بعت السيتي .. اجيب ايه !!؟

[semsem85]

بعت عربيتي ال سيتي ٢٠٠٤ اوتو ١٣٠٠ ذات ال٨ بوجيه الله يمسيها بالخير ويعطيها العافيه .. الفكرة بقي انا مش عارف اروح فين واجي منين اركب ايه لاني بجد حبيت الهوندا جدااااا

[محمد كرم]

السلام عليكم أولا ً أنصح بالإستخارة ،
ثم زيارة توكيل هوندا لمعاينة سيتى ٢٠١٤ (الشكل الجديد)
لأنها قد تكون فيها الخير أيضاً بعد سيتى ٢٠٠٤ اللى كانت مع حضرتك.
الرقم المختصر للتوكيل هو ١٩٨١١ من ٩ ص حتى ٨ م عدا يوم الجمعة والأجازات الرسمية المحددة لدى التوكيل.
والأسعار (الرسمية) بالتوكيل كما أخبرونى بها يوم السبت ٢٠١٤/٩/٢٠ هى:
١٧٨٩٠٠ جنيه للهاى لاين و ١٥٨٩٠٠ جنيه.
والرابط التالى يوضح المواصفات لدى التوكيل
Honda Cars - City - Outshine them all | Official Honda Egypt Site
خالص تحياتى.

[hany63]

الميزانيه اخرها كام ؟

[إبراهيم المصرى]

الميزانيه اخرها كام ؟

فعلاً حسب الميزانيه

[محمد كرم]

حضراتكم على حق ،

جزاكم الله خيراً ،

وخالص تحياتى للجميع.

[semsem85]

الميزانيه اخرها كام ؟

اخرها ٧٠

[ahmedabeed]

طيب بعت ليه الاول عشان نعرف تكمل مع هوندا ولا تشوف حاجة تانية

[إبراهيم المصرى]

اخرها ٧٠

بالتوفيق للاحسن

[semsem85]

طيب بعت ليه الاول عشان نعرف تكمل مع هوندا ولا تشوف حاجة تانية

عشان بتحرك كتير قولت اشوف كيلو متر اقل وكنت بفكر في ٢٠٠٧ او ٢٠٠٨

[semsem85]

مستني نصيحتك يا استاذ سامح

[SAMEH_FOUAD]

اكتر نصيحة اقدر اقدمهالك , طالما بتتحرك كتير

يبقى تحط المقدم فى عربية زيرو ولتكن مثلا بيجو 301 وتقسط الباقى

لو مش عايز قسط , يبقى تدور على كورى ( النترا - سيراتو )

لكن يابانى مش هتلاقى بالسعر دة , كيلوهات قليلة

[ozozo]

اكتر نصيحة اقدر اقدمهالك , طالما بتتحرك كتير

يبقى تحط المقدم فى عربية زيرو ولتكن مثلا بيجو 301 وتقسط الباقى

لو مش عايز قسط , يبقى تدور على كورى ( النترا - سيراتو )

لكن يابانى مش هتلاقى بالسعر دة , كيلوهات قليلة

[semsem85]

شكرا استاذ سامح علي ردك لكن انا مش هقدر علي الزيرو و ( الانترا - سيراتو ) اكيد استهلاك اكبر من السيتي وتوفير البنزين اول حاجة بدور عليها عشان اسستهلاكي الكبير انا حاسس اني اتسرعت في بيع السيتي .. لانها كانت بتجمع بين القوة والتوفير والاتساع ...!

[محمد كرم]

أخى الحبيب
قدَّر الله و ما شاء فعل
صدقنى لو حسبتها جيداً مالياً وإقتصادياً وفنياً ستجد أن قرار البيع للسيتى ٢٠٠٤ فى عامها العاشر من سنة صنعها من أفضل قراراتك ،
فاللهم لكَ الحمد ولكَ الشُكر على كُل حال .
وإن شاء الله قريباً جداً سنبارك لحضرتك فى هذا المنتدى الرائع على السيارة الجديدة والتى ستكون أفضل بكثير .

[semsem85]

طيب بما انا في حيرة ممكن تشاركوني حاليا انا شوفت اكثر من عربية زي بيجو ٣٠٧كاملة بس مانيوال - رينو ميجان ٢٠٠٧ اوتو - سيتي ٢٠٠٤تاني بس كيلو ميتر اقل وانضف. ايه رايكم