه كروز نازله بموتور وفتيس جداد حلوا كل مشاكلها السابقه
وعندك التحفه الفنيه الرائعه سوبارو امبريزا

[3amr]

عندك الشارك
شيفروليه كروز نازله بموتور وفتيس جداد حلوا كل مشاكلها السابقه
وعندك التحفه الفنيه الرائعه سوبارو امبريزا

بالنسبة للشارك انت قصدك الهاف سبور ولا الفول اوبشن و ايه الفرق لو تعرف ؟ الكروز بسمع ان كنبتها ضيقة شوية و بالنسبة للامبريزا انا معاك انها تحفة بكل المقايس و انا عن نفسى بعشق السوبارو حتى لو توكتوك بس معدية الميزانية شوية

[mahmoudsmh]

الشارك الفل ب ١٦٥
فيها جنوط ١٦ فتحه سقف ، بصمه , abs
ستارت استوب انجن

[3amr]

طب كان عندى فكرة كده لو جبت البيز ينفع ازود كماليات الهاى بعد كدة ؟

[madmant]

انا شايف ان الافضل تجيب الهاي لاين احسن و تريح نفسك بدل متحاول تركب الكماليات الناقصة على البيز لاين و تبوظ حاجة في العربية بدون داعي

[3amr]

الهاى لاين اكتر بكتير اوى من الميزانية فشكلها كده الكروز او السيتى بيز والكماليات مش فرقة اوى و شكرا لجميع الردود

[a7m8n]

الهاى لاين اكتر بكتير اوى من الميزانية فشكلها كده الكروز او السيتى بيز والكماليات مش فرقة اوى و شكرا لجميع الردود

اخى العزيز صاحب الموضوع انا كان معايا هوندا سيتى الشكل اللى قبل الشكل الجديد على طول والعربيه قعدت معايا 5 سنوات وبعتها من حوالى شهرين عشان عملت upgrade وجيب هوندا سيفيك ان شايف ان مميزات العربيه الاتى
1-تسارع ممتاز واداء عالى مع تشغيل التكييف والتحميل
2-اعتماديه بشكل يعتمد عليه عربيه معدومه المشاكل
3-استهلاك بنزين ممتاز
4-امان مرضى للان العربيه مزوده ب 2 ايرباج و ABS و EBD و BA فى جميع الفئات
9- توكيل محترم الى حد كبير وصيانات اسعارها معقوله جدا جدا وقطع غيار متوفره واسعارها برده معقوله واصلا انت مش محتاج قطع غيار للان العربيه اعتماديه جدا لك ان تتخيل انى الحاجه الوحيده اللى غيرتها فى العربيه كانت تيل فرامل امامى بعد 60 الف كيلو وسعره كان 400 جنيه
انا بصيت على الشكل الجديد بتاع العربيه الشكل هايل مفيش كلام كمان هى اوسع من الشكل بتاعى من ورا وكمان الخامات من جوه بقت احسن انما وبالرغم من كل ده العربيه سعرها مبالغ فيه جدا جدا جدا 180 الف فى الهاى لاين كتير اوى اوى انا طبعا مش بتكلم على الباس لاين للانه يفتقر الى كماليات كتير اصبحت دلوقتى مهمه زى الشاشه ال دى فى دى وفتحات تكييف خلفيه وفوانيس شبوره و ال paddle shift بتاع الفتيس والحاجات دى مش كلها حينفع تركبه على الباس لاين لو جيبتها
بص وعلى الرغم من انى هونداوى قديم انما انت لو مش معاك فلوس الهاى لاين يبقى كبر دماغك من السيتى على الرغم من المميزات اللى انا وضحتها لحضرتك للان فيه حاجات فى السوق النهارده ممكن تفكر فيها وحتبقى احسن من السيتى الباس لاين زى الفلوانس وال شيفروليه كروز كلهم عربيات محترمه والناس مبسوطه منها وفيها عوامل امان زى السيتى ويمكن احسن كماااان
انا عارف انن ممكن حبايبى الهونداويه يزعلو من كلامى ده انما حررام برده ياجماعه الاسعار بتاعه توكيل هوندا مصر دى كتير اوى مينفعش اوح اجيب هوندا سيتى 160 الف و 180 الف وانا ادامى فلوانس وكروز استرا
انزل ياباشا اتفرج على العربيات دى كده وان تحت امرك فى اى سؤال