استفسار عن مسمار خليط البنزين / الهوا في الكاربيراتير mixture screw

[engmesk3]

السلام عليكم يا اجدع هونداوية :

عندي استهلاك بنزين زيادة اوي حوالي 220 كيلو في التفويلة والبوجيهات بتطلع سودة جدا قلت ابص علي مسمار تظبيط نسبة البنزين للهوا في الكاربيراتير mixture screw لما ربطته للاخر ما لاقيتش فرق

هو مش المفروض انه لما يتربط للاخر العربية تبطل ؟؟

[engmesk3]

طيب بما ان ماحدش رد اسالكم سؤال تاني :)

هو مسمار الخليط ده بيكونترول الايدل بس ولا بيكنترول الايدل ولما ندوس بنزين برضه ؟!!

[engmesk3]

بما ان مافيش حد رد قلت ارد انا من قبيل مشاركة الخبرات والذي منه...

بعد البحث والفحص وجدنا الاتي :
- مسمار تظبيط الخليط ده بيظبط نسبة الهوا للبنزين في الايدل بس .. يعني مالوش دعوة بنسبة الخليط في السرعات (وانت دايس ع الاكسراتير)

- المفروض لما تقفل مسمار الهوا للاخر العربية تبطل .. ده لو مسمار الايدل مش مفتوح بزيادة ..

استهلاك العربية الزايد (اللي شغالة كاربيراتير) في العموم بيكون لاحد او بعض الاسباب الاتية:

- مستوي البنزين في غرفة العوامة عالي عن الحد المشار اليه في الكتالوج.
- فلتر الهوا مسدود.
- ضغط البنزين الزيادة من طرمبة البنزين ..

انا ظبطت مستوي البنزين .. فاضل اني اغير فلتر الهوا .. وكمان اشوف حل في طرمبة البنزين الكهربا اللي اعتقد بتنفخ ابرة الكاربيراتير لان مالهاش راجع للتانك..

وسنوافيكم بالانباء تباعا :)

[SAMEH_FOUAD]

طبعا ياباشا مسمار الهواء المفروض ولا يكون مفتوح ولا مقفول المفروض بيتم ظبطة على مدى استقرار عدد لفات المكنة على وضع السلانسية بحيث ماتلاقيش فيها رجة او خنقة فى السحب , وتحس ان المحرك هينطفى

لكن فية اسباب تانية وهية ان لازم يكون الكربراتير عندك متسلك كويس عشان اقل نسبة هواء وبنزين تظبطة والا هتفضل تعلى عشان توصل للنتيجة اللى انت عايزها

وطالما عندك البوجيهات بتسود او بتهبب , يبقى كدة فية عندك بنزين بيترمى بزيادة

وطالما عندك مهما قفلت مسمار الهواء ومافيش اى تغير فى المكنة حصل , يبقى انت كدة فية عندك vacum leak فى الكربراتير , هو اللى عامل عندك اللخبطة فى ال mixture وبالتالى نسبة استهلاك اعلى