مواتير الهوندا للخبراء اخوتنا هنا

[خالد دياب]

بسم الله الرحمن الرحيم

الى اخوتي واحبتي الهوندايه المحترمين : كنت ببحث على النت وشفت موضوعات متنوعه عن مواتير الهوندا كنت حابب اكتر موضوع شامل لو حد يقدر يفيدنا فين ويكون شارح الاجيال 8 هيكون تحفه وبجد وكنت حابب اعرف الموتور vetec بيختلف عن i_vetec ولا ده اختصار والماتور 1600 cc بيولد كم حصان وهل ده استاندر في كل المواتير ولا بيختلف وافضل ماتور ايه في الهوندا ولو فيها رذاله من اخوكم ايه الفرق بين si و sir ولكم جزير الشكر يا رجاله

[banzai]

واحد من افضل المواضيع هنا فى قسم هوندا عامله أ سامح فؤاد لمواتير الجيل الخامس و السادس

http://www.nilemotors.net/Nile/189865-a.html

الجيل التامن و التاسع بينزلو بنفس الموتور r16 اللى هو بلوك مصغر و بينزل فى دول محدوده من بينها مصر 1.6 لتر 123 حصان للموتور الاصلى اللى بينزل فى العالم و هو r18 1.8 لتر 140 حصان
vtec التحكم فيها عن طريق الكابل ivtec بدأت فى مواتير ال k من 2001 و اتعممت على المواتير 1.8 و 1.6 من 2006 بداية الجيل الثامن و فيها بقى التحكم عن طريق حساسات سينسورز الكترونيه بدلا عن الكابل
1.6 اه استاندارد كقوه 123 حصان منذ عام 2006
1.6 للجيل الخامس و السادس فده بحر كبير هتفهمه لما تقرا موضوع سامح فؤاد
افضل موتور فى الهوندا ده سؤال عمومى اوى و مفتوح اوى لو قصدك للجيل الخامس و السادس فى السيفيك فاللى بينزل للسيفيك
هو b18c-r قوته 210 حصان تنفس طبيعى من غير تيربو 1.8 لتر
فى موتور s2000 قوته 250 حصان 2.0 لتر تنفس طبيعى f20c
فى مواتير k24 قوتها بتوصل 230 حصان 2.4 لتر و ده اللى بينزل حاليا للسيفيك si
فى مواتير J قوتها 280 حصان 3.5 لتر 6 سلندر للاكورد كل المواتير دى تنفس طبيعى
و مؤخرا فى تايب ار 2015 موتور 2.0 لتر مزود بتيربو هيطلع 290 حصان

الفرق بين si , sir
فده سؤال خاص بالجيل الخامس و السادس sir بتنزل بموتور اقوى من si حوالى 30-50 حصان و عفشه و الاتنين 1.6 لتر
دى معلوماتى عن موضوع سعادتك

[SAMEH_FOUAD]

بسم الله الرحمن الرحيم

الى اخوتي واحبتي الهوندايه المحترمين : كنت ببحث على النت وشفت موضوعات متنوعه عن مواتير الهوندا كنت حابب اكتر موضوع شامل لو حد يقدر يفيدنا فين ويكون شارح الاجيال 8 هيكون تحفه وبجد وكنت حابب اعرف الموتور vetec بيختلف عن i_vetec ولا ده اختصار والماتور 1600 cc بيولد كم حصان وهل ده استاندر في كل المواتير ولا بيختلف وافضل ماتور ايه في الهوندا ولو فيها رذاله من اخوكم ايه الفرق بين si و sir ولكم جزير الشكر يا رجاله

1- ال vtec تكنولوجيا اخرها كان موديل 2000 ونزلت بعديها ال i-vtec بعد كدة كتحديث ليها بس اهتمت اكتر بتوفير البنزين عن الاداء بعكس الل vtec كان مهتم اكتر بالاداء ورامى خالص موضوع استهلاك البنزين

2- محركات ال1600 العادية قوتها بتبدأ من 118 حصان الى 128 حصان ( ودية محركات الكامة الواحدة )

محركات ال 2 كامة فية منها نوعين , نوع ب vtec ونوع بدون vtec

اللى بدون vtec : اقصى قوة لية 130 حصان

اللى ب Vtec بتبدأ قوتة من 158 حصان الى 185 حصان على حسب الكود


افضل محرك من هوندا على حسب الفئة يعنى المحركات :

1500 : d15b

1600 كامة واحدة : d16y8/6 - zc - d16z6

1600 vtec double cam : كل فئة ال b - series زى الفل


si : بتنزل بمحرك 2 كامة بدون vtec بكود d16a9 و 1600 سى سى

SiR : بتنزل بمحرك 2 كامة مزود ب vtec بكود b16a و 1600 سى سى

[خالد دياب]

الاخ banzia ايه الجمال والحلاوه دي برنس من يومك يا غالي

[خالد دياب]

استاذ سامح مبدع من يومك مفيش ولا كلمه دخلت في المفيد علطول عندي استفسار اعرف منين ان الماتور الي قدامي كامه واحده او كامتين وتسلم ايدك مقدما يا كبير