تم بيع السيفيك

[hany63]

مساء الخير
تم بيع عربيتي السيفيك في تي اي ٢٠١٠ النهارده لاول متصل عن طريق الاعلان اللي كنت عامله على كونتكت كارز و الحمدلله العربيه حالتها كانت اكتر من مستوى توقعات المشتري بكتير و ده بشهادته و ربنا يبارك له فيها
و العربيه دي بالمناسبه كانت سبب بمعرفتي بنايل موتورز و الناس المحترمه اللي في القسم و المنتدى كله اللي عمرهم ما بخلوا عليا باءي معلومه و على راسهم طبعا سمسم سابقا و سامح حاليا
و بالرغم اني بعت السيفيك ارجو تقبلوني في القسم ضيف شرف مين عارف يمكن الزمن يعيد نفسه و اشتري سيفيك تاني

[S O P H O S]

مبروك البيع يا باشا ربنا يعوضك خير فالبيجو
السيفيك عربية تحفه وكنت اتمني ابقي الشاري لاني مش هلاقي حالة
زي طريقة استعمالك ولاني بعتبرك اخ غالي
ولكن كله نصيب ربنا يبارك للمشتري فيها
ويباركلك بالخير ..

[kar!m]

ألف مبروك .. أنا شايف حضرتك عامل اعلان من فترة.
ربنا يبارك لحضرتك و للمشتري.

[Hosam_Optrawy]

الف مبروك للمشترى ولحضرتك

ماكنتش متوقع تفرط في السيفيك :) ان شاء الله نباركلك على اللى أحسن منها قريب

[JapRuleZ]

ان شاء الله يا هانى بيه العربيىة القادمه هتكون Earthdreams turbo VTEC

[horas3000]

الف مبروك يا باشا
بس افتكر اني قلت لك بلاش ههههههه

[hany63]

مبروك البيع يا باشا ربنا يعوضك خير فالبيجو
السيفيك عربية تحفه وكنت اتمني ابقي الشاري لاني مش هلاقي حالة
زي طريقة استعمالك ولاني بعتبرك اخ غالي
ولكن كله نصيب ربنا يبارك للمشتري فيها
ويباركلك بالخير ..

الله يبارك فيك و خلاص يا سيدي تعال خد البيجو إن شاء الله من دلوقت

[hany63]

ألف مبروك .. أنا شايف حضرتك عامل اعلان من فترة.
ربنا يبارك لحضرتك و للمشتري.

الله يبارك فيك

[hany63]

الف مبروك للمشترى ولحضرتك

ماكنتش متوقع تفرط في السيفيك :) ان شاء الله نباركلك على اللى أحسن منها قريب

انا الصراحه مكنتش ناوي افرط فيها بس لقيتها في الاخر هتتبهدل من الركنه عشان بركب البيجو و قيمتها هتقل بمرور الزمن و لو في البيت حطوا ايدهم عليها هيقلبوها توكتوك

[hany63]

ان شاء الله يا هانى بيه العربيىة القادمه هتكون earthdreams turbo vtec

تفتكر ممكن العربيه دي تنزل مصر و يا ترى هتبقى بكام
للاسف الهوندا اتظلمت في مصر بسبب وكيلها و طمعه اللي مخليه يركن العربيات بالسنه و في الاخر يعمل تخفيض بعد ما يكون الموديل عدى عليه سنتين
و كمان بسبب الجمارك الاعلى مقارنه بالاوروبي ناهيك عن المواتير اللي ما بتنزلش مصر اصلا زي ال ١٨٠٠ و ده المفروض اقل حاجه عندهم
ده غير ان هوندا بعد ما كانت مكسره الدنيا زمان في المواتير بقالها ١٥ سنه محلك سر

[hany63]

الف مبروك يا باشا
بس افتكر اني قلت لك بلاش ههههههه

الله يبارك فيك شريف باشا واحشني ولله من يومها
ادينا هنشوف الدنيا هتمشي ازاي ولو البيت احتاج عربيه زياده تمن السيفيك يجيب حاجه زيرو كويسه إن شاء الله اكمل حاجه بسيطه و اسمها عربيه زيرو و هيبقى ضمانها تلات سنين و موديل السنه
و عن نفسي اتمنى ان الكورولا تسد عشان مش ناقصه ٣ عربيات بمشاكلها على العبدلله

[S O P H O S]

الله يبارك فيك و خلاص يا سيدي تعال خد البيجو إن شاء الله من دلوقت

يا باشا ربنا يكرمك ويباركلك فيها يارب
ده احنا نزود يا باشا نجبلك حته 205 هتشباك كده هدية للمشواير الصغيرة
انا كنت ناوي لو هتبيع متأخر اكون انا الشاري واكون جهزت للانضمام لاسطوال الهوندا
ولكن نصيبي استني شوية علشان اشتريت كورولا تاني بس 94 من شهر
قولت يبقي معايا الشكل القديم والجديد وياريت حتي فاليابان مقدرين تعبنا
ويبعتولي طقم بيردجيستون لعربيتهم هدية ولكن تقول ايه
وعلي فكرة انا مقدر انت بعت العربية ليه لانها غالية عندك جدا جدا
ويمكن الناس متعرفش انك بعتها علشان خايف عليها تقابل مصــير الكورولا

[SAMEH_FOUAD]

هانى باشا , ربنا يخليك ياباشا على زوقك

وربنا يباركلك فى البيجو , ويحفظهالك

وياريت انت اللى ماتنسناش , وتبطل تدخل على قسم هوندا , لانك من الناس المحترمة اللى بتفيد فى الهوندا وخصوصا الجيل الثامن

ودة بيتك ياباشا , وبردة مع بعض فى كل حاجة , لان اللى بيربطنا مش السيارة

ربنا يديم المعروف ونتمنى نشوفك فى المقابلة القادمة بإذن الله

[horas3000]

الله يبارك فيك شريف باشا واحشني ولله من يومها
ادينا هنشوف الدنيا هتمشي ازاي ولو البيت احتاج عربيه زياده تمن السيفيك يجيب حاجه زيرو كويسه انشالله اكمل حاجه بسيطه و اسمها عربيه زيرو و هيبقى ضمانها تلات سنين و موديل السنه
و عن نفسي اتمنى ان الكورولا تسد عشان مش ناقصه ٣ عربيات بمشاكلها على العبدلله

اللي تشوفه يا كبير
و الكورولا قدها و قدود بس خلي ايدك فيها علي طول

[kemz]

السلام عليكم عليكم ورحمة الله وبركاته
ربنا يباركلك يا أستاذ هاني في البيع ويبارك للى اشتري العربية، انا الحقيقة بقالى فترة بدور على سيفك 2009-2010 سواء ال اكس او في تى اي والحقيقة الاسعار متباينة فممكن اعرف تقريبا رينج الاسعار كام ؟
وشكرا